&!!& حــركــات الـبـنـات في طـابـور الــمــدرســة &!!&

**وليد ...~** · 09-Feb-2007,02:26 PM

السلام عليكم

احم احم

حركاات البنات في طابور المدرسة .

--------------------------------------------------------------------------------

ليش حاطه عدسات زرق؟
ابله هذي عيوني امي اوروبية

ليش كل هذا الكحل
ابله عيوني كحلية طبيعية

ليش المناكير ؟
أبلة هذي حنة سودانيه مو مناكير

ليش ما ترددين تحية المعلم ؟
أبلة بلاعيمي تعورني ههههه ومن الجهة الثانية صوتها ويا سوالفها واصل لآخر صف

ليش تسولفين بدل ما تستفيدي من الإذاعة ؟
أبلة مو انا بس كل الصف بعدين الإذاعة مكررة هي وفقرة هل تعلم السخيفة

ليش كل هذا المكياج ؟
أبلة امس كان عرس ولد عمي للفجر .ومالقيت وقت عشان أشيله !!

و طبعا في بنت رقيقة تصيح
وفي بنت دفشة بكرة تجيب القبيلة كلها تشتكي . هههههههههههههه

وما ننسى حركة التنقلات المستمرة
مثلاً فلانه الدبة لما كانت بالثانوية كل يوم تتنقل طابور غير حتى يمكن طابورها ما تدلة.

نمر للبنات اللي مبققات عيونهم على الأبلات
سيتوبلازم ؟

هذي واقفة جنب العمود أكيد غايبة اوكي وين أبله الحصة الأولى فاضيين .
ياسلااااااام

وين أبله الحجم العائلي ؟
اوف بعد مب غايبه لا وتشوف علي بعد شافها ملك الموت " عزرائيل " اليوم قولو آمين
شوفوا معلمة عطيات تنورتها تحفة خيالية آخر موضة . من وين اشترتها ؟

عاد معلمة دراكولا مشترية الدمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها تنزل اعلان بالجريدة يكون أحسن .

والحين قبل لا نخلص نشوف سوالف الدلوعات :

أمس رحت عرس جيراننا فستاني الجديد الكشخة التركواز

والاكسسوارات اللي توني مشتريتهم من كليرز–
لبست وصندل فرساتشي اللي اشترالي إياه أخوي من لندن هه وكل الناس تشوف علي كاني انا العروسة .<<<معقوله

لبناني وحاط–تدرين مع من سولفت أمس بالشات ؟مع صورته يمه يذوب . شعر اشقر و عيون خضرا .

و نخلص بالبنات اللي اختصاصهم الحش :

شفت فلانة امس فاتحة شعرها جنه خرطوم حريجه.

ولا علانة اللي كانت عايشة في ماليزيا اليوم ياية بقميص صوف والحراره 40 درجة غبية وحدة . مايسوى على البنت
~ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة " الصباح لقيتهم ينظفو السبورة والله ينرحمون .

و في النهاية تجي معلمة و تقول ماشي قلم : وين انتوا في سوق سمج ؟
وحنا نقوم نضحك كالعادة

كيف بس ؟!!

**[.. ن..]** · 09-Feb-2007,05:41 PM

[align=center]ليش تسولفين بدل ما تستفيدي من الإذاعة ؟
أبلة مو انا بس كل الصف بعدين الإذاعة مكررة هي وفقرة هل تعلم السخيفة

عاد معلمة دراكولا مشترية الدمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها تنزل اعلان بالجريدة يكون أحسن .

كاااني اقرأأ مذكراتي >>>>>>>> أي مذكرت الله يرحم أمك

وربي جنااااااااااااااااان ذكرتني بأيااااااام أوووول >>> مزاجي رااااااااااايق

مشكوووووووووووورة سيد وأنتبه من الانقلاب [/align]

**عزيل القلب** · 09-Feb-2007,09:30 PM

و طبعا في بنت رقيقة تصيح

هاي اختي كلو يوم اتجي و هي اتصيح . الابله الفلانية قالتلي و الابله العلانية فشالتني و الابله المدري شو صرخت علي و اتم حاطة في خاطرها و اتم اتصيح و حالتها لله . شو انقول غير الله يصبرها >> عباله عزة

مشكور اخوي عالموضوع و الله و عرفت اتنقي