الموضوع: نصيحه+حكمه=في شطر واحد

صدقت يالذيب من أجمل أبيات الشعر الي قريتها وهي للشاعره الصلبيه

الدقيس وهي رد على أمها وهذي الابيات


الدقيس ::

عند الضحى عديت في راس عنقور
اشرف على راعي العلوم الدقاقـه
ياونتي ياما بصدري مـن الجـور
ونة ضعيف(ن) ضاهدينه رفاقـه
ياياه شفي واحدن من هـل الـدور
هو عشقتي مـن ناقليـن التفاقـه
غديت له عوق وهو صار ثابـور
والكل منا صـار شوفـه اشفاقـه

ردت عليها امها :

برق(ن) مصد عنك لوكان به نور
بالك تخيله لـو ربيعـك شفاقـه

ردت الدقيس على امها :

من لااستشارك لاتبدي له الشور
ومن لايودك نور عينك فراقـه


******************************

مشكور أخوي وتسلم على الابيات الرائعه وكما قلت حكمه

لاهنتي اختي نجوله
يعطيك العفيه
انتي اطلعتيني على شي كنت اجهله
بس والله اني من اعجابي بهذا البيت
كتبته لكم
اتمناء لك التوفيق ومشكوره على المرور

تحياتي



الذ يــــــــــــــــــــ!!!!

الذيب بيت مافيه كلام

ولا قصرت نجوله على التوضيح الكامل

مشكووور خيوو

تحيتي لكـ

اخوي ذيب قل آمين جعل الذيب ماياكلك هههههههههه

تسلم على هالبيت الرائع وهو فعلا حكمه وبيت جزل

كما لا انسى ان اشكر اختي نجوله على الايضاح الكامل والوافي