الموضوع: ألبـوم الفنـان خـالد عبـدالرحمـن ღღ عـوّد اللـيل ღღ

الفنـان, خـالد, عبـدالرحمـن, عـوّد

[align=center]





مرحبيتين بكل الحلويين الغاالين
مع زحمة الاختباارات نزل ألبوم أبونايف الجديد
بس حلو وعطانا ركلة الى الامام في دراستنا >> موب عااقل الجااحظ
المهم ياحلويين جاايب لكم شرييط خالد عبدالرحمن الجدييد
وصراااحة مررة مسكّت الشريط هذا
أخلييكم مع اطوحات الشريط المذهل الفانتاستيك


\\

//



اعتدنا دائما على مفاجات ملك الفن خالد عبد الرحمن التى بلاشك مفاجات جميله وقريبه إلى قلوب محبيه وعن جديده الفني الذي يحمل مفاجات كثيره اجرينا اتصال بالاستاذ(( على سعد )) مدير القسم العربي في الاوتار الذهبيه ومدير اعمال الفنان خالد عبد الرحمن ذكر ان البوم خالد الجديد فيه مزايا ليست موجودة في البومات الفنانين الاخرين وقال : منذ فترة لم نسمع مثل هذه النوعية من الاغاني وهذا مايجعلني اراهن عليه وبشده واضاف بانه متفائل بان يكون الالبوم من افضل البومات الخليج قياسا بالكم الجميل من الاغاني التى ضمها والفتره الطويلة والموفقة من الاعداد والتحضير



يضم الألبوم عشر أعمال غنائية لنجوم الكلمه واللحن في الخليج من اهمهم
( الأمير خالد بن سعود الكبير )
( الامير محمد بن عبد العزيز ) ( الامير بدر بن عبدالمحسن )
( الشاعر بندر الرشود ) ( الشاعره مناير الناصر )
(الشاعره مطلع الشمس) (الشاعر ناصر القحطاني)
بالاضافه إلى ( مخاوي الليل )


وتم عرض فيديو كليب لاول مرة قبل طرح الألبوم بعنوان «الرديه»، و«هو عمل . اصبح حديث الوسط الفني وشغله الشاغل. وذكر خالد بأن العمل في تصوير الفديو الكليب طريقتة مختلفة وجديدة،
ويعتبر ملك الفن من أوائل الفنانين في المملكة الذين اقدموا على هذه المغامرة »
العمل هو دويتو وشاركه فيه الشاعر ناصر القحطاني الذي كتب كلماته العمل
وهي بطريقة المحاورة ما بين الشاعر و المطرب،




( عود الليل )
كلمات : الأمير بدر بن عبدالمحسن
الحان : د. عبدالرب ادريس
توزيع : طارق عاكف

لتحميل // اضغط هنا
للأستماع // اضغط هنا

عوّد الليل اوقد سراجك
واحبس الليل واطلق حجاجك
احبس هموم الغرام
واطلق البسمة سلام
إن شكى العاشق يلام
رحت يابدر التمام
عوّد الليل
فـ الضحى شدوا الركاب
وابحروا يم السراب
كانت عيونه حبيبي شمس وعيوني سحاب
وآه يا سهيل اليماني شدوا البدو بأماني
ليتهم ردوا الركايب وربعوا بين المحاني
أوقدوا فـ النار نار
ما ورا ليلي نهار
من خذا فجرك حبيبي
ومن ترك لي الانتظار
آه يا رمل وهبايب
تدفن جروح الحبايب
يا ترى لو مر عام
يرجع الفجر اللي غايب
احبس هموم الغرام
اطلق البسمة سلام
إن شكى العاشق يلام
رحت يابدر التمام
وعوّد الليل

( حظ عيني )
كلمات/ مطلع الشمس
الحان / خالد عبد الرحمن
توزيع / طارق عاكف

لتحميل // اضغط هنا
للأستماع // اضغط هنا

حظ عيني لو تشوفك كل يوم=حظها وانـت لناظرهـا الضيـا
نام فيها نام وانعس لا تقـوم =بالسعـادة يـا تباشيبـر الحيـا
انت اللي لك انا عمري اسوم =وارخص الغالي بلا زيف وريا
والبقايا مالهم عنـدي لـزوم =قلبـي وقلبـك حبايـب اوفيـا
غيبتك وجدان واحزان وهموم =تتعب افكاري تسبب لـي عيـا
ودي بشوفك وبعطيك العلوم =وعن عيونـي لا يبعـدك النيـا
صدق انا مشتاق لك كني كتوم =اجبر عزومي ويمنعني الحيـا
منزللك فوق الكواكب والنجوم =وافي وسمعي على صوتك حيا
وش على عيني يلو شافتك دوم =دامك انت في محاجرها الضيا
حظ عيني لو تشوفك كل يوم =حظها وانـت لناظرهـا الضيـا



( انادي ) >> الأغنية هـذي إقلااااااع
كلمات / مخاوي الليل
الحان / خالد عبد الرحمن
توزيع / محسن عدلي

لتحميل // اضغط هنا
للأستماع // اضغط هنا


أنادي من سكـن بأقصى فـؤادي = على منهو نفـس روحي و زادي
على منهـو حرم عينـي= رقـادي أنا أهـواه . . .
يـزور العيـن طيفــه ثم أضمــه = و أحــس إن ّ الهـوى عطـــره و أشمـّه
و حبـي له يفـوق عن= حــب أمــه أنا أهـواه .
صحيـح إن الزمـن فرق حبـايب = و أنا رجـواي فـي إنسـان غـايب
معـه قلبي بصـدق الحـب= ذايـب أنا أهـواه . . .
أنا ويـاه و الذكـرى الجميلـه خليــل=ٍ ما نسـى عشـرة خليلـــه
أنا أنسـى النـاس و أتركهمـ و أجيله أنا أهـواه .
ألا يا سائلينـي عن غــرامي = أنا ظامــي لشوفــه حيـــل ظامــي
أنا أهـواه و يكفيكمـ = هيــامي أنا أهــواه .


( قبل الفراق )
كلمات / الأمير الشاعر محمد بن عبدالعزيز
الحان / خالد الجمعان،
توزيع / وليد فايد

لتحميل // اضغط هنا
للأستماع // اضغط هنا


قبل الفـــراق أنا وقلبي ننتظرها بشوق =نحكي نقــول هل يا ترى نعتب عليهــــا
وإلا هالمرة نســـامح حتى لو نرضــى عليها .=غصب تفضحني الملامح
يوم الوعـــد ماجت على ميعـــادها=وبعد الوعــد . . جتني على ميعـادها
جتني تقول ما نستمــر إنت وأنا في هالعمـــر =إحــرق بقــايا هالرسايل والصور
يا سنينهـــا باقي من لوعــة الفرقا ألم =وياحبهــا الباقي في غربــة الذكــرى ندمـ
ليه الشقــا والعمــر مرهــون في كف اللقــاء=ليه الشتات وأنت تدري مالي من بعـــدك حياة
كل العمر كنتــي و أنهى العمر هاللحيــن=أنتي يا أنتــي قصــة عمرها سنيـــن
جيتك لا تجين يا ذكريات السنـــين =جيتـــك أشوف قصـــة الماضــي على ذيـــك الرفــــوف
وآه يا الظــروف. لو عرفتــي وش حـــوت ذيك الرفـــوف = ذيك الرسايــل والصـــور وعذب الحـــروف كل العمر كنتــي و أنهى العمر هاللحيــن=أنتي يا أنتــي قصــة عمرها سنيـــن



( الـردية )
كلمات : ناصر القحطاني
الحان : خالد عبدالرحمن
توزيع : محمد عبدالحميد

لتحميل // اضغط هنا
للأستماع // اضغط هنا



ناصر

سلام و المركب عليـه اثنيـن و الساعـة تـدور
و الموج هادي و الوعد قـدام و الرحلـة ذهـاب
أن غابوا الأجواد ما غابوا من أقفـاص الصـدور
دق الجرس و العلم عجل به بعـد طـول الغيـاب

خالد

يا مرحبا يا صاحبي وأعبـر بنـا سبـع البحـور
علّي أديـر البوصلـة و أنـت الله الله فالزهـاب
أنـا سمعـت أنـك تحديـت الذيابـة و النمـور
و العام لك قلب خضر و اليوم مـا كنـك شبـاب

ناصر

الوقت قاسي و الفتى يبقى علـى الشـدة صبـور
و أن ما غدا الرجال ذيب يطيـح بأنيـاب الذيـاب
حتى الصديق الله وكيلك صـار دمـه مـا يفـور
و أنا لقيت الأصدقاء معظمهـم أشبـه بالسـراب

خالد

لا تأمـن الدنيـا و لكـن لا يجـي قلبـك فتـور
أحد يشوف أحلى البنات و لا يجـي فيـه انجـذاب
ما للحباري في القنص يا كـود هـدّات الصقـور
و أن ما كفخ طير الفضا معناته أن الراس شـاب

ناصر

كلش و لا قطع الرجا في الطيبـات مـن العطـور
لكن علـى شـرع الله و سنـة نبيـه و الكتـاب
بيض العذارى عسجديات الجسد ضمـر الخصـور
سود العيون مجـدلات الـروس تلعـات الرقـاب

خالد

بالله قلي مـا بـرى جرحـك بعـد بـدر البـدور
ما عوضوك الفاتنـات الذاهبـة و الجـرح طـاب
كم واحـد لـو مرتـه مزيونـه بعمـر الزهـور
ضاعت علومه و الصواب الله يجيبـك يالصـواب

ناصر

أحد على الدنيا وهو كنـه مـن أصحـاب القبـور
و احد يجي و يروح مع خله وهو تحـت التـراب
ياللي نسيت أن الهوى يبقى علـى مـر العصـور
بنشدك عن برقٍ سرابك و أنت من فوق السحـاب

خالد

معلّمـك يـا صاحبـي بالسالفـة و العلـم نـور
وش بك تقول الشمع ذاب الشمع مـا يمديـه ذاب
و البارق اللي مرني و أنا أدعـي بقلـب شكـور
هذاك خير طاح بأرض الغيـر و الـرب أستجـاب

ناصر

وش بينك و بين المدينة و الشـوارع و القصـور
ما قد شبعت من الخلا الخالي و من روس الهضاب
الناس ما تبطي ولـو راحـت مراويـح الطيـور
ترمي تعبها في البيوت و تستريـح مـن العـذاب

خالد

البر يشرح كل صـدر و يقلـب الضيقـة سـرور
و أنا إلى جيته يمر الوقت ما أحسب لـه حسـاب
يا ما حلا طوي الخبوت و سجة الخاطـر شهـور
ولا معك غير النشامـي اللـي يعـزون الجنـاب


( علمتني ) إهداء من الموقع لجماهير العطا

كلمات : مخاوي الليل
الحان : خالد عبدالرحمن
توزيع : ابراهيم الراديو

لتحميل // اضغط هنا
للأستماع // اضغط هنا

علمتني وشلون اعاملك بعناد =وخليتني للحب اعلن اجهادة
قتلت فرحة عمري في يوم ميلاد= عز الهوى في قلب مات بشهادة
لاتنتظر لقياي في يوم ميعاد= فاتك حضوري والمشاعر جماده
تركتلك ذكرى تعاودك بارقاد= ذكرى مريرة كنها لك وسادة
إن غبت ماني غنك ياصاح العشاق = يضيع من ضيع مشاعر وداده
مافات من عمرك صعب يوم ينعاد = زرع زرغته لايفوتك حصاده


10-روحـي الوجــله
كلمات : الأمير خالد بن سعود الكبير
الحان : خالد عبدالرحمن
توزيع : وليد فايد

للتحميل اضغط هنا

يازين خل العتاب شوي = ترى الوعد لحظته عجله
خل اتمتع بنور الضي = من نار وجناتك الخجله
ياشوق مافي يديني شي = حاسب على روحي الوجله
لاتحسب اني بظل وفي = خلك زمانه عقل رجله
كم لي وكبدي تمنى المي = ضامي ورجلي على دجله
قلبي طويته بحبك طي = وشوفك انا ميت لجله
والله مالك بعيني زي = ونفسي على موعدك هجله

( قلب ووريد )
كلمات :: د/ مناير الناصر
الحان / خالد عبد الرحمن
توزيع / وليد فايد

للتحميل اضغط هنا


تدري وش أحس و أنا أجلس معك=تدري ويش القـلب يهمـس للـوريد
ودي أسـنـــد بكــتفــك و أسمـعــك =و لا أفـكــر في قـريب و لا بعـيـد
تدري أني بك أغـار من إصبعـك=لا مسـح وجـه بشـوفـه يــوم عيــد
ودي أنـي قلبــك الـلي بـضلعـك=و أنبض إحساس الغلا و أبقى وحيد
ما تصدق يوم كنت أجلس معك=بس أناظــر في عيـونك و أستـزيد
أشربك وانسى ظمايه واشبعك =اشبعــك ولا ابي يوم جــديــــد



( انا وياه )
كلمات / بندر الرشود
الحان / خالد عبد الرحمن
توزيع / طارق عاكف

للتحميل اضغط هنا


انــا وياه مــانــدري هــويــنــا بــعــضـنــا وشـلـون= من شفـتــه وانــا احــبــه وفـجـاه صــار يهــوانــي
اذا نــاظــرني بعـيـونه انسى كل مافي الكون=اذا جاني وقـابلني اعيش بعالم ثاني
تسافر بي سـواليفه ويرحل بي سواد عيون=امــوت بطلــتــه واحــيــا عـلـى صــوتـه اذا جاني
تفــاهــمــنــا قبل نحكــي قبل مانفهم المضمون=لقينا قلوب مجتمعه تعرف الي يبي الثــاني
تعــاهدنا عـلـى وصــل ومحـبـه والوفي مايخون=مــلاء عيني باطـبـاعه واخلاقه واغناني
عشقته ياعرب سمو هوانا بالي تسمون=حبيبي صاحبي عمري ومحبوبي وخـلاني

( أسألـيني )
كلمات : الأمير محمد بن عبدالعزيز بن محمد
الحان : خالد عبدالرحمن
توزيع : طارق عاكف

للتحميل اضغط هنا

اسأليني قبل تجرحك الظنون = واسمعيني قبل يتعبك الغضب
ادري باللي فيك يالقلب الحنون = النوايا بيض والغيره تعب
علميني كيف من حبك يخون = كيف أخونك وأنتي من قلبي أحب
خاطرك غالي وحبي لك جنون =والعمر مابين رمشين وهدب




وهذي بعض المقاطع الغنائية الجديدة طرحها
موقع خالد قبل نزول الالبوم للسوق

لتحميل // اضغط هنا
للأستماع // اضغط هنا


الألبوم والصور ناقلها من منتدى خالد عبدالرحمن الرسمي
www.5alid.com

\\
//
\\

وفي ختااام موضوعي أحب أهني فناننا الكبير أبونايف بألبومه الجمييل
والاكثر من راائع واللي منتظرينه من زمااان ويعطيه ألف عاافية
على مجهوده الكبير في الشريط .
وأغنية أنا وياه هي تعاون نصراوي بحت مع ابونايف
للشاعر الكبير بندر الرشودعضو الشرف النصرواي مع المبدع أبونايف
وكلنا فخر بالاغنية هذي كمشجعين النادي العالمي الاصفر .

وان شاء الله يعجبكم الموضوع والشريط .
وأتمنى عند نقل الموضوع ذكر المصدر .

تحياتي لكم ::
سمقلاوي
[/align]

---

HgfJ,l hgtkJhk oJhg] ufJ]hgvplJk ღღ uJ,~] hggJdg ღღ