الموضوع: تلفيف الشعر بدون فيـــــر ادخلوأأأأ

الشعر, ادخلوأأأأ, تلفيف, بدون, فيـــــر

السلام عليكم
حبيت اشارككم في هالتسريحة لانها مرة سهله وروعه وما تكلف
شيء وبالمشاغل تسوونها بما لا يقل عن 300 ريال
رح تحتاجون الى :::
رغوة الشعر + قصدير
طبعا اول شي يكون شعرك مستشور ** تجيبي القصدير وتقصيه قطع مربعه او مستطيله على حسب طول شعرك كل ماكان اطول تكون القطعه كمان اطول شويه
بعد كذا تلفي كل قطعه تبرميه يعني تسير زي المسطره بس بشكل رفيع
تقسمي الشعر بالترتيب من تحت يعني من عند الرقبه وتاخدي خصله على حسب ماتبغي اذا تبغي اللف صغير تاخدي خصل صغيره واذا تبغي اللفات كبيره تاخدي خصل اكبر يعني انتي وحرافتك
تاخدي الخصله وتحطي شوي من الرغوه بس مو كل الخصله يعني زي ماتحبي اذا كانت اللفلفه كل الشعر او اطرافه والافضل الاطراف تطلع احلى وخاصه الشعر الطويل وابدأي لفي الخصلة على القصدير بعناية وترتيب وتنظيم فائق الى الحد الذي ترغبين في لفه واللف يكون الى الداخل والافضل عندك لفك للخصله انها كون لاعلى شوي حتى تسير متساويه
بعد كذا تلفي القصدير يعني تضميه لبعض حتى مايفتح وهكذا خصله خصله الين ماتخلصي

طبعا بعد مايجف الشعر تماما يعني ساعتين ثلاته او اكثر حسب استجابة شعرك للف
وبعدين تبدئي تفكي القصدير بحيث انك ماتسحبيها سحب حتى ماتخرب الخصله فكيها بشكل لولبي

ورح تشوفين النتيجة بعينك راح يطلع شعرك
ولا اروووووووووع

ولا تبخلون علي بالردود الحلوة

---

jgtdt hgauv f],k tdJJJJJv h]og,HHHH