الصداقة أقوى من العلاقات الأنسانية

**جنون أنثى** · 22-Feb-2007,04:47 PM

[align=center][align=center]الجـــزء الــتــاســع

بعد وفاته رجعت ذاك الطفل الكتوم المنطوي على نفسه.

انا تركت قلبي معه لما تهاوشنا,ولما راحراح قلبي معه, ابتعدت عن الناس والعالم فتره طويله كنت فاقده بشكل خيالي واللي يحز في خاطري اكثر لما اتذكر انه توفى واحنا بعيدين عن بعض

يعني16سنه عمرنا ماتفارقنا وقبل اقل من شهر على وفاته نتهاوش!!! اللهم لا اعتراض راضي بقسمتك وحكمك يارب,لكن املي فيه انه كان فاهمني وعارف اني ما اقدر استحمل زعله وقلبي ما يشيل عليه واني زي ما قال مهما حاولت آكابر وانساه مصيري ارجع له

بعد عدة اسابيع على وفاته عطاني طلال دفتر وقال:هذا كان من اغراض خالد الله يرحمه واظن ان من حقك تتطلع عليه وتحتفظ فيه بعد اذا ودك

لما شفت الدفتر تذكرته على طول كنا يوم انا واياه في المكتبه بنشتري كتب للجامعه وشاف الدفتر وعجبه وقلت له هذا مايصلح للمحاضرات ياعمي

قال عارف بس تدري وش باستخدمه فيه؟! بكتب فيه مذكرات لكن مو أي شي الاحداث المهمه في حياتي بس, اذكر اني ضحكت عليه من قلب وقلت له انت من جدك؟!!والله ما تصلح لك هالحركات ونسيت الموضوع بعد كذافتحت الدفتر وكان مكتوب بالصفحه الاولى:

بالرغم من اني اعتقدت ان اليوم الذي ستملئ به هذه الصفحات لن يأتي ابدا, الا انه اتضح لي عكس ذلك.

وعدت يوماً اني لن اكتب به غير احداث مهمة من حياتي .احداث تستحق الكتابه وقد جاء هذا اليوم بالفعل.فاليوم أخطأت في حق صديق عمري ورفيق طفولتي.

بعد هاذي الكلمات القليله بعددها والكبيره بمعناها في قلبي لقيت بعض ابيات الشعر:[/align]

[poem= font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=1 line=0 align=center use=sp num="0,black"]
بندر حرك ضميرك واعترف اني وفيت=سيرة النكران هاذي فضها واذكر غلاي
اعترف بسك تكابر منت واصل ما بغيت=ريح عنادك وخلنا انتفاهم باللي جـــاي
لا تحاول تمتحني ما خذيت؟!الا خذيــت=قلبي الغالي بلاش وما تركت الا شقاي
صح في لعبة غيابك زاد شوقي وابتليـت=بس لاتظلم تراني ما صبرت الابرضاي
ما دريت ان المحبه قاسيه لكن دريت=خطوه المليون جرح وافقت دربي وخطاي
كم تذكرت الليالي وانت يا خلي نسيت=ومن تناسى صدق ذاته ويش اقول الله معاي
يابني آدم تلاحق خاطري لامن طريت=خلك الطيب وحاول تكسب الوقت بوفاي
لا تخليها معاند أن قويت او ما قويت=القوي الله((ياعمي)) وانت تدري عن مداي*[/poem]

[align=center]وبعد كذا انهى كتاباته بهالبيت:

خسرت ولا ربحت الا قليل من الصبر وجراح
ربحت بندر وان خسرت العمر عسى تحييني اوراقي

وهذا كان اللي مكتوب بكل هالدفتر بس,الدفتر عنده قبل اكثر من اربع سنين وهذا اللي مكتوب فيه, ولاشي اعتبره مهم في حياته الا هوشتنا

ما ادري اذا كان حاس بموته من قبل والا البيت جا كذا المهم لميت الدفتر لصدري وقعدت ادعي له.

كنت اقعد مع طلال بعض الايام ومره قال لي ان في آخر سفره لخالد مع اهله واللي ماراح معهم طلال فيها قال له:

ماوصيك على بندر ياخوي لا تخليه يحس اني مو موجود خلك حوله دومكمل كلامه وانا ماسك دموعي اللي اتعبتني.ادري انه مافي شيء يخليك متحس انه مو موجود مثل ماقال وما في شيء يعوضك او حتى يعوضنا بس ترانا كلنا حولك حتى ابوي يسأل عنك دايم.

رديت وانا اغالب الدموع وافكر في حال اهله من بعده.ماتقصرون. حاولت اشكي له شوي يمكن اخفف من هالألم الفظيع اللي احس به والله انه ماعاد لي قلب ياخالد-- يوم حسيت اني غلطت بالأسم خلاص انهرت وفضحتني دموعي

رجعت للبيت وبعد فتره دخلت ريم علي تحاول تواسيني وتطلعني من دوامه الحزن اللي انا فيها.بندر يا اخوي كل شوي والله اني خايفه عليككانت جايبه عشاء لكني صديت عن الأكل.

طلبتك ياريم والله ما اشتهي شي.هزت راسهاياخوي فضفض وطلع اللي في قلبك انا اختك وحاسه فيك ما يصير تكتم كل هالالم في قلبك.رفعت راسي.

وشلون تبيني اتكلم يا ريوم الوحيد اللي قدرت اشكي له في يوم راح وخلاني خالد راح ياريوم وتركني في هالدنيا لحالي.

استغفر ربك يابندر هالكلام ما يطلع من واحد مثلك انت انسان مؤمن وتعرف الله, وبعدين حرام عليك تضغط على نفسك وتحملها هموم فوق طاقتها تتوقع خالد الله يرحمه يرضى لك بكذا

امتلت عيوني بالدموع زي كل مره اسمع فيها اسمه وانا احاول اخفيها عنهامسكت يديلا تحاول تخفي دموعك ياخوي طلع اللي في قلبك اللي فقدته مو شوي

انا ياخوي جايه اقول لك ترانا كلنا معاك وحولك في أي وقت تحتاجنا فيه.

ياريم انا شفت الدنيا على يده لكنه ماعلمني اعيشها بدونه، انا خسرت القلب الكبير، من بعده صرت اشوف كل شيء حزين

الدنيا ياريم ماعاد لها طعم بدونه، ليت الزمن يرجع و--ضغطت ريم على يدي.لا تعذب روحك ياخوي كلمة ياليت ماتنفع وهذا قدر الله

ورغم مرور السنوات على وفاته الا اني عمري ما نسيته اوحتى راح من بالي عايش داخلي دايم وادعي له بالرحمه والمغفره كل الأوقات

رحت للعمره ادور الراحه النفسيه بالقرب من الله تذكرت وانا اطوف لما اعتمرت انا والشباب العام الماضي

قسمنا نفسنا عشان الزحمه كان خالد ماسك يدي و يمشي فيني بين الناس وانا اقرى من كتاب الادعيه وهو يأمن، ولما رحت اشرب من زمزم تذكرت شكله وهو يصب المويه على راسه وجسمه كنه في بيته

واحنا نقوله ترى وراك سعي ما راح تعرف تمشي واحرامك مليان مويه و يرد "واذا صار؟!!والله ماعندكم سالفه هاذي بركه يالله سوو مثلي بلا دلع" ،وفي السعي لما شفت العربات تذكرته لما كنت اجره بالموت عشان ما يوقف وهو يأشر على العربات"

الله يخليك خلنا نقعد شوي خلاص يابندر رجلي ما تشيلني خلنا نرتاح شوي والا شرايك نستأجر عربه وانت تدفني؟!" .

وانا اهاوشه على كلامه واجره بالقوه.خالد تراك اذيتني قسم بالله البزران مايسوون مثلك.ولما جينا نتحلل كلنا قصرنا شعورنا الا هو حلق شعره كله

كنت دايم في اي عمره اقصر شعري لكن هالمره حلقت واخيرا لما رجعت حافي للفندق زي ما كان يسوي خالد تذكرت لما خليناه ينام على الأرض فالغرفه وشكله وهو يهمز رجله بعد تعب العمره وهو يتأفف: ياسلام عليكم بتنوموني على الأرض هالسنه بعد

ترى ما بيني وبينكم الا شهور، حرام عليكم مو كل مره بندر وسامي ياخذون الأسره في هالغرفه المفروض يصير فيه تناوب!! فالغرفه الثانيه يتناوبون مو انتم يالظالمين.بس محد عطاه وجه ولما قام الصبح كان يشتكي من ظهره وانا اضحك على طريقة مشيته.

امش زين لا تنصب والعمره الجايه انشا الله بتنام عالأرض بعد رد عليهين يابنيدر ان ما خليتك انت تنام على الأرض انا مب خالد. سبحان الله دنيا دواره هالسنه اعتمرت لحالي ونمت عالأرض وتركت الأسره فاضيه

ولما قمت الصبح وحسيت ان ظهري يوجعني ابتسمت بحزن استقبلت القبله وقعدت ادعي بحراره ودموعي تنهمر.يارب اغفر له تراي احبه فيك

ياربي ارحمه و برد علي وامسح على قلبي واجمعني فيهكانت هالعمره الله يتقبلها لخالد.

************************[/align][/align]

**جنون أنثى** · 22-Feb-2007,04:56 PM

[align=center]الجــزء الــعــاشـــر والأخــيــر

اقترح علي شيخ فاضل من اهلنا اني احفر له بير في وحده من الدول الأفريقيه الفقيره واسميه بأسمه الله يرحمه عشان ارتاح بعد وعلمني عن الأجر الكبير اللي بيجيه انشالله وفعلا سويت هالشي

كنت تعبان من جد اشوفه في كل الوجيه واسمع صوته في كل الاصوات وذكرى اخر يوم شفته فيها ما تفارقني ابد.

في عيون الناس اشوف اشياء كثيره، بعضهم يذكروني دايم ان خسارتي مو بسيطه وبعضهم وحشتهم شوفتنا مع بعض وهذا يتعبني زياده

واللي يصعب الوضع علي بعد اني وين ما التفت القى ذكرياته ماليه حياتي، اثاث غرفتي اللي اخترناه سوى لما انتقلنا لبيتنا، سيارتي اللي اختار لونها وساقها قبلي وعطره اللي للحين في درجها!! ياغلاة اللي راح.

لكن كل ما اتذكر ان ذاك الانسان كان صديقي ورفيقي القريب في يوم من الايام افرح وابتسم واعرف ان الله يحبني اللي رزقني بأخ مثله,والله يعوض عليه شبابه في الجنه انشالله

واذا كنتم تقدرون تناظرون في عيون ربعكم اليوم وتسمعون حسهم في هالدنيا, احمدوا ربكم على هالنعمه وحطوهم على راسكم دوم خاصة الناس اللي يستاهلون صدق, واعرفوا انكم محظوظين لان غيركم ما يملك ولا بعض اللي عندكم

اما بالنسبه لي مابعد خالد احد والله يجمعني فيه بالجنه انشالله.

انا عرضت قصتي على الناس عشان تاخذ منها عبره, وفاته شي مقدر ومكتوب لكني ابتعدت عنه في اخر شهر له في حياته, بسبب تافه جدا,متخيلين قمة القهر والألم؟!!

هو غلط رحمة الله عليه وانا عاندت لكن اللي صار بيننا ما كان يستاهل اللي سوينا, وهذا اللي دايم يسونه الناس يخسرون احبابهم وربعهم باسباب تافهه

يتركون الشيطان يلعب في عقولهم لين تكبر السالفه ويفترقون , ولو سألهم احد عن السبب يلقون ان ما عندهم اجابه واضحه وهم ما يدرون ان الاشخاص اللي يحبونهم يمكن يروحون فجأة، ياناس انا استنيت لين صار صديقي ذكرى تبون تستنون مثلي!!.

فالنهايه اطلب من كل واحد يقرى قصتي يدعي لخالد بالرحمه ويدعي لي ان الله يمسح الحزن اللي عايش فيني كل هالسنين ونصيحه من قلب ذاق مراره الفراق

"الانسان اللي تحبه وتغليه رح اليوم وقله هالكلام خله يدري لا تستنى يمكن ما تلتقيه بعدين الا مثل مالاقيت خالد, وشي ثاني مهم لا تنتظر انك تفقد انسان غالي عشان تعرف قيمته وقدره عندك"

ختاما.

الى الفقيد الغالي , الانسان اللي علمني كيف احب الناس والحياه, الانسان اللي نسى سعادته عشان يسعد غيره,صاحب القلب الكبير المليان بحب الخير لكل الناس,اللي تعلمت منه الكثير وافادني في حياتي ولازلت استفيد

الانسان اللي كان غير الناس اللي قابلتهم في حياتي واعرف انه زي ما كان اول صديق بيكون اخرصديق لان ما في مثله في هالدنيا احد.

"صديقي الوحيد" خالد العبدالعزيز الله العالم بحالتي بعدك يالغالي ياليتك هنا عندي، ما راح انساك يا رفيقي هو في احد يقدر ينسى مثلك؟!

ليتك قبل ما رحت علمتني وين القى انسان زيك!!

متأكد انك تدري اني دايم شاري ما ابيع وتقبل اسفي البالغ على كل اللي صار مني .

الوداع.
قبل لا انهي القصه اذا كنت تقرى قصتي وكان بينك وبين من تحبه مشكله وكنتوا بعاد عن بعض ارسله قصتي وارفقها بأعتذار بسيط دام عندك فرصه الحين

**واخالداه**
واخــالداه وضج الجــرح في كبدي

فسرت بالـجرح لا انوي على احد

يبكون مــنك_وقد ناحوا_على ولــد

اما انا فبــكائي حرقة ((الرمــــت))

******
يطوف وجــهك في روحي فأســأله

"بالــله!قل لي اهذي فرقة الابــــد؟"

واخــــالده! يغص الشـــعر من الــم

كما تذوب عيون الشوق من ســـــهد

******
ويخطر الموت فوق البيد عاصــفة"

من الدموع.فنادوا الصبر ايا اهلي

غبت في الامسعل الامس يسعفني

اذا افقت ولم ابـصرك صبح غـد

******
فلحت لي وجدار الــموت منتـــصب

حتى لأوشــك شوقا ان امــد يــدي!!

اين بســـمتك الحسناء؟هل ســــقطت

شمس النهار على ليل من الكمــــــد؟

******
واخــالداه!وعاد الناسوانصـــرفوا

وانت في القبرلم تبرحولم تـــــعد

تبـــارك اللـه ! نجري كلنا زمـــرا

نحو المنون ولا يبقى سوى الصـــمد

******
تــــــــمــــــت

‏[/align]

**جنون أنثى** · 23-Feb-2007,04:13 PM

[align=center][align=center] قصة رائعه تتكلم عن الصداقة الحقيقية التى نادرة في هذا الزمان وأن وجدت فهي كحصولك على كنز لا بد ان تتشبث به .

الصديق الحقيقي هو الذي يؤمن بك ويفهمك ويثق فيك ويعلم أنه يمكنه الاعتماد عليك.

الصديق الحقيقي هو الذي لا يخجل من إظهار ضعفه أمامك فيكون على طبيعته معك كما انك تكون على طبيعتك وأنت معه

وتستطيع أن تظهر ما بداخلك بدون تكليف وبدون محاولة أن تبدو بصورة أفضل فهو يعلم انك لست إنسانا كاملا ومع ذلك يحبك ويتقبلك كما أنت حتى لو لم يوافق على بعض أفعالك.

الصديق الحقيقي يعاملك باحترام وكرامه.

الصديق الحقيقي مكانه محفوظ في قلبك حتى لو لم يكن أمام عينيك.

الصديق الحقيقي ينصحك عندما تحتاج النصيحة ولكن لا يفرض آراؤه عليك بل يدعك تتخذ قراراتك بنفسك.

الصديق الحقيقي يشجعك ويدعمك عندما تلجأ إليه ويساعدك لتصبح إنسان أفضل وانجح ولا يشعر بالغيرة من نجاحك.

الصديق الحقيقي يستطيع أن يجعلك تبتسم في أوقات الشدة

اختي ســاحرة قــصــة أبكتني وتذكرت صديقه عزيزه علي ولكن المسافات أبعدتنا أتمنى من الله أن يرد شملنا في هذه الجمعه المباركه فالحياة بدون صديق صعبه وكئبة المنظر

أختك . كوين نــجــد[/align][/align]

**نجوله** · 23-Feb-2007,04:26 PM

ساحره دائما سباقه للخير كما عهدناك بمواضيعك المفيده والمؤثره

الحق لم أقراء القصه ولكن مقتطفات منها

وساعود للقراءة لاحقا

ولكن حزنت لبعض المواقف هنا بالقصه وتاثرت لها وتمنيت لو على ارض الواقع امثالهم .

يعطيك الف عافيه اختي ساحرة ولا شلت يمينك

**..Pink Rose..** · 23-Feb-2007,05:47 PM

فعلا الصداقه رابطة قويه فالصداقه رابطة حب و اخوة يعني تجمع بين كل العلاقات

وقليل من يجد له في هذا الوقت صديق

انا الحمدلله عندي صديقتي الله يحفظها و يخليها لي انا هي وهي انا

و احلى شي ان ربي يرزقك بصديقة تحس فيك وتخاف عليك

هذي نعمة مايحس فيها الا اللي فاقدها

الله يرحمك ياخالد و يرحم كل الاموات

مشكورة اختي ساحرة القلوب على جهدك

من جد القصة محزنة و مؤثرة

بانتظار جديدك

تقبلي تحياتي’’’’’

**جنون أنثى** · 26-Feb-2007,05:09 PM

[align=center]

المشاركة الأصلية كتبت بواسطة كوين نجد

[align=center][align=center] قصة رائعه تتكلم عن الصداقة الحقيقية التى نادرة في هذا الزمان وأن وجدت فهي كحصولك على كنز لا بد ان تتشبث به .

الصديق الحقيقي هو الذي يؤمن بك ويفهمك ويثق فيك ويعلم أنه يمكنه الاعتماد عليك.

الصديق الحقيقي هو الذي لا يخجل من إظهار ضعفه أمامك فيكون على طبيعته معك كما انك تكون على طبيعتك وأنت معه

وتستطيع أن تظهر ما بداخلك بدون تكليف وبدون محاولة أن تبدو بصورة أفضل فهو يعلم انك لست إنسانا كاملا ومع ذلك يحبك ويتقبلك كما أنت حتى لو لم يوافق على بعض أفعالك.

الصديق الحقيقي يعاملك باحترام وكرامه.

الصديق الحقيقي مكانه محفوظ في قلبك حتى لو لم يكن أمام عينيك.

الصديق الحقيقي ينصحك عندما تحتاج النصيحة ولكن لا يفرض آراؤه عليك بل يدعك تتخذ قراراتك بنفسك.

الصديق الحقيقي يشجعك ويدعمك عندما تلجأ إليه ويساعدك لتصبح إنسان أفضل وانجح ولا يشعر بالغيرة من نجاحك.

الصديق الحقيقي يستطيع أن يجعلك تبتسم في أوقات الشدة

اختي ســاحرة قــصــة أبكتني وتذكرت صديقه عزيزه علي ولكن المسافات أبعدتنا أتمنى من الله أن يرد شملنا في هذه الجمعه المباركه فالحياة بدون صديق صعبه وكئبة المنظر

أختك . كوين نــجــد[/align][/align]

كوين نجد . اسعدني وجودك كم اسعدني ماخطته أناملك الماسيه عن الصداقه .

اتفق معك في كل ماعرفتييه عن الصداقه . نعم الصداقه كنز غالي لا بد الحفاظ عليه

تحياتي

ســــاحرة الـقـلـوب[/align]

**جنون أنثى** · 26-Feb-2007,05:22 PM

[align=center]

المشاركة الأصلية كتبت بواسطة نجوله

ساحره دائما سباقه للخير كما عهدناك بمواضيعك المفيده والمؤثره

الحق لم أقراء القصه ولكن مقتطفات منها

وساعود للقراءة لاحقا

ولكن حزنت لبعض المواقف هنا بالقصه وتاثرت لها وتمنيت لو على ارض الواقع امثالهم .

يعطيك الف عافيه اختي ساحرة ولا شلت يمينك

نجولــه . أسعدني تواجدك . وملامسة حروفك الأصيله

بصراحه انا عندي صديقه مخلصه ووفيه وهي الوحيده التي اعتبرها الوفيه من بين مجموعه من صديقاتي

وهذه القصة ذكرتني بها

ولكن احمد الله بأن لا يوجد خلاف بيني وبينها

فهي بمثابة اختي

ولكن مشيئة الله باعد بيننا و اتمنى بأن يقرب بيننا فتصبح جارتي ولا يفرقنا احد سوى الموت

تحياتي

ســــاحرة الـقـلـوب[/align]

**جنون أنثى** · 26-Feb-2007,05:31 PM

[align=center]

المشاركة الأصلية كتبت بواسطة Pink Rose

فعلا الصداقه رابطة قويه فالصداقه رابطة حب و اخوة يعني تجمع بين كل العلاقات

وقليل من يجد له في هذا الوقت صديق

انا الحمدلله عندي صديقتي الله يحفظها و يخليها لي انا هي وهي انا

و احلى شي ان ربي يرزقك بصديقة تحس فيك وتخاف عليك

هذي نعمة مايحس فيها الا اللي فاقدها

الله يرحمك ياخالد و يرحم كل الاموات

مشكورة اختي ساحرة القلوب على جهدك

من جد القصة محزنة و مؤثرة

بانتظار جديدك

تقبلي تحياتي’’’’’

PINK ROSE

أسعدني تواجدك وقراءة القـصــة . نعم اتفق معك قليل من يجد صديق حقيقي في هذا الزمان وأن وجد فهو نعمة وهبه من الله عزوجل لابد من الحفاظ عليها .

نعم الله يرحمك ياخالد ويسكنك فسيح جناته والله يصبرك يابندر على فقدان الغالي

شاكره لك اختي دعاءك وعساك ماتفقديين غالي .

تحياتي

ســــــــاحــرة الـقـلـوب[/align]