الموضوع: المـرجله

هذه قصيدة لنوف بنت فهد العتيبي


المرجله

إذا المراجل لبسة شمــاغ وعقــــال *** قل للعـــــذارى يلبسن العمايــــــــم
ماعاد يفرق زول حرمه ورجـــــال *** دام الفعايل تشبه البعض دايــــــــم
المرجله ماهيب كلمة وتنقـــــــــال *** وتروح ماراحت هبوب النسايـــــم
وإلا خشونة صوت أو رفع الأثقال *** أو رزة صـــدور وفعـــل الزلايــــم
ولاهي بعد مفتاح موتر وجـــــوال *** وإلا ردى لسانن حديثه شتايـــــــم
المرجله شيمه عن القيل والقــــال *** رفيع نفس ن حر بالجو حايــــــــم
المرجله عقل وزن وزنه جبــــــال *** ودون العقل وش فرقنا والبهايـــم
يامسندي لو مايل الوقت بي مـــا *** ياولد أبويـــه ياعظيـــم العزايـــــم
يامعرب الجدين من العم والخـــال *** يانخوة المفزوع وقت الهزايــــــم
المرجله ياخوي هي طولة البـــال *** هي العزم هي الصبر فالظلايـــــم
فيها الكرم عزه دله وفنجـــــــــال *** فيها الكرامة عن ردى الطبع شايم
والديـن لامنــه خذا القلــب منزال *** مشى طريــــق الحق وابليس نايم
ومن لاعرف ربه في طيب الحال *** لابد وقت الضيق بالهم هايــــــــم
حتى صلاتك مع جماعات ورجال *** في خيرها ياخوي نعم الغنايـــــم
ولامن نصف ليلك قم صفي البال *** ياعظم أجرك بين ساجد وقايــــم
ولامن رفع ربي له كل الأعمــال *** حسن الذكر لاقالو فلان صايــــم
وخلك شريف القصد ياطيب الفال *** سوء المقاصد فالبيوت الهدايــم
واحذر تبيع النفس في درب الأنذال *** وتتبع خوي إبليس راع النمايـم
النفس خيل لك إذا كنت خيــــال *** ومن لاقوى نفسه قوته الهزايم
ولا صرت ماتدري لويش أنت رجال *** والله خسارة فيك ذبح التمايــــم

منقوول