((( ماهـــو غلــى بالشــعر ولا أبفتخر فيـــــــــــه ))) new

**محمــد الرويلـي** · 26-Jan-2007,01:50 PM

بسم الله الرحمن الرحيم

والسلام عليكم ورحمة الله وبركاته

(( ماهو غلى بالشعر ))

[poem=font="Simplified Arabic,6,darkblue,bold,normal" bkcolor="white" bkimage="" border="groove,10,burlywood" type=2 line=1 align=center use=ex num="0,black"]
ماهو غلى بالشعر ولا بفتخر فيه = هزة مشاعر غصب ياناس وضياق
ضاق الصدر مليت ماني براجيه = شابت عيوني وشبت ولا زلت مشتاق
مليت اعيد القول مليت انا ابديه = مليت اشوف الجرح قاسي وحرّاق
ماصرت اميز مر وقتي حاليه = وحيد في عزله ولا حولي ارفاق
تساوت الوجهات وانا وين اوديه= قلب ٍ يتيم ودايم الدوم منعاق
وحظ ٍ عسى الخلاق يبعد مواطيه = مابي حظوظ يم الاتعاس تنساق
مالي ونيس غير قاف ٍ أسويه = وريشة قلم واشعار في وسط الاوراق
نساير ونمشي عل تبدي خوافيه = وتضحك لي الدنيا والقى بها اوفاق
يمكن مع الايام يفهم معانيه = ويشوف حال اللي له سنين مشتاق
عل القصيد يشيل حمل أعانيه = وانا ادري أنه هم وأحزان وأفراق
دارت بي الدينا وجاني هلا فيه = جيت اطلبه يا هوه قلبي ترى ضاق
صد وتلعثم قال مابي اداويه = خل الجفى يقتل قلب ٍ به اشواق
ماريد انا اشكي للمخلايق وش فيه = مايدري ان فيها ذله ماتنطاق
شكواي للي خالق الكون بيديه = رب ٍ رحيم وللمخاليق رزاق
لا بد ماننساه ونسى طواريه = ماني على حبه حريص وشفاق
ويالايم قلبي جعلك تلاقيه = وتذوق كل اللي قلبي لهن ذاق
فرقى . وهم . وويل . ونفس توريه = كل الاسى والياس في حر الاشواق
وترجع تهز الراس طاحت هقاويه = مالك حلول ٍ تضرب الكف صفاق
هذي هي أحوالي يللي تناديه = خله عسى وقته يعدل به الساق
وأرجع واقول والله ماهو فخر فيه = هزة مشاعر غصب ياناس وضياق[/poem]

**محمــد الرويلـي** · 26-Jan-2007,09:25 PM

[poem= font="Simplified Arabic,5,black,bold,normal" bkcolor="transparent" bkimage="backgrounds/25.gif" border="ridge,9,skyblue" type=2 line=1 align=center use=ex num="0,black"]
وش طاري الفرقى وش صار وش فيه = وش فيه يابن الناس قطعت الاوراق
عيني دموع العين دمعه تباريه = طبقتها بعيني ورخضتها طراق
ماعاش ماشفناه ولا قيل يتليه = من سبب احزانك او موت الاشواق
وحده علي سويتها وانا حالتي تيه = ضيعتني توهتني سابق أ سباق
وترى الوعد في موقعك يوم تاتيه = انا السند ياعقاب ودقدق له دقاق
والمعذره كان العذر جاك طاريه = تقصيري كان القاف خلّص على آق [/poem]

أسير الاحزان

**عشير الود** · 26-Jan-2007,09:34 PM

[poem= font="Simplified Arabic,5,darkblue,bold,normal" bkcolor="white" bkimage="" border="double,10,black" type=2 line=1 align=center use=ex num="0,black"]
عشير ود وصار قافه يسليه = والحين كن الوقت اصبح به ضياق
دلع أو هو جد يللي تحاكيه = ابشر بواحد همه يسوقه بساق
دنيا ترى الدنيا هذي مواريه = اسى وهم وشين مع هم وافراق
خل الغلى كان الغلى مايدانيه = وتلقى بدربك راحتك داخل اعماق
وسلام مني ياصلك لين ناتيه = ونكمل القصه ونسمر ونشتاق[/poem]

تقبل تحيات

عشير الود