الموضوع: أشياء غريبه وحلوه في حياتنا (( أدخل وأضحك ))

أشياء, غريبه, وأضحك, وخلوه

أحترت كيف أستهل موضوعي
بالسلام ولا التحيه ولا أدج فيه ع طووووول
طيب
السلام عليكم ورحمة الله وبركاته
أحلين وسحلين , كيفكم طيبين دوم أن شاء الله
ندج في الهرجه.
في أشياء كثيره تصير معانا يوميا مانعطيها بال لأن تتكرر معانا لكن لما نوقف معاها شوي نلاقيها غريبه وحلوه ,,,,
ــــــــ
الوقت : 2.00ظهرا
الزمان : يوم الجمعه

يرجع من صلاة الجمعه
المحتويات :
على الذراع سجادة الصلاه منسفه
باليد اليسار كيس الجرجير والفجل
+ كيس فيه سوبر جلو وبطاريات للريموت
باليد اليمنى كيس في كيلوا سمك مقلي
مرزووووع بالمحل ساعه إلين آخذه
+ المجله الأسبوعيه
يخش البيت ريحه المبثوث ممزوج بريحة القهوه العربيه
أيوووووووهـ هذه لوحدها حاجه
يخش المطبخ ويحط الأغراض ع الطاوله
- معليش أمي مالقيت بصل أخصررررر
- طيب الله يعطيك العافيه , خذ القهوه معاك
- وين أوديها ؟ <<<<< سـؤال غبي
- بغرفة النوم , يعني وين بالله الله يصلحك بس
في الصاله سلطانه قاعده تقطع السلطله بحركة رياضيه سريعه
وصلة خيار في الفم
- وش بقيت للسلطه
(( ريان يبكي , توه صحي من النوم ))
الأم من داخل المطبخ
- سلطانه شوفي أخوكي أش فيه ؟
سلطانه لأختها الصغرى
- ندى روحي للريان
- رايحه أطلع الملابس من الغساله
- يوووووهـ ماحد يساعد في البيت هذا
يعتفس ووجهها وتقوم لريان
الأم تنادي على سلطانه
- سلطانه خلصتي السلطه
- طيب ياماما أغير لريان
ـــــــــــــــــــــــــــــــــ
يوم السبت الساعه الخامسه والنصف فجرا
فدا ذات الست عشرة سنه قاعده تظفر شعر سمرذات الثماني سنوات
تمعيص وشد , تمعيص وشد
(((( أحد أسباب الصلع لدى النساء ))))
فدا : أمسكي كذا
سمر : آآآآآآآآآآآآآآي بشويش
فدا : أسكتى
سمر : ماما شوفي فدا
فدا : وين البكله ؟
سمر : مدري حطيتها هنا
فدا : روحي جيب وحده ثانيه
في مكان آخر بالبيت ـــــــ
الأم : خالد يلا قوم تأخرت ع الجامعه
خالد : شوي . شوي
الأم : يلا عشان لا يتأخرو أخواتك عن المدرسه كمان ؟
خالد : يلا يلا وراك
سهرااااان طول الليل ع الشات
ترجع الأم للصاله وفدا تمعص بشعر سمر
سمر فين المريله حقتك
سمر : فتون قاعده تكويها
بركن الصاله الأيمن المنظر التالي :
ماجد والذي يدرس بالأول الأبتدائي جالس مربع ورأسه - إللي عليها الطاقيه المايله بمقدار 10درجات لليسار- يترنح يمنة ويسره
لازال الكرى يداعب جفنيه
في يمينه ساندوتش الجبنه وأمامه كوب الشاي بالحليب يرتدي الثوب الأبيض ومن أسفله البدله الرياضيه أم خطين ع الجنب متوشحا شنطته المدرسيه الفسفوري بتقليم سماوي
الأم : مجودي خلص فطورك حبيبي
يرفع ماجد رأسه وفي زاوية عينه اليسرى بقايا عماص ماراح وبخده الأيمن مسحت جبنه ناشفه
؟ أش وصل الجبنه لـ هناك ؟
تتجه الأم لغرفة البنات
من بعيد تسمع صوت الششوار تدخل الغرفه
فتون قرفانه وقاعده تكوي مريول نوف وفدا وسمر ومريولها
+ثوب أبوها + المراييل البيضاء
نوف قاعده قدام التسريحه
شش ششش ششش شش
الأم : أنت لسه ماخلصتي يانوف
نوف : دحين دحين ياماما
ـــــــــــــــــــــــ
يوم الأحد بعد الظهر
ريم راجعه من المدرسه زهقاااااااااااااااااااااانه أبلة التاريخ خاصمتها اليوم عشان ما رسمت خريطة الحروب الصليبيه وأبلة العلوم غايبه وكمان صحبتها رنين – لو سماها أبوها صامت أحسن – ترمي الشنطه ع الأرض وتخلع الحذايين وترمي نفسها ع السرير
خاااااااااا خاااااا خاااااااااا
قوة نوم تأتي أختها الصغنطوطه ريما
ريما : ريم أث ذبتي لي معاكي
ريم : خلاص ريما حبيبي لما أصحى أعطيك الحلاوه
ريما : أديني أياها دحين
ريم : بعد الغداء أوكيه
ريما ( بمنتهى الطيبه ) : تيب
تخرج ريما ثم تعود بعد شوي
ريم يلا الأدا يلا قومي
تسوي ريم أنها نايمه ولا أمل من الأستيقاظ فتقوم ريما بفتح شنطة ريم تفتح ريم عيونها
ريم : مو قلت بعد الغدا
ريما : تيب قومي الأدا جاهزه
خخخخخخ
ــــ ـــــ ـــــ
بعد المغرب من نفس اليوم
ريم : ياسر أش عندك بعد العشاء ؟
ياسر : أش عندك ؟
ريم : أخذت لي غرض من المجمع وأبي أرده ماناسبني
ياسر : ماني فاضي بتفرج على المباراه
تذهب ريم للشكوى عند السلطات العليا
بعدها يوديهااااا ياسر وهو طيب
ناس ماتجي غير بالعين الحمراء
ـــــــــــــــــــــــ
يوم الأثنين وقت الفسحه
نوير بحكم علاقاتها الدبلوماسيه مع بنات الخدمه العامه طلعت الفصل فوق
تجيب لهن فطور عشان يطلعوها – مصالح مشتركه –
تتصل على الخوي وهي بالفصل
بعد ماتطلع الجوال من المخزن الأستراتيجي (داسه العنيد 7 بحمامات سنه ثالثه داخل فتحة التهويه – جوال بدون شريحه - ) ولابغت تكلم حطت الشريحه وهاتك قرقره أما الجوال تآخذه آخر السنه ولابغى له شحن جابت بطارية جوالها الثاني ,,,عموم
نوير : الو فيصل
فيصل : هلا والله
نوير : دق على .
تووووووووط يتصل فيصل
نوير : فيصل أنت تعرف أختي مناير
فيصل : أبد من قال
نوير :فيصل لاتكذب
فيصل : صدقيني مثل ما أقولك
نوير : أجل ليه ملاقيه رقم جوالك بجوالها البارح متصل عليها
فيصل: هاااااا بس كنت بسأل عنك
تطفي الجهاز وتنهي المكالمه
تكتب على طاولتها
لاتنسى تجمع جروحي ودمعي وآهاتي معاك
قلبي بعد ماقتلته يارفيقي ماعاد يقدر يتبعك
الجريحه
ــــ ــــ ــــ ــــ
يوم الأثنين العصر
آمال مع هلها في السوق
تشوف ذيك البنوته الصغيرونه
آمال : الله ياقلبوا عليهم ياناس
والنظر ذيك اللي تعرفونها
يطلب منها مروان ريال
آمال : خذ من أمي . وين الحنيه توها
تصلح بنفسها
مشتريه عبايه قماش صالونه مقاس 62 وهو مقاسها 58 << تبي تكبر نفسها مو عارفه كيف
وهم خارجين من السوق داخل السياره ذيل العبايه يرفرف مقفله عليه الباب
ــــــــــــــــــــــ
يوم الثلاثاء
طلال يقوم ببحث في الأنترنت عن مواقع تعليميه
رمزيه جالسه تفصفص قدام الدش
تروح جنب التلفون
ترفع الخط مشغول
رمزيه : طلال قفل النت أبي التلفون
طلال : أشوي وأقفله
رمزيه : بسرعه أبي أكلم ليان ضروري ضروري أبغاها ضروري ضروري
يقفل طلال النت
طلال : تفضلي ياستي بس بسرعه وراي بحث مهم
رمزيه : دقيقه وأخلص
تتصل رمزيه على بيت ليان
رمزيه : هلا ليان كيفك
ليان : الحمدلله كيفك أنتي
رمزيه : والله طيبه بس طفشت كذا وقلت خلني أسولف شوي معك . . أما شفت لك فستان يجنن
وتستمر المكالمه لمدة ساعة و33دقيقه
ـــــــ ـــــــ
بنفس اليوم ولكن بمكان آخر وفي وقت آخر
تتصل منى على زوجها وليد
منى : وليد متى جاي ؟
وليد : خير أن شاء الله
منى : لابس صحباتي جايين لي اليوم وحبيت أعرف أذا يقاطعها
وليد : والله توي بقولك الشباب عازميني بالأستراحه ورايح لهم تبي أجيب لك شي
منى : لا سلامتك بس وليد :. . منى: . وليد: . منى :
.
وليد : أوكي حبيبي مع السلامه
منى : . مع السلامه وانا ماليه شي طيب
وليد :. يلا باي
- هروج زوجيه خاصه مالنا فيهم –
ــــــــــــــــــــــــــــــــــــ
يوم الأربعاء بعد العصر
سلطان جالس بجوار مامته
سلطان : كيف حالك يمه ؟ عساك بخير
يمته : أخلص وش تبي << كافشته
سلطان : لا بس سلامتك أبي لي دراهم
يمته : خذ من بيك أنا ماعندي
سلطان ( يصدر صوت الهره عند ميمته ) : ممممم يمه
يمته : كم تبي
أبتسامه تشق الوجه
سلطان : ميه
يمته : الله الله ميه مره وحده وش تبي فيها ؟
سلطان : طالع مع الشباب ومايصير أطلع ومابجيبي ريال
يمته : ماعندي غير خمسين بغيتها ولا رح لبيك ( لأبيك يعني )

يوم الأربعاء بعد العشاء
بيه معصب بالصاله
ميمته : عسى ماشر يا بوفهد
بيه : شوفي ولدك سلطان وش مسوي
ميمته : وش صار
بيه : داقتن على الهيئه يقول ماسكينه مع بنيه

ـــــــــــــــــــــ
يوم الخميس بالليل
وأمام جهاز الكمبيوتر
جالس واحد \ ة

يطالع بالشاشه مكتوب عليها

---

Hadhx yvdfi ,pg,i td pdhjkh (( H]og ,Hqp; ))