الموضوع: الــــــمــــــــارد الــــــشــــعـــــري

[blink]~*¤ô§ô¤*~*¤ô§ô¤*~السلام عليكم ورحمة الله وبركاته~*¤ô§ô¤*~*¤ô§ô¤*~[/blink]


المارد الشعري ليـا غـاب والا حضـر

يـزت روحـه علـى كفيـه ويزتهـا

الله يقطع هـل الدمـام ياهـل الخبـر

وعدت أبو ريـوف بزيـاره ولا زرتهـا

يا ريوف ليل المواجـه قـدر والا سهـر

لــو انـهـا باختـيـاري ما تخيرتـهـا

وانا فراسي قصيده تشتغـل مـن ظهـر

واخاف عينـي تغمـض ما بعـد قلتهـا

لكن قولي لبنـات السـد ولا النصـر

وش رايهم فـي هنـوفٍ يـوم عيّنتهـا

جديلهـا يدهـر رموشـهـا تـدّهـر

وثيابهـا كـل ما هـبّ الهـواء بختهـا

ماهيب شيٍ من الفتنـه ولاهـي بكـر

لكنهـا مـن غلاهـا لـي تباكرتـهـا

وردوفها رفرف الجمس الجديـد الحمـر

مستعمله بـس لـي ذلحيـن ما سقتهـا

قالو لي اخذ اختها قلـت الليالـي دهـر

ما هـي ببلـغـا ولكـنـي تبالغتـهـا

كن نيل مصر اللذيذ الي يصـب بمصـر

نيل امها وكـن دلتـا سوريـا دلتهـا

إن سولفت سولفـت لكـن بالمختصـر

كنها تضامن مع البكمان فـي صمتهـا

اليا اضحكت قلت يا ربي عليـك الصبـر

واليا بكـت قلـت يا ربـي ما صبرتهـا

الخيل والليـل والبيـدا ووجـه الفقـر

تطيح مـن عينـي اليسـرى لا ناظرتهـا

حتى هوى الطائف اللي كـل ليلـه مطـر

كنـي مصيّـف بـجـوّه لا تحضنتـهـا

أمحق سنه عاد قلبي فيش وامحـق شهـر

ما فيـه مُـرّه بعـد فرقـاش ما ذقتهـا

وانا على شانش أزعل حكومـة قطـر

عجمي وقلبـي خبـل لا بعتهـا بعتهـا

أمتن من الضعف واطول من ظلال العصر

يضيع فيهـا النظـر لا منـك ناظرتهـا

يا قلّها يـوم الـد العيـن يـم الخصـر

وليـا تعـديـت قلّتـهـا تكاثرتـهـا

من المخافه ما يوقظـك لصـلاة الفجـر

ومـن الطهـارة ما يكفـي لا تيممتهـا

إليا اقبلت كنها الإرهاق بعـد السفـر

متثيقلـه مـن سحـاء ولا تثيقلتـهـا

يدفها الشـوق دف العاصفـه للشجـر

وتميـل لكـن تستعـدل لاعدلتـهـا

ساعة ما تزعل كنه زعـلان منـك بـزر

يا جعلـك تمـوت يا محمد ما زعلتهـا

يا جعل مالش يا عيني غيـر فتنـة نظـر

والله يلعـنـك يا قلـبـي لا هملتـهـا

الله خلقهـا بشـر لكـن غيـر البشـر

الناس من تحتهـا والأرض مـن تحتهـا

قالت: وانا الحمـدلله والثنـاء والشكـر

قلت: انتي اللقمـه الـي ما بعـد كلتهـا

قالت: أنا الموت قلت انتي عـذاب القبـر

قالـت: لا بالله يابـن الذيب مصختهـا

الله عطاها شرف مريـم وتقـوى عمـر

وانـا ليـا ذعـذع الغربـي توسدتهـا

بس اعذروني لـي غنيـت ياهـل قطـر

الله يغفـر ذنوبـي يــوم حللتـهـا

ما هوب جنون الغنم ولا جنـون البقـر

شاعر وعندي قصيـده زينـه وقلتهـا

قولـوا لهـا لا تورينـي نجـوم الظهـر

إما تـرد الخبـر والا عشقـت اختهـا








الشاعر محمد ابن الذيب

---

hgJJJJJJlJJJJJJJJhv] hgJJJJJJaJJJJuJJJJJvd