الـزقــاره

ولعــــت مـــن نـار القصــايــد زقـــاره
. وقـعـدت أكـن أمن القــهر والتفــاكيـر

عليـــك يأللــي ماحسبــتــك خســـاره
. مثـــلي يفـــرق بيــن ربـــح ومخاســيـر

مـشـره عــلى أللــي رفقــته مستـعاره
. الحــــر . ماهــمـــه صفيـــر العصافيـر

أن رحــت منــي ماتــطـــوف الأشـــاره !
بتـــروح وتــــردك عـــلي المـــقـاديـــر

وأقـول لــك جمــــله بصيغــة عبــــاره
. صغيـــر يكبــــر بـــس مايـصغــر كبيــــر

وأللــي تعــــذر ماقبــلــت أعتـــذاره
أن كـــان مخـــطي لايـــقــدم معــاذيــر

داجـت بـك ســلوم الـــردى والحضــاره
. وأتعــبـت حــالك فــي كثيــر المـشـاويــر

صــديــت عنــي وأتحســبهــا شطـاره
. مــن دون لاخـــذ منــــك علـــمن وتفسيـــر

ماهــمنـي ! لاكــن بــراسـي نـعـــاره
سبــة صــدودك منــــك ولا مــــن الغــــيــر

ماكــل أميـــــرن يســتـحــق الأمـــــاره
وماكـل طيـــرن يعتــــلي فـــوق ويــطـــيــر

بعــض البشــر واجــب عليـــك أعتبــاره
والمــدح فــي بعــض الريــاجيــل تقصيـــر

خــــوة نشــامــا لـنشــامــا تــجـــــاره
وأنـا غنيـــــن بالـرجـــــال المنـــاعــيــــر

ياصاحبـــي خــوّتــــك مثـــل الزقـــاره
دايـــم بجنـــبي ميــــر مــامــنـّــهــا خيـــر

hgJ.rJJhvi