يارب يدخلكم الجنة بس ردوا على سؤالي

**أسولة** · 26-Feb-2007,05:06 PM

الجنة, يارب, دخيلكم, رحنا, على

يابنات كيفكم إن شاء الله بخير
ياأخواتي الفزعة الله يدخلكم الجنة
واللي ترد علي الله يحققلها اللي في بالها يارب
أنا متزوجة من سنة وثمانية أشهر وجبت بنت من سنة الله يحفظها لي
بس المشكلة إن وزني 37 الله يوفقكم أبي شئ يسمن وطولي 160
زوجي مو عاجبة الحااااال
الله يوفقكم لا تبخلون علي والله لأدعيلكم بظهر الغيب
ودي وزني 50 بس كيف ؟

dhvf d]og;l hg[km fs v],h ugn schgd

**..Pink Rose..** · 26-Feb-2007,05:30 PM

طيب ياأختي انتي يمكن ماتأكلين

و اي هي نوعيه الاكل اللي تاكلينه ؟

وانا عالعمووم

ابشري من عيوني بدورك لك طريقة

لي بااااك .

**بوح مجنون** · 26-Feb-2007,06:00 PM

السلام عليكم.
وشوووووووووووووو
37
معقوله
بالله هذا وزن انسانه متزوجه.

عموما انا اقترح ما يلي:
اولاً الكشف الطبي .لانه قد يكون لديك ديدان تمنع استفادة الجسم من الاطعمة.
ثانيا: عليك تنظيم الاكل والنوم.يعني لازم تنامي عدل ولاتسهري لان السهر يخرب اي نظام غذائي
وتنظيم الاكل يعني موشرط تاكلي كثير لالا المهم ان الوجبات تكون يوميا بوقت محدد
لان الاخلال بالنظام الغذائي يفقد الغذاء فائدته ويتحول الغذاء الى مواد يلفظها الجسم
ثالثا:عليك بالمكسرات مثل الكاجو.
وعليك بالاندومي لانه من افضل الاكلات اللتي تسمن الجسم عموما

الافطار مهم جدا جدا جدا في موضوع تعديل الوزن

اسأل الله لك الصحة والوزن المناسب لك ولزوجك

**نجوله** · 26-Feb-2007,06:12 PM

هههههههههههههههه

ياقلبي والله

شوفي يالغالية عليك بالحلبه إذا تعرفينها

تأكلينها أكل مو بشراب

وبعد وجبة الهمبورجر ترا سعراتها الحرارية كبيرة

وبعد فيه عسل تحصلينه عند محلات العسل هو مخلوط للتسمين اسألي ويدلونك عليه

وفيه طريقه حلوووه مرررررره خخخخخخخخخ بس ما ادري بتتقبلينها او لا

هذي الله يسلمك وحده ماتدخل مع الباب كانت تدرس معاي نهاوشها علشان جسمها كانت تقول أنا إذا تركت وجبتي أشوف جسمي ينزل بس ما اصبر عنها خخخخخخخخ

طبعا وجبتها

بيض مقلي تحطه بالخبز وتدهن الخبز مايونيز يارب لك الحمد على النعمه خخخخخخخخخ

أتمنى لك سمنه إلى الستين كيلو حبيبتي

**أسولة** · 27-Feb-2007,01:46 AM

السلام عليكم جميعاً
شكراً لكم على الرد يـــــــــــــــــــا
pink rose
ويا بوح مجنون و يا نجولة
ولكن أنا أكل زين بس مااسمن ماادري ليش ؟
والكشف الطبي يقول سليمة
والحلبة جربتها بس مو مطحونة كنت أغليها مع الحليب وأشربها ومافاد
وجربت الحبوب الصينية وسمنتني الى 40 بس طلعت مضرة تجيب السرطان اعوذ بالله
وبعد ماسيبت الحبوب الصينية رجع جسمي زي اول
واللي يعرف شئ يسمن تكفووووون فيدوني
ترى المسألة فيها زوجة ثانية
وشكراً لكم على الرد .

**نجوله** · 27-Feb-2007,02:00 AM

ياقلبي اذا فيها زوجه ثانيه

شوفي في محل بجده اسمه بلنسية

وبعد فيه بالشرقية بس اتوقع انك من جده انتي

المهم عندهم علاج لزيادة الوزن

وانتي امشي على نظام غذائي

يعني مع الوجبات الثلاث الرئيسية أكلي بين الوجبات

مثل الحلا وجميع انواع المعجنات

والافضل بعد تروحين تحللين البصمه تشوفي ايش اكثر شي يزيد وزنك

اتمنى لك التوفيق

**أسولة** · 27-Feb-2007,02:20 AM

تسلمين نجولة ياقلبي
بس لو سمحتي ايش يعني تحليل بصمة
قصدك فصيلة الدم ؟
وعلى العموم انا من المدينة المنورة وعايشة مع زوجي في الرياض
وشكرا مرة ثانية

الله يوفقك

**شانيل** · 27-Feb-2007,04:09 AM

شوفي وانا اختس هذا شي

ما حد يقدر يساعدك فيه الاانك تروحي عند اخصائي (ة)

تغذيه وثاني شي تزيد عدد الوجبات من ثلاث الى ستة

وجبات وتاكلي بين الوجبات كمان لكن اكل مفيد وابتعدي

عن الشحوم لان ضررها اكبر من فائدتها للقلب

وكلي مكسرات زي ما تفضل الاخ بوح مجنون وقال

لكن انتبهي تشترين الخلطات الجاهزه لانك ما تدرين ايش

مكوناتها وتقدرين تأخذين عسل اصلي وتحطي معاه مكسرات زي

الفول السوداني الكاجوالفستق وغيرها

واذكر بنت عمتي كانت تأخذ خلطه اسمها العنبريه

ايش مكوناتها الله اعلم

وسامحينا ع القصور

**أسولة** · 27-Feb-2007,03:20 PM

اسعدني مرورك شانيل
بس صراحة احس جاتني نفسية عشاني لوحدي في الرياض مالي احد
وكل اهلي وجماعتي في المدينة
وجيراني مايساعدون لا يجون ولا شئ من يوم ماسكنت مافيهم اللي دقت بابي
وعشان كذا صايرة مااكلم احد ولا اكل كثير وصابتني حالة بكاء الله المستعان
بس المهم قولي لبنت عمك لا تاكل عنبرية النورس لان كثرة استخدامها تجيب السرطان
لان فيها مادة تنفخ الجسم وبعدين ترجعة زي اول بس ماادري ايش اسم هالمادة
الله يعافينا ويعافي الجميع