الموضوع: ياشينها لامن طاح من عيني انسان

بسم الله الرحمن الرحيم .




مساااااااء الخير . شلونكم . شخباركم .
حبيت انقلكم هاالقصيده وانشاء الله تعجبكم .


.

يـاشـيـنـهـا لا صـرت تـغـلـي لـكـ انـسـان . !!

ان جـاكـ غـالـي وان تـغـيــب ذكـرتــه .

اغـلـيـه واطـرد عـنـه مـلـيـون شـيطـان . !!

ولـو زل فـي حـقـي دمـحـت وعـذرتــه .

ولا خـان مـبـداه ونـسـى كـل الاحـسـان . !!

واللـه لـيـبـطـي بـالـرجـاء مــا انـتـظـرتـه .

وحـتـى الـبـحـر لـو فـيـه لـولـو ومـرجـان . !!

دامــه لـمـثـلـه مـاسـبـحــت وعـبـرتــه .

بـعـض الـذنـوب اعـدهـا غـلـطـة اخــوان . !!

ذنــبٍ يـضـايـقـنـي وذنــبٍ غـفـرتــه .

وبـعـض الـعـرب فـي فـزعـتـه مـثـل الامـزان . !!

لـو تـطـلـبـه عـيـنــه .حـشـا مـاعـسـرتــه .

والـنـاس عـنـدي مـثـل سـالـم وسـلـمــان . !!

شـخـص ٍ اضـحـي بـه وشـخـص ٍ ذخـرتـه .

اتـصـدق انـي مـن كـثـر مـابـي احــزان . !!

حـتـى عـدوي لــو شـتـمـنــي شـكـرتــه .

يـاشـيـنـهـا لا صــرت مـاتـلـمــح الــوان . !!

الا الـظــلام لـيـا رقــيــت .وحــدرتــه .

ويـاشـيـنـهـا لا طـاح مـن عـيـنــي انـسـان . !!

لو حـطـنـي فــوق الـنـجــوم احـتـقـرتــه .