الموضوع: كـيـبـــــورديـه

كـيـبـــــورديـه

يادافع الشعـر لاتنسـاق مـن دونـي
مادمت في ذمتـي سـجّ القـدم فيّـه
خلك علـى نيتـك وظنونـك ظنونـي
وانـا ماغيّـر عليـك الظـن والنيّـه
البارحـه مـرّت الاحــلام بعيـونـي
احلام سوداء ماهـي باحـلام ورديـه
امسيت اصوّت لها واصبحـت مغبونـي
تفسيرهـا بيـن هاذيّـه.//. وهاذيّـه
لو تستحي دمعتي من ضحكه سنونـي
ماكان حطّـت بنـون العيـن ماريّـه
اللـي تناسيتوهـم واللـي تناسونـي
بالخير مذكوره //وبالخيـر منسيّـه
والحب لاهزّ صـدري حـرّك شجونـي
حطبت حدب الضلـوع ونارهـا حيّـه
اكثر جروحـي سببهـا اللـي يحبونـي
جرح الحبايـب عطيـب وكيّتـه كيّـه
تبكي على راسي وتضحك على متونـي
ونفضت خرجي وطاح الـداب والحيّـه
وين انت ياللي عليك اكوسـر لحونـي
وهيجنت باسمك وشلت اغلى هجينيّـه
يوم انت حدسي ورسمي واصدق ضنوني
من لامني فـي غرامـك لعنبـو حيّـه
ياسيد الحـب معـك الحـب مامونـي
وانـا علـى جرتـك عينـي شقاويّـه
مجبور لاشفتني ماشـي علـى هونـي
حاولت وازريت لاكسـر قيـد رجليّـه

---

;JdJfJJJJJ,v]dJi