الموضوع: زواج منتهي بالتمليكـ

بسم الله الرحمن الرحيمـ ومساكمـ الله بالخير
كيف لاّ ولكن كيف ايه ومنطلق الا ذريه ينبع من منطلق الا تخصيص ويكون ذلك بمقدار التخلخل الجذري من منعطيات الازمان المتوافقه من الزمن الا جذري ولكن يطول الحوار المنتهي بالتمليكـ من معرفه الوقت الاسبوعي لكن هناكـ تعبير خاص للمعرفه الفكرية المنحطهّ يا عيني ولكن ما من عيونن تشووف عيني علما بأن التذكير المعرفي المنبط من التعريف الا حسي يكون ذالكـ في تغيرات شخصيه من الشخصيات المعروفه او بالمعنى الاصح المهمه قد نهمل ناس وننجذب لناس <-- الله ابو ابو ابو من علمكـ المقدمه


هالموضوع له اثاره النفسيه لكل عزاابي و عانس بها المنتدى لانه بيكون مثل الملح والليمون على الجرح يحمص <-- تشبيه جيد


الوكاد لا اخفيكمـ سرن ان شرق اسيا وخصووصا في الصين صار الزواج مثل التماايم وكثره الولاده عندنا يعني قاعات الافرااح مالها لزوم عندهم بالصين اللي يبي يتزوج ياخذ حرمته بعد ماياكلونه الكيكه قدام ابو البنت وامها طبعا عشان مايدخل شي في ذمتي هذا الحوار سويتيه مع صيني جااي حج وعمره للسعوديه وكان وقتها طفشان وقام يطقطق على راسي وانا اللي ادربي راسي واسمع والمشكله اخر شي طلع بنقالي مرهم وعيونه كبر البراجون وخشمه افنس وانا اللي اتكلم عن الحضاره عندهم بالصين وماشي على هالوضع الين وراني اقامته يوم لعبت عليه وقلت باجيبكـ على كفالتي للسعوديه لانه كهرباائي محترم<-- والله من الذهانه عندكـ

مالكم بالطويله بعد معااناه وفقعت تسبد حبيت انقل لكمـ قصه يعيش فيها ثلاثه اربااع المجتمع السعودي



( القـــــــــــــــصــــــــــــــــــــه )



في يوم من الايام كنت جالس انا وولد خالي في الملحق وماخلينا برنامج الا طالعنا فيه ولعبنا بلاستيشن وفاز علي عشرين مباراه مقابل فوز واحد لي <-- وش هالمستوى يامشوار ( طلع الجنط كل مارحت اجيب القهوه والشاهي يغير التشكيله حقتي ويحط اخيس اللاعبين واقول وراه يفوز كل شوي) المهم تناقشنا في الوضع الاقتصادي وارتفاع سعر الشعير والبرسيم والنكسه الاقتصاديه وجلست ااقوله عن هالمنتدى ووضعه من ناحيه اهمال المواضيع المكتوبه والقصصيه والاتجاه للمواضيع المنقوله ضحكنا شوي
قلنا مالنا الا الجريده ونرجع خمس سنوات ورى ونفتح صفحه الاعلانات وندق عليهم نستهبل ( يومنا صغار ندق على المطعم ونطلب طلبات بالهبل ونوصف له وصف خطأ )المهم وكل شوي ننقز للاعلان الثاني شوي الا نلقى اعلان عن مزرعه ورقم جوال ويوم دقينا الا ترد علينا ذيك الشقرااء اللي شعرها يهفهف على وجهي وريحت عطرها تعدل الراس<-- ارفق على الاعضااء



الوكاد اخذت وعطيت معها وقالت هالمزرعه مزرعه ابوي وتوفى وانا الوريثه الوحيده له طمر ولد خالي وقال مرتبطه يالاخت ضحكت وقالت تبون تشترون المزرعه والا لا قلت انا ايه وهي توصف لنا المزرعه ونروح ويوم دخلنا المزرعه وكان الطريق ضيق يالله ياخذ سياره وحده الا ذاك الثور اللي سد علينا الطريق واطق بوري ماوخر قلت لولد خالي خلنا ننزل وندف هالثوور عن الطريق ويوم نزلنا مانفع ويوم بديت اشكـ انه لابسن حذووه حصاان وملعووبن عليه وتسمر في الارض


قلت لولد خالي ارفع يدين ذا الثور المعووق وباجي ادف الثور الله لايعيده من يوم ويوم رفع ولد خالي يدينه فوق وباقي رجلينه جيت من ورى عشان ازمّه(ارفعه) على قدام عشان يوخر عن الطريق ويوم خميته مع ورى وسقطت رجلينه بين فخوذي وحظنته عشان ادفه وهو اللي يفهم غلط ويحسبني قاعد اقل أدبي عليه واخر شي اذكره انه التفت ثم سمعت صمخه قويه




والتفت واشوف عمي واحدن دايم اتميلح عنده بعد ماخطبت بنته وتوقعته هو اللي صمخني وكان هو الوحيد ذاك الوقت اللي عنده جوال ابو بصمه وشايله في الكرتون وكل ماجااء عشااء والا مناسبه شخص فيه وانواع التميلح وقال هلا مشوار قلت ياعم انا دايم اتميلح عندكـ <-- الله ابو الاضطهااد
وكل ماجاء عندكـ عشااء اول من يحضر عندك انا عشان اساعدك ومراجعاتك في الدوائر الحكوميه اخلصها عنك و كل يوم احط الريال فووق الرياال وانت ماتقدر المهر غالي والله لو ان بنتك حوريه بحر ماصار مهرها مئه الف من غير تكاليف الزواج( قالوا ايش قالوا فارس احلامي وعلى حصان ابيض ليته يجي لو على سي سي= بغل حجم ولادي ) ياخي ارحمني الله يرحم امك ويفشفش الطوبه اللي فوق قبرها قال وش تبيني اسويلكـ قلت عندكـ سلف وارده لكـ بالتقسيط والا اذا فزت في مسابقه شاعر المليوون قال اجل انت مشارك قلت لا بس ناشبلهم والوعد في البحرين قال تعرف تلحس كووع ابو حمدان( ابو حمدان شايبن عندنا لو لحست كوعه الضاهر بيجيني غرغرينا في اللسان) قلت مالقيت تخليني الحس الا كووع ذاك الشايب المصدي كان قلت الحس طرف كووع نانسي قال اقوول لا تخليني اهوون عن الخطبه قلت اسمع في حل يريحني وريحك قال وشو قلت زواج منتهي بالتمليكـ يعني تبقى البنت بنتك وانا زوجها واعطيك الاقساط كل شهر ااذا خلّصت كل المبلغ من مهرها تشيلها من دفتر العائله عندك وانقلها عندي وش قلت قال موافق بس اذا تأخر ثلاث اقسااط اسحب البنت بدون علمك ولاتساهمـ باسمها في الاسهم قلت خلااص وانا اللي اقسط وهو اللي ياخذ وعلى هالحال الين باقي اخر قسطين وانا اللي اغمض عيوني وقمت احسب وش لي وش علي ومع الهواء البارد غفت عيوني وانشقت السماء علي مويه دااافيه وفيها ريحه وافتح عيوني واثر راسي بين رجلين الثور (اللي صار اني يوم خميت الثور مع ورى ابدفه وشك اني قاعد اسوي حركات وصخه عليه عطاني دبل كيك خلفي بين رجليني وارتفعت 3 متر وصمخ راسي في صدام السياره وطحت بين رجلينه مغمى علي ودخلت في غيبوبه وابحرت في عالم الزواج والمويه الدافيه عرفتو من وين هي اكيد) قمت واخذ من سعف النخل وامحط الثور مع ظهره الين ماوقف من الحروره الا على التنده وارجع بكل خيبه امل حتى الزوجه ماهيب معي


::مايستفااد::


طبعا كالعاده اتركـ المجال لكمـ فيها عشان تعبرون عن شعوركمـ بعد التعليق على الموضوع الله لا يخليني منكمـ <-- ومازال قلبكـ كبير يامشوار



اتمنى الموضوع حاز على رضاكمـ واستحساانكمـ



[img] [/img]

هذا المووضووع برعايه موبايلي موبايلي عالمـ من اختيااري