الموضوع: من كثر ماشفت بحياتي من أنذالبديت اشك ان النذالهفضيله!!

من كثر ماشفت بحياتي من أنذالبديت اشك ان النذالهفضيله!!

رائعة جديدة للشاعر : خلف المشعــــان …



إن كنـت تنشـد يالمسيكـي عـن الـحـال
مالـي علـى كتمانهـا عـنـك حيـلـه


الصبـر عـن بـوح الاحاسـيـس قـتـال
والبـوح فـي بعـض المـواقـف ، فشيـلـه


لـو كـل مايطـري عـلـى الـبـال ينـقـال
مـاكـان شـفـت ان الثقيـلـه ثقيـلـه


ابطيـت اكـافـح ضيـقـة الـبـال بالـبـال
وادفـع بـلا هاجوسـهـا كــل ليـلـه


ليـن اقبلـت مـثـل السحـابـه بهـمـال
تشفـي غلـيـل الـلـي تـزايـد غليـلـه


طاحـت ، ولاْوفـق مـن حنـايـاك مـنـزال
وابطلبـك يـابـدر ( تكـمـى ) المخيـلـه


ان قيـل ترعـد قلهـم : صـوت زلــزال
وان قيـل تبـرق شـف لهـا ادنـاة حيلـه


مابـي تناقلهـا أهــل القـيـل والـقـال
وتصيـر مـن بـعـد القصـيـره طويـلـه

يابدر !!يابدر . ماني عال . لو صحتـي عـال
شفنـي مـن الصـدمـات نفـسـي عليـلـه


اشيـل حمـلٍ لــو يشيلـنـه جـبـال
الله ، وامـانـه غـيـر تصـبـح نثيـلـه


أرمي من هموم الزمـن واسحـب أدبـال
وانـزل عـن ( الجوكـر ) وغيـري يشيـلـه


مـن كثـر ماشفـت بحياتـي مـن انـذال .!!
بـديـت اشــك ان النـذالـه . فضـيـلـه


ماطاح من عيني رجـل !! طاحـوا رجـال
ورجـال ( يابـن حنيـف ) مـاهـي قليـلـه


اقـرب مـن اللـي قالهـم ضـمـن مـاقـال
راكـان بـن حثلـيـن راعــي الجزيـلـه


( هـذا ولـد عـمٍ ، وهـذا ولـد خــال
وهــذا رفـيـقٍ مالقيـنـا بـديـلـه )


سبحـان منهـو يـابـدر غـيّـر الـحـال.!!
وحـط الجفـا بـيـن الخلـيـل وخليـلـه

هـذا الزمـن يبغـالـه لـسـان دلاّل !
مـن يستحـي هالوقـت واعـزتـي لــه


وقـتٍ بـه ( الراعـي ) غـدى راعـي دلال
كـلٍ علـى طاريـه ينفـض شليـلـه !!


ومـن كـان ساسـه للـردى مضـرب امثـال
اليـوم يحسـب مـن كبـار القبيـلـه !!

المال !!المال يابن حنيف ملعون ابو المال
ذل العزيـز وعـز نـاسٍ ذليـلـه .!!




عجبتني وانقلتها لكم