الموضوع: يوميات تمساح <<< سحالي حياااكم

تمساح, يوميات, صيامى

يوميات تمساح <<< سحالي حياااكم

--------------------------------------------------------------------------------

سلاااااااااااااااااااااام


جبتلكم موضوع لؤؤؤطة .


اكيد يعجبكم وهو عن يوميات التمسايح وشلون عايشين وكيف حياتهم اليوميه

نبدأ.



عند الأستيقاظ من النوم أو الصلاة



في هالحاله التماسيح أنواع المرافس وتجي الوالده تقوم للصلاة وكأنها تحاكي السرير اللي نايم عليه أو الجدار اللي جنبه وأنواع القلق والأم ياحياتي بس قم الصلاة وهو بأحلامه ماأدري وين موديته هالأحلام وما علي لسانه ألا طيب أبقعد ألحين خلاص قلنا طيب خلاص أبقوموأذا راحت أمه ورجعت وقالت له صليت قال أيه صليت وهو نصاب حتي ماتحرك من علي السرير وينام ألمن تجي أمه تقعده من النوم بيروح المدرسه أو الدوام ومايقعد إلا بعد طلعت الروح وتعالوا شوفوا الأشكال لما يقعدون من النوم الشعر .يمي(كأنه سكني) وليته ناعم ألا أنواع الخشونه (طبعاً نادراً جداً تلاقي تمساح سعودي شعره ناعم) ويقوم يلبس الثوب حتي مايغسل وجهه (يلعن أم القرف) وشوفوا الغرفه بعد مايطلع ريحتها تسد النفس وكل الملابس في الأرض والدولاب نظيف مافيه شي لأن الملابس ماعمرها دخلت الدولاب وتلاقي في كل ركن بالغرفه معلق له ثوبشماغ علي باب الدولاب علي الشباك علي السرير في كل مكان يخطر ببالك.
بعدها ينزل ويلاقي أمه أو أبوه ويسلم من طرف خشمه كأنه هو اللي يصرف عليه(يلعن أم الأخلاق)










**************** عند الذهاب الي المدرسه أو الدوام****************



طبعاً الأخ تمساح طلع من البيت داق اللطمه وماله خلق يكلم أحد وداعس بالسياره ويجي واحد يمشي بشويش مسكين معاه عياله يوديهم لمدارسهم وتعال شوف أنواع السب والشتم عشان مو مسرع مثل خوينا التمساح(مستعجل اللي يشوفه يقول الأول علي المدرسه أو حاطينه مدير عام) إلا يبي يروح يكمل النوم علي الطاوله أو علي المكتب.
ولما يوقف عند الأشاره أنواع التأفيف والسب وتفتح الأشاره واسمع البواري أمش
يابن ال.
ياحول كأن الشارع شارع أبوه ولم يوصل للمكان شغله يمر ولايسلم ولاكأنه يعرف أحد وكأنه عايش بها العالم بلحاله(مساكين يالتماسيح الله يعينكم علي حالتكم الصعبه).
طبعاً لما يوصل الدوام أو المدرسه يحط راسه علي الطاوله وتبدأ أحلامه من جديد إلين مايحس إلا المسطره منكسره علي ظهره وأنواع التهزيأ.
وفي الأخير جيب ولي أمرك.هما قالوا موأنا











****************عند العوده من المدرسه أوالدوام ****************



طبعاً الأخلاق منتهيه وخاصه لما يكون الجو حار مع الأخلاق ياسلامحدث ولاحرج
المهم لما يوصل للبيت يدخل ويسلم هنا فيه مصلحه وهي أنه جوعان وبطنه فاضي وده يترسه وماهو رايق للحكي الفاضي طبعا ً يدخل ينطل شماغه عند الباب والنعال (طبعاً هذ لبس الشباب السعودي المفضل ومستحيل يتطورون ويلبسون جزم مثل الخلق الفاهمين إلا من رحم ربي )
نلقاها بالسياره والثوب ناطله عند الدرج عشان بس يبي يعبي كرشته.
أكل الأخ ألى من شبع وأنسدح مكانه وجاء وقت الصلاة. وهنا . تبدأ المعاناة وتعرفون الباقي










**************** وقت العصر والمغرب****************




هذا الوقت طبعاً الموظفين من التماسيح نايمين وحتي العاطلين لأن ماعندهم واجبات يحلونها أما الطلاب أنواع المطامر في الشوارع والحواري(هم ليه طالعين بياخذ من خويه واجب أو دفتر) أو يلعبون كوره في الشارع(ودي أعرف بس مايحلالهم اللعب الا في الشارع والأراضي الفاضيه مليانه) وعلي هالحاله إلين المغرب ويرجعون الي بيوتهم بعد ما طلعوا اللي في جعبتهم.وراجعين وهم جوعانين ويأتي وقت العشاء.










**************** بعد العشاء وقت السهره والدجه بالشوارع|




بعد مايترس التمساح بطنه يدور له علي طلعه أكيد بعد العشاء روق الأخ تمساح والربع مقلقين أبو جده وينك.بسرعه. نحتريك.لايفوتك.

وكلها نصب في نصب وشوفوا لما يروحون للربع الأبتسامه شاقه الفم عرض وطول وصاكه من الأذن الي الأذن وبالبيت ماد بوزه عشر أشبار

وخذ,, بلوتوث وسجاير ومعسل وشيشه وتلفزيون هذا طبعاً إذا كانوا بأستراحه أما أذا كان مهايت بالشوارع الأغاني علي أخر صوت ومشغلين أجنبي (شاكيراأو آشار .وأمنم ومن هالشله)وهذا ماي فيس أذا هم فاهمين شئ بس فشخره علي الفاضي .
وعلي هالحال الين الساعه ثلاث الفجر وبعدها يرجعون للبيت ومابقي عالصلاة ألا ساعه ويحط راسه وينام بدون مايغير حتي ملابسه او يفكر يرتب فراشه
وهاهي يوميات تمساح تبدأ من جديد

ههههههههههههههه

لا تزعلوا يالتماسيح بس ودنا نضحك عليكم!!

عااادي خلو روحكم رياضيه!

---

d,ldhj jlshp <<< sphgd pdhhh;l