الموضوع: هـــم طـــرالــي وفـــارقــت عينــي النــوم

النــوم, عينــي, وفـــارقــت, طـــرالــي

[align=center][frame="4 80"]ياقلم جيتك بهمي يا رفيقي فالهموم
يوم كل الناس تكسر من زعل لاقلامها
ما خرج هم القصيده ولا دخل للعين نوم
يوم كل الناس حولي غارقه باحلامها

الشعر جاني حزين ً والقصايد في وجوم
وكل احاسيس ً بنفسي نكست لاعلامها

جيت اعد هموم نفسي وكني اعد النجوم
ونفس شالت للفضا يا لعنبو من لامها

وين عني هالجبال و وين عني هالرجوم
والله انـّي ودي ارقى دام نفسي دامها

كل ما علم ً بغتني قلت قدامك علوم
وكم علوم ً باقيات ً من ورا آكامها

خبرينا يا سنين ً اعقبت قوم ً بقوم
قوم هدت للخيام وقوم تبني خيامها

الفرح يوم ً ويمضي والحزن يبقى ويدوم
وتظهر النفس لفرحها وتحتفظ بالامها

من عرف اصل الزبرجد من درسها فالعلوم
من قرا التاريخ واصل لين سبع انعامها

العرب قامت تراطن شعر فرس وشعر روم
أثــّــرت فيها عواجة السنة خدامها

والله ان ودي لو ان كل شاعر ً يدفع رسوم
كان سوق الشعر الاصلي تتضح ارقامها

في زمان الكل شاعر في زمن قم بس قوم
مثل من صلى صلاة ً ما يعرف احكامها

وكلمة ً عوجاء تراها العن انواع السموم
ليت من خذها من القاموس و تم اعدامها

معركة خمسين عام ً تبتدي بكلمة هجوم
أربع حروف ً ولكن قس بما قدامها

ليت لي يا الحر الاشقر مثل مالك كان احوم
ووالله اني غير احوم لحومة ً ما حامها

والله اني غير لارقا ثم لارقا لين اعوم
في مجرات ً اجيها واسكن احدى اجرامها

وابتعد عن كوكب ً كله صراعات وخصوم
منوتي لو من تمنا منــوة ً له رامها

القصايد بعضها تدعيك تقعد ثم تقوم
والقصايد ثقلها ما هو بكبر احجامها

والقصايد فيهن الي مثل فزعات الرخوم
عذره المهره ذريبه بس ضاع لجامها

ياقصيده كل شي ً كوم والسجات كوم
صار لا شيء الزبرجد عند صب الهامها

والله ان مرات ودي لو اكلتك بالهدوم
والله ان مرات يكفي بس اذوق يدامها

ايلا هنا بان الصباح لشهرياري ثم تصوم
واستعدت للرحيل ورتبت هندامها

الوعد قالت مساء ً بين هاذيك التخوم
قلت يا بعد المسا يومه كأنه عامها


بــقــلـم وانــامــل : خــــــــالـــد الـقـحـطـــانــــي[/frame][/align]

---

iJJJl 'JJJvhgJJd ,tJJJhvrJJj udkJJd hgkJJ,l