الموضوع: ابي رايكم في ثقيل الدم _دخلني المستشفى بثقلت دمه

سلام عليكم
ومساكم الله بالخير
هذي سالفه صارت لي بغيت ادخل بسبتها المستشفىاكثر من مرررره
وحبيتانكم تشوفونها وتحكمووون
هذا انااول مادخلت الكليه بحايل عرفت لي واحد
وياليتني ماعرفته
ههههههههههههه
ياهو ثقيل دم بجد
المهم اول ماتقابلنا
الولد شافني جاي من بعيد يعني ماني من حايل
قال خلني اتعرف عليه
جاني قال
سلام عليكم
قلت هلا وعليكم السلام
قال انت منت من ربع حايل صح
قلت لا والله ماني منهم
قال اجل من (شاص) القصيم (الشاص والربع يعني جيب للي مايعرفونها)
ههههه ياثقل دمه
المهم مسوي نفسي اضحك انا
قلت لاانا من المدينه
ويوم جينا من البكره قبل لاندخل المحاضره قال هلا والله ابن مطير وشلونك
قلت بخير
قال امس كنت ابيض متى غيرت لونك وصار( بخير ) من ثقلت دمه يسمي كلمة بخير لون
ياناس بغيت اشوووووته ياثقل دمه
هههههههههههههههه
المهم قلت نعديها تونا جايين ماودنا نسبب مشاكل
دخلنا القاعه
عاد ماصدق على طول جا وجلس جنبي (جمبي)
وبدا الدكتو يشرح عن ماده اسمها علم ادووويه
قال الدكتووور :من اهم الادووويه المستخدمه او المسكنات هي البارا ستمول(البندوول والفيفا دول وغيرها من المسكنات)
وسأل الدكتوور احد يعرف البارا ستمووول
قال اللي جمبي هذا: ايه يادكتووور انا اعرفه
قال الدكتوور اوكي تكلم لي عنه
قال الولد: اسف يادكتووور ما احب اتكلم في احد وهو ماهو موجووود
ياناس هذا وش اسوووي به اقتله ياهوو رفع ضغطي
المهم قلت ماشي عشان هم يقولون اهل حايل انهم صدوورهم وسيعه
وسع صدرك يا مطيري هالمره
المهم عاد هزء فيه الدكتوور شوي وهوطبعا ماعنده اي مشكله لوتحش فيه سنه ابرد منه مافيه

طلعنا قال شفت كيف علقت على الدكتوور
عاد انا من دوون نفس مسوي نفسي اضحك واقول : والله منت بسيط ياولد قوي

المهم حلف علي اني لازم فطر معه وعلى حسابه
قلت اوكي
وشغل الموووتر وركبت معه ورحنا للمطعم يوم وصلنا
نزلنا
ويبي يسألني ويش ابغى
قال ويش تحب
قلت كبده

قال كبده ماتحبك
هههههههههههههه
ياناس وش اسوي له
عديتها قلنا مايخالف دام الرجال كريم ويبي يفطرنا نعديها
افطرنا وقال ودك اني اخليك تشوف حايل
عاد انا انبسطت قلت ياليت والله
طلع ورقه معه في السياره فيها خريطة حايل
قال وهذي حايل
ههههههههههههههه
الحين انزل العن شكله والا ويش اسوي به
وكالعاده نعديها عشان مايقولون هذا راعي مشاكل
رجعني لسيارتي وانا ظغطي واصل حده
قلت له الله يسلمك على الفطووورور
صراحه كان دمك خفيف اسعدتني بخفة دمك
المهم يوم جت الساعه9 بالليل الاالجوال يدق
قلت هلا والله بخويي (طبعا طلع هو الغثيث قصدي خفيف الدم)
قال وشلونك قلت ابيض (عشان مايستخف دمه و يفكني منه)
قال اليوم كان لونك( بخير) ويش خلاه ابيض الحين هههههههههه
(لونك بخير) هذي مدري من وين جايبها بس نعديها

قال سمعت اخر نكته قلت لا وش هي اتحفنا
(قال فيه واحد زعلان من نفسه طاح قال احسن)
ههههههههههههههههههه
وسويت نفسي ميت من الضحك
وانا لو بكيفي دخلت يدي مع الجوال وفقعت عيونه هالغثيث
قال انت لك احد يقرب لك في الكليه
قلت ايه
قال انتم في شقه وحده
قلت ايه
قال كيف تداومون
قلت ندام سوا (يعني مع بعض)
قال تادمون( سوا) والا (موبايلي)
هههههههههههههه

وسويت نفسي اضحك
انا بس متى انهي المكالمه بقفل جوااالي وافتك
اخذنا شوي
قال
عندك أحد الحين قلت ايه
قال انا عندي ثلاثاء
هههههههههههههههههههه


عاد خلاااااااااااااااااااااااااص وصل المووووضوع حده مع الاخ
قلت له: تعرف تسووووق
قال : ايه
قلت: طيب سقها (سقها يعني اقلب وجهك ههههههههه)

وقفلت في وجهه
المشكله ما زعل الولد جاني من البكره بنفس برووود الاعصاب
وبنفس ثقلت الدم

اخر شي نقلت من من نفس المجموووعه اللي هو فيها لمجموووعه ثانيه
والحمدلله افتكيت منه
عاد الولد طلع محد يعطيه وجه غيري مسمينه (ابوركبه) يطلق هذا اللقب على الغثيث
ههههههههههههه


وسلامتكم
واسف على الاطااااااله
توووووم كروووز