الموضوع: مجزره في راس بنت خالي في مستشفى التخصصي!!!!!!!

مستشفى, التخصصي, بنت, خالد, راس

[glint][align=center]
بسم الله الرحمن الرحيم والصلاة والسلام على أشرف الأنبياء والمرسلين سيدنا



محمد صلى الله عليه وسلم والله ماأدري من وين أبدأ لكن الحمدلله على كل شي



أخواني الأعزاء أخواتي العزيزات موضوعي خاص وعام في أنً واحد [/align][/glint]

[align=center]

خاص لأنهُ يخص بنت خالي ياناس بنت ماشاء الله تبارك الله حسب ونسب وجمال



تزوجت قبل ثلاث سنوات ورزقها الله بولدين الله يحفظهم وتقر عيون والديهم فيهم



المهم هم يسكنون القصيم البنت جتها عين ماصلت على النبي ما أدري وش صابها



انتفخ راس البنت وراح خالي بها وزوجها لمستشفى في القصيم وقالو لازم تتحول للرياض



في أحد المستشفيات الكبرى وجونا في الرياض ياسبحان الله الحين مواطنه سعوديه


يبغالها أمر ملكي عشان تخش هاذا المستشفى الي أعرفه أنا عن الطب أنها أشرف مهنه


أنسانيه عرفها البشر على مدى التاريخ الماضي والمستقبل القادم الأكيد ماقصرنا


وجبنا الأمر السامي ودخلت البنت المستشفى وقال الدكتور لها أنتي فيك ورم سرطاني



ولازم نسئصله توكلت على الله البنت وعملولها العمليه فتحو راسها وأستئصلو


الورم وأستبشرنا خير .ورجعو للقصيم وخذو تقريباً مدة شهر وجو طبعاً



فيه موعد وفحوصات عشان يتأكدون الدكاتره على صحتها راحو للمستشفى



وجى الخبر الصاعقه على خالي وهله وأمي وهلي .قالوهاذا كيس


دهني توزع في راس البنت واحد أستئصلناه وبقى منه جزء على الجُمجمه



البنت من بعد العمليه الأولى خالي يقول لنا يوم جو للرياض قبل أيام



أنها من شدة العمليه ماصارت تغمض عيونها ولاترمش والحين بيسون



عمليه ثانيه وأنا مقهور وزعلان الحين جبنا امر وحب خشوم



وترجينا الي يسوى والي مايسوى عشان أمر لأنسانه عشان تخش مستشفى



موجود لأهل البلد لاهي أجنبيه ولاشي ليه أنا بفهم ليه




والنهايه فادحه ومره خطى تقرير أسميه مو مرير بس الا خطير بعد



لامتى مجازر في مستشفياتنا وفي أهلنا ليه بس وش ذنبها تروح غلطة



فلبيني ولابكستاني توه قايم من النوم مايشوف حتى الأشاعه زين



من النعاس الي في روسهم حسبي الله عليهم ونعم الوكيل حسبي الله



ونعم الوكيل أعذروني جميعاً حبيت أطرح الموضوع بينكم



لأنكم أخواني وأبي تكسبون الأجر بالدعاء لها.[/align]

---

l[.vi td vhs fkj ohgd td lsjatn hgjowwd!!!!!!!