الموضوع: محاوره بين فتاة صغيره وشايب 000m.m.r.a.

بين, صغيره, فتاة

السلام عليكم



هذه محاوره قديمة بين فتاه وشايب في الثمانين من عمره

اتمنى تعجبكم



بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب .

فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله

كيف تكون .

راحت له وردت عليه السلام كيف حالك يا شايب رد السلام والله بخير الله يعافيتس

وفجأه عطته ظهرها ومشت ولا استئذان ولا شي

ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت

باخوي حمود اللي في قبره ويذكر التاريخ واليوم اللي قابلها فيه

يقول الشايب :





يا بنت خوذي خاطري وارحمينـي

لا تجرحيـن العـود بعيونـك الـسـود

غضـي نظـرك وغطـي الوجنتينـي

لعـل يـومٍ جــدد الـجـرح مــا يـعـود

يوم انتهى مع مرمسات السنيني

جتني صواديفه على غيـر مقصـود

بـاول شهـر عشـره نهـار الثنينـي

حمدان مروا به على جنازة حمود

البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ

راحته في التغزل

ردت عليه وهزأته تقول






يـا شايـب الرحـمـن ويـنـك وويـنـي

عزي لحالـك قدمـك البـاب مسـدود

قلبـك عطـوف وجـاه قـلـبٍ متيـنـي

والبنت ما تشفق على مغازل العود

حبـل الرجـا مقطـوع بيـنـك وبيـنـي

مثل الغليث اللـي رعـا قلبـه الـدود

اقفـى شبـابـك والـعـرب مقبليـنـي

يا عـود مـا يرجـع مـن العمـر مفقـود


حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها

صدي عني انه ما يبي الغزل بعد ما وصل عمره ثمانين سنه

يقول حمدان :






يـا بـنـت صــدي بالعـيـون الظليـلـه

لا صـــد عـنــك الله نـهــار القـيـامـه

مـالـي ومـالـك يـالـفـروع الطـويـلـه

لـو فيـك مـن رسـم البـداوه علامـه

يابـنـت مــا لــي بالثمانـيـن حـيـلـه

اهدف كما تهدف على البيـر قامـه

اقفى شبابي والدهر شفـت ميلـه

يالله حـسـن الخـاتـمـه والـسـلامـه

اعطـيـك مـوجـز والبضـاعـه قلـيـلـه

واخذت لك من صافي الماء سنامه





راحت الايام والشايب مسكين سنه خذله معها شايب وهي بنت وتقول له كيف اعطي شايب وجه


بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها

بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب

يقول حمدان






يـا بنـت مـا جاتـس الكبـر والخشـونـه

وعادت شباب اليوم يجفل من الشيب

يـاســرع مـــا وبـلــك تــمــزع مــزونــه

يالفـاتـنـه يـــا ام الـثـمـان الـرعـابـيـب

يــا بـنـت مــا بـيـنـي وبـيـنـك مـهـونـه

كلـمـة شــرف نـبـي تحـيـه وترحـيـب

الله مـــــن عـــــودٍ ثـقـيـلــه طــنــونــه

يـنـصـاه راع المشـكـلـه والـمـواجـيـب

علـى الـكـرم والـديـن نفـسـه حنـونـه

تـلـقـاه بـالاجــواد شــــرق وتـغـاريــب


جهز الابيات وارسلها مع عجوز ووعد العجوز بهديه اذا وصلت الرساله لها

راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته

ترجعين له بابياتي العجوز مسكينه قالت طلعيني ولا ابي منكم شي الله لا يعودكم انتم واوراقكم

ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف

تقول البنت






الـعـود عــود وطـايـحـاتٍ سـنـونـه

من كثر ما يرقد على جرة الذيـب

عـودٍ مهـرقـل والـعـرب مــا يبـونـه

ياعود ما لك في طويل المراقيـب

اقفى شباب العود راحـت حتونـه

مثل اليتيم اللي بكا ما له مجيب

جــداه ينـثـر دمـعـة ٍ مــن عيـونـه

غريـق مـوجٍ مـا لقـا لـه مقاضيـب

هذي قصة الشايب والبنت وسلامتكم وتحياتي للجميع



§¤~¤§¤~¤§][][§¤°^°¤§][][|؛¤ّ,¸¸,ّ¤؛|][®][^][®][°ˆ~*¤®§(*§*)§®¤*~ˆ°|--*¨®¨*--|~*¤ô§ô¤*~~*¤ô§ô¤*~*¤ô§ô¤*~000قلب شاعر الابداع000حمو000~*¤ô§ô¤*~*¤ô§ô¤*~~*¤ô§ô¤*~|--*¨®¨*--|°ˆ~*¤®§(*§*)§®¤*~ˆ°][®][^][®][|؛¤ّ,¸¸,ّ¤؛|][][§¤°^°¤§][][§¤~¤§¤~¤§

---

lph,vi fdk tjhm wydvi ,ahdf 000m>m>r>a>