الموضوع: حبه مات

حبه مـات ؟




جتني تقول إني ندمـت وهويتـه
ماقدر أواصل في خداعه بحياتـي

هـذاك أول يـوم فعـلا ً بغيتـه
واليوم حُبه مات بقصى خفاتي ؟

بُعده ولافراقه في لحظـه نويتـه
لكن جبرني أنزعه مـن حشاتـي

ياما على شانه حزنـت وبكيتـه
لاغاب عنّّي في غيابـه أحاتـي

يومي عرفته كل شـي ٍ هديتـه
عمري وروحي لجل عينه غناتي

كنت آتمنى جمعتي وسـط بيتـه
واعيش في قربه واضمه في ذاتي

لكن جرحني جرح لامـا قويتـه
راح وترك دمعات عيني فُراتـي

بعد السعاده هـم قلبـي جنيتـه
وشلون أحبه من حرمني سُباتي ؟

غصبا ً على قلبي خياله محيتـه
من مخيلي دامه تركني بشتاتـي

واليوم راجع بعد مانـي سليتـه
راجع يبي بسمة عيوني وشفاتي

مايدري إني من فـؤادي رميتـه
ولاعاد له مرسى بقلبي وحياتي ؟

قالت وهي تبكي ياشاعر نسيتـه
وكفنت حُبه في سوادة عباتي !!






الشاعر محمود الشاهين