الموضوع: ـهــــــــــــــــــ ماذا يحصل عندما تغضب السحلية؟ـــهـــــ

ماذا يحصل عندما تغضب الفتاة؟



هاااااااااااااااااااااااااااااااااااااي
كيف هي احوالكم ايها الشعب المصرقع الجميل ؟>>>ما ينفع معايا فصحى خليني اقلب احسن


ايش يصير لما تعصب البت؟>>>>يجي يجي لو ما يجي نروح نجيبو ونجي خخخخخخخ

طبعا هذا من احصائياتي انا من اللي اسمع فيها
مادري عن البنات الباقين>>>امكن شي اخص ماتدري
انا ماراح اقسم الانواع لان السحلية على حسب الشي اللي زعلها تعمل الحركة يعني مافي بنت لها تعصيبة محددة
اوكي
يلا نبدا
لما تعصب البنت اول شي يصير صوتها يرتفع >>تقول ولد فجأة
ووجهها يقلب قوس قزح +100 لون كمان
واذا كان اللي يعصبها ابوها ولا امها ولا احد اكبر منها تنكتم وتروح غرفتها>>>>يالله غباااااااااااااار على دا الكلام هادا الكلام في العصر الطبشوري
ما تدري ايش يصير في عصر الفلوماستر دحين
ايوا صح نسيت طبعا يصير العكس صوتها يعلى وتزعق باعلى حناجرها و لما تمشي تدب في الارض دبا تخلي النايم يصحى واللي في غيبوبة يفوق
وامكن تلطش حاجة وهيا ماشية وترقع في البيبان اللي على طريقها حتة لو ماله دخل في طريقها المهم تبين انو عندها حالة نفسية من العصبية وما تبى احد يزعلها
ولما تدخل الغرفة تزرع الباب زرعة يبى ينطق منها مسكين يا قلبي عليه>>حزنت
ولما تدخل الغرفة عندها تلاتة حلول
يا انها تروح سريرها وتبكي وتنام ولما تقوم لسا بتشهق
يا انها تمسك زاوية ولا السرير ولا الطاقة ولا الماصة حقتها وتبكي وترقع فيها ترقيع
يا انها تجيب شنطة وتعبي حوايجها وتستنى عريس يجي يشيلها>>يعني في فكرها متى اتزوج وانفك منكم
وامكن تفك الكمبيوتر تحط اغاني حزينة>>هادي للرومنسية المنتهية


في ناس اعرفهم لما يعصبوا تروح تتروش والله حل طيب وجيد عشان يريح الاعصاب
ههههههه بس انا فهمت غلط
تطلع تتروش عشان تسوي انها ما سوت شي>>>مادري كيف تجي دي؟

وفي بنات لما يعصبوا يبكوا الين دموعها تنتهي يا حرام ويا لسا ما خلصت
وفي بنات يحطوا حرهم في اخوانهم كبار ولا صغار
وفي بنات يمسكوا التلفون ومايخلوا رقم يعرفوه وتشكيلهم على البلاوي
وبنات كمان يروحوا الغرفة بكل هدوووووووووووووء ويمسكوا قلم وتبكي وتكتب >>احلى يا رقيقة
وتكتب هدول ما يحبووووووني
مادري انا كيف مستحملتهم

ترى هادي بس عشان تسوي انها مضطهدة في البيت حقها مشفوط ما تاخده
هئ هئ هئ هئ






يعني بالعربي الفصيح

عفاريت اباليسها تخرج فجاة