الموضوع: ما يحـــــــــــــــــــدث في المنتــــــــــــــــدى ( خلف الكواليـــــــس )

خلف, يحـــــــــــــــــــدث

[align=right]

السلام عليكم ورحمة الله وبركاتة

منتــــــداي الغالي تقبــــــل مني هذا الموضـــــوع بصــدر رحب فبعد كثير من التصفح والتمعن نلقى الكثير من الاخطاء وانا لااخص فقط منتدانا هنا ولكن ما اراه في جميع المنتديات حتى وان كنت لم اصل الى مكانة الانتقاد ولكن اعتبروها ملاحضات .


1/ فية مواضيع لبعض الشباب و من الجنسين وبكل أمانة روعة في الأسلوب وفي السرد والطرح والتنقل بين السطور وبكل حرفنه ونحصل عدد القراء ( 2 ) عدد الردود ( 0 ) ويمكن يجاملك واحد طفشان 0
وفية واحد او وحده فاضي في نفس الصفحة والوقت يكتب موضوع اتفه منة ما شفت وكلام ما تعرف اولة من اخرة ولا يهدف لشيء او ممكن نستخلص منة أي فايدة والغريب في الأمر عدد القراء ( 100 ) عدد الردود ( 80 ) وحاجة غريبة


2/ تحصل اسماء بنات بصراحة تتخيل من حلاوة اسمها انك جالس قدام وحدة شعرها يسحب معها في الأرض والجمال ( با سكال ) ما تأكل معها عيش وملكة جمال لبنان يا دوب تشتغل عندها شيالة شنطة ( شغالة )
وفي الأخير يطلع ما شاء الله من ها الشباب الي شنبة ماهو بس الصقر يوقف فوقه الا تجيب اخوك ا ولدك الصغير وتسوي على شنبة مرجيحة من كبرها لا ويشتغل في حلقة الخضار ويبيع بطيخ ( جح ) وفي الليل يدرس يبي يا خذ سادسة كأنة يحضر دكتوراه



3/ مساكين بعض الأعضاء الشباب وخاصة من خريجي الثانوية الي الكليات والجامعات ما أعطتهم وجه وانا ادري ان بعضهم مجموعة فوق 90% بس ويش السوات راقد ألين بعد الظهر وفي العصاري من قهوة الى قهوة قاله عقلة خلني أتتسلى وأسجل في المنتديات يجيك ويسجل ( مشترك جديد هل اجد وجهة يعبرنا )
عدد القراء ( 2 ) عدد الردود ( 1 ) طبعا مشرف الصفحة ما غيرة احد

وفي نفس الصفحة تجي وحدة من ها البنات حاطه في فمها علكة وشايلة شنطتها على كتفها وما تكتب غير سطر واحد (( عضوه جديدة مين يا شطار يرحب فية ))
عدد القراء ( 195 ) عدد الردود ( 191 )



4/ فية مجموعة من الأعضاء بنات وشباب ودك تموت ولا تقرأ ردودهم على بعض المواضيع لا يعرف يرد ولا هم يحزنون لا ومسوي فيها فيلسوف يكون موضوعك في الشرق ويرد عليك في الغرب وليتها تتم على كذا الا بعد الحبيب مسوي ناقد وخفيف دم ينكت يعني يذب عليك كلام ويزعل اذا ما رديت علية



5/ هناك مجموعه من الاعضاء شباب او بنات تجدهم يعانون من مرض اسمه تشــات دردشه فتجده يتكلم ويرد كانه في شات فتجد الموضوع كله كيف الحال يرد عليه الاخر بخير وش اخبارك يرد عليه الاخر والله توني رجعت من السفر هذا اذا كانوا شباب واذا كانو بنات تشوف الاوله تقول بالله ما شفتي قطوتي اطلعت من البيت العصر ما عاد ارجعت ترد الثانيه لا والله ما مرت علينا ترجع الاوله تقول وش رايكم انا قطوتي سميتها سعيده ترد الثانيه تقول يع لا سميها فهده وهكذا وتبدا المهزله والمشرفين يتفرجون هذا ان لم يكن احدهم مشرف



6/ هناك مجموعه من الاخوان اذا حمــل في نفسـه على عضو اخر لمجرد انه رد عليه رد فيه انتقاد بسيط تجده لا يعقب ابدااا على مواضيعه هذا العضو مره اخرى وتجده يذهب الى اصحابه او اصدقائه الذين يعرفهم في المنتدى ويقول تجاهلو هذا العضو عشانه انتقدني !!!!!!!!!!!!!




7/ هناك منتديات تجد اغلب المراقبين سواء شباب او بنات لا يحمل سوى المتوسطه ولا يعي ما يقول ولا يعرف الرد اصلا وتجده مراقب ومشرف على مهندس او طبيب او جامعي على الاقل فقط

وتجده اخذ الاشراف لانه من قدامى المشتركين ولديه تقريبا 15657898 مشاركه ولو نظرت الى هذه المشاركات تجدها فقط ردود مثل.(ههههههههههههه او مسيكم بالخير او هلا فيك في منتداك او وينك يا اختي الفلانيه اتصلت على جوالك مقفول او انا انتهت اجازتي ورجعت لكم اووش رايكم في لون قطوتي لقاها يرد !!!!!!!!!!!!!!!!!!) وهكذااااااا
فمن الواجب ان يخضع هذا المشرف او المراقب لمقابله شخصيه من المسؤلين حتى وان كانت عبر الماسنجر هذا بعد ان ترى مواضيعه واقتراح ان يطرح المسؤل مثلا بعد المقابله اسم هذا العضو للاعضاء ويسالهم ما رايكم حتى وان انتقده كثير ولكن هناك من سيؤده .


شكــرا لحســن المتابعه واتمنى ان لا يأخذ احد في خاطره علي فوالله لا اقصد شخصا بعينه وان كنت ارى ان اغلب مااكتب ينظر له الكثير بمنظور اخر فوالله لا اعتبر الاعضاء الا بمثابة اخوه لي ولا اعتبر العضوات الا بمثابة اخوات وعموما نحن يجمعنا دم واحد هو أننا مسلمون حتى وان حدث بيننا اختلاف بوجهات النظر فهذا لاا يفسد للود قضيه

تقبلو خالص التحايا
اخوكم شتات أصيل[/align]

---

lh dpJJJJJJJJJJJJJJJJJJJ]e td hglkjJJJJJJJJJJJJJJJJ]n ( ogt hg;,hgdJJJJJJJs )