الموضوع: رحلت من الخبـــــر <-- بقلم تتعب معـآي

أغـلى, الخبـــــر, تتعب, بقلم, رحمة

[align=center]
السلام عليكم ورحمة الله وبركاتة



كيف حالكم جميعـــا



هذي القصــيدة اخر ماخط قلمي في اخر صفحات كتابي ,,,

واعتبرها خاتمه لذكراي واحاسيس,,,,,,





يجوز انهــا لا تعنـــي او لا تأثر على أي شخــص لاكن من جهتــي فالشي الكثـــير



رحلت من الخبــر ومقصـدي كلـه عشـان انسـاك
نسيتك؟ لاحشى واللي خلق راسي تناسيتـك
.
.
.

تناسيتـك نعـم لكـن بـقـت فــي داخـلـي ذكــراك
بقى فـي داخلـي زولـك بقـى فـي داخلـي بيتـك
.
.
.

ألا ياكيـف أنـا بآسلـى ليالـي غربـتـي واســلاك ؟
مــدام انــي لـيـا جـيـت لمـرآيـة غرفـتـي جـيـتـك
.
.
.

أشوفك في وسط عيني وأغمضها عشـان امحـاك
واشـووفـك داخــل جفـونـي إذا غمّـضـت ضمّـيـتـك
.
.
.

أضمّك واشتكي طيفك على طيفـك بـدون إدراك
وانـا فــي غربـتـي ليـتـك تـحـس بحالـتـي ليـتـك
.
.
.

ورى عـوج الضلـوع ألقـى بقـايـا ضحكـتـك والـقـاك
وأسافـر لـك وانــا حـيّـك واسـافـر لــك وانــا ميـتـك
.
.
.

نقشت أسمك على عرق الخفوق اللي فقد يمناك
واذا مـــرّ الـنـفــس صــــدري تـذكـرتــك وحـيّـيـتـك
.
.
.

سنـه مـرّت وانـا قلبـي يعيـش بضيعتـه بحـمـاك
بـــدون أســبــاب لاتــســأل لــيــا مــنّــي تمـنـيـتـك
.
.
.

أهـذري بـك واغنـي بـك ( أنــا اهــواك أنــا أهــواك )
وأمـــــرّك تــايـــهٍ واذكــــــرك لامـــنـــي تـعـديــتــك
.
.
.

حبيبـي طالـبـك تكـفـى سألـتـك بـالـذي ســواك
وش الـلـي يمـنـع عيـونـي لـيـا جيـتـك وراعـيـتـك ؟
.
.
.

تحاكمنـا علـى الفرقـى بـدون اسبـاب يامقسـاك
تخالـفـنـا تعـديـنـا الـحــدود ورحـــت خلـيـتـك
.
.
.

كــذا مـامـن سـبـب يـشـرح نـهـايـة قـصـتـي ويـــاك
تـكـبـرت وتـكـبــرت وتـحـديــت وتـحـديـتـك !
.
.
.

تفـارقـنـا ودمـعــات الـقـهـر تـخـشـع عـلــى فرقـاك
وبــلاي انــي مــن دمـــوع الـــوداع الـمــرّ واسـيـتـك
.
.
.

حبيبي والفضـا كلـه مساحـات وسمـا وافـلاك
يضـيـق وغيبـتـك قـشــرا وانـــا جـيـتـك وناجـيـتـك
.
.
.

مــدام ان الـغـيـاب الـلــي يـداعــب غـربـتـي فـتــاك
أمــانــه لاتجـاهـلـنـي وانـــــا لـلــوصــل نـاديــتــك
.
.
.

صحـيـح انــي تجاهلـتـك وخليـتـك عـشـان انـسـاك
ولـكـن والــذي ســوى عـروقـي بـــس تناسـيـتـك
.
.
.

تناسيـتـك نـعـم لـكـن بـقـت فــي داخـلـي ذكـــراك
بقى في داخلـي حبـك بقـى فـي داخلـي بيتـك

هذى القصيده بقلم / عبدالرحمــــــن الــــــرـآشد [/align]

---

vpgj lk hgofJJJJJv <-- frgl jjuf luJNd