الموضوع: بديوي الوقداني

هذه الابيات المختاره من احدى معزوفاته الفصيحه اتمنى ان تحوز على رضاكم واستحساتكم


الملك له والدنيا مداولة
. ومالحي على الايام تخليدُ

الناس زرع الفناء والموت حاصدهم
وكل زرع اذا ماتم محصودُ


فلا يدوم سرورا , لا, ولا كدر
وهكذا الدهر تصدير. وتوريدُ

الناس ذا فاقد يبكي أحبته
وذاك يبكى عليه وهو مفقودُ


ما يمنع الموت ابراج مشيدة
ولا دروع . ولا بيض. ولا خودُ

لو يدفع الموت سلطان بقوته
. لكان حيا سليمان ودوودُ

وهذه بعض من ابياته بالفصحى


ابرق لاح ام قمـر منيـر ومسك فـاح ام نـد عبيـر
سرت جنح الظلام فقلت بدرا يكاد بنوره الساري يسيـر
فهزة من قوام القـد رمحـا فصار الكل منها يستجيـر
فتاة من خمور التيه سكرى وما علقت بكفيها العصيـر
تلاعب قدها المياس عجبـا كما ذا يلعب الغصن النضير
فتصطاد القلـوب بمقلتيهـا وتطعن بالقـوام ولا تجيـر
فقلت لها وقد جرحت فؤادي بسهم لايطيـش ولايحيـر
قفى ياربة الخلخـال مهـلا اما انـي اسيـر لا اسيـر
وفي قلبي من الهجران نارا ا ذا جن الدى فلهـا سعيـر
واني لا اطيق الصبر يوما من الهجران يشتق الهجيـر
ملكتيني فجـودى بالتلاقـي قتيل هواك يحينـه اليسيـر
كم ملك الحجاز وارض نجد محمد باشا رشدي الشهيـر
وزيـر الدولـة العظمـى وكم من دون رتبته وزيـر

من الشعر الاصيل والحكمه






أول استبـداي بسمـك ياحـنـون
يـا كريـم مـا تخالفـه الظنـون
أمرك المحفوظ في كـاف ونـون
ونـت لـي كـل مغـواي دلـيـل
هيج اشواقي حمام فـي الغصـون
بات ساجع فـي بديعـات الفنـون
بيـن تغريـد وترجيـع بـهـون
ما درى اني ف الهوى مثله عليـل
ياحمـام الـدوح هيجـت الغـرام
ما سبب نوحك ومالك مـن مـرام
أعطني عهدك وخـذ منـي ذمـام
بيعني شوقك وخـذ شوقـي بديـل
إن في قلبي جروحـاً مـا تطيـب
ما بـدت حتـى يداويهـا الطبيـب
من هواجس جات من فرقا الحبيب
باح مكنونـي وصبـري مستحيـل
كلما هـب الصبـا قلبـي صبـى
من غزال في الحمـا فـاق الظبـا
ظبي جازي يرتعـي نبـت الربـى
يسلب العشاق بالطـرف الكحيـل
مـال عنـي بالتجافـي والصـدود
ما بقى غير الحسايـف والوجـود
كم رعيت النجـم والعالـم رقـود
والمحاجر دمعها الصافـي يسيـل
زارني طيفه كمـا طيـف النسيـم
جـدد الأشـواق والعهـد القديـم
وانثنى في داجـي الليـل الظليـم
قلت زدنـي قـال يكفيـك القليـل
آه من هـم شـوى قلبـي بنـار
ون طلبت الصبـر ملقالـه قـرار
كيف ابا اصبـر والحشـا للهم دار
صار مالكهـا وانـا عنـده نزيـل
قمت مما حثنـي عنـد الهجـوع
يوم كـل نـام ولعـت الشمـوع
والهواجس جاتني تمشـي جمـوع
مثل ورد النحل فـي وادي طفيـل
أو كما سيل تزايـد مـن مضيـق
يقلـع الحيطـان والسـد الوثيـق
ياخـذ الاشجـار ويسـد الطريـق
زاد عن حده وضاق ابـه المسيـل
طار نومي يوم نامـت كـل عيـن
بت ساهر مـع نجـوم الفرقديـن
من هواجس من جفا من جور دين
ما بقى الا البعد عنهـا والرحيـل
صوب ارض الشام أو أرض العراق
عـل يـوم فيـه ينحـل الوثـاق
كم نقاسي والقسـا مـر المـذاق
ربما نلقـى عـن المنـزل بديـل
دع ابـلاد الـذل وارحـل يالبيـب
واغتـرب فالكـل بالدنيـا غريـب
القضا مكتـوب والداعـي نصيـب
اركب الاخطـار والهـول المهيـل
وان جفتك الدار أو مـال الزمـان
لا تعيـش ابـدار ذل أو هــوان
لو يظلـى نبتهـا مـن زعفـران
صاحـب الآداب واجعلهـا دلـيـل
شد عن ارض الاعادي والحسـود
واطلـب العليـا وبالـغ بالجهـود
لو يكون العز في غـاب الاسـود
خير من دار تعيـش ابهـا ذليـل
كل مـن رام العـلا يرقـى لهـا
سلـم الاخطـار فـي اهوالـهـا
من تراخـى عزمـه؟ مـا نالهـا
دونهـا مايقصـر البـاع الطويـل
اقطع البيدا علـى عـوج النضـا
لو يكن تمشي على جمـر الغضـا
ما يفـوت العمـر قـدام القضـا
دين عنـدك ليـن ياتيـك العميـل
عاشر الاحرار مـن اهـل الرتـب
تستفيـد العـقـل منـهـم والأدب
حيث هم اهـل المـروة والنسـب
واترك الانـذال مامنهـم حصيـل
سل عن الجيـران قـدام النـزول
ون سمعت الناس تهرج لا تقـول
تكتسـي ثـوب المعـزة والقبـول
والخلايـق يذكرونـك بالجمـيـل
كم كلام راح مـن نقلـه نفـوس
وانت ما تاخذ على نقلـه فلـوس
لا تفتش كـل حـب فيـه سـوس
كم تخوض الناس في قـال وقيـل
صون عرضك عن ملاغات السفيه
واترك الكذبـان سـودان الوجيـه
من حكى عنهم يعود الكـذب فيـه
كيف تاخذ هرج مـن بايـر هبيـل
اترك البيت الردي وانص الرجـال
خذ عريب البيت مـن عـم وخـال
يوم تنظـر فـي ولدهـا كالهـلال
ون مشى بالدرب ما يغـوى دليـل
خذ عزيز البز من زيـن القمـاش
والردي لوكـان يعطونـك بـلاش
ما يفيدك كيف تاخـذ شـي مـاش
بيعـة المغبـون منهـا يستقيـل
دور الطيـب ولـو غلـى الثمـن
لو يكون القصد في صنعـا اليمـن
لا تغرك صقلـة الوجـه الحسـن
ابـذل المجهـود بالمـال الجزيـل
غير بعض الناس ما عنده قيـاس
الذهـب مـا يخلطونـه بالنحـاس
خذ نصايح ما حواها بـو نـواس
مثل نظم الـدر واللولـوا الاصيـل
ون ملكت المال لا تغـدو شحـوح
اطعم الجيعان واكسـي كـل روح
الدبـش والمـال لا بـده يـروح
والثنا والمجـد جيـل بعـد جيـل
هم روحك واغتنم عصر الشبـاب
ان لـلأيـام مـيـل وانـقــلاب
ونت فيها تنطـوي طـي الكتـاب
لا تغرك صحـة العمـر الطويـل
أترك الدنيا اليـا جاتـك ضحـوك
لا تغـرك بالملاعـب والشكـوك
كم غرق فيها وكم غـرت ملـوك
حكها غرار ما اسـرع مـا تميـل
والعدو لا تامنـه لـو بعـد حيـن
لو حلف بالبيت والركـن اليميـن
الحقد والبغض فـي قلبـه دفيـن
ون ضحك بالوجه قلبه لك غليـل
خـل عنـك الكبـر فالله الكبـيـر
لا تحـاقـر عـاجـز ولا فقـيـر
واعلـم ان الامــر لله الخبـيـر
يقصـم الجبـار ويعـز الذلـيـل
كـم فقيـر مـات قـدام الممـات
وموت بعض الناس خير من الحيات
ان بكـن أو مـا بكـن النايحـات
البكا خسران في بعـض الهزيـل
والف صلوا ما سجـع بالاشتـراك
ساجع القمري على غصـن الاراك
في ريـاض علهـا نـو السمـاك
كل يوم الركب لـه فيهـا محيـل
تبلغ المختـار والصحـب النجـوم
ما سعا او طـاف بالبيـت القـدوم
والمصاحـف والمكاتـب والعلـوم
والحصا والرمل ميـل بعـد ميـل

وهذه ايضاً

أ يـامنا واللــيالي كـم نعـاتبهـا "=" شـبنا وشا بت وعيفـنا بعض الاحوالي

تـاعد مـواعيد والجـاهل مكـذ ّبها "=" واللـّي عرف حدهـا من همهـا سالي

إن اقبلت يـوم ما تصفى مشـاربها "=" تقفـي وتقـبل ومــادامت على حـالي

فـي كل يـوم ٍ تورينا عجـايبـها "=" واليـوم الاول تـراه احسـن من التـالي

أيـام في غـلبهـا وايام نغلـبهـا "=" وأيـام فـيها سـوا الدهـــر ميّـالي

جـربت الايـام مثـلي من يجربهـا "=" تجـريب عـاقل وذاق المــر والحـالي

نضـحك مع الناس والدنيا نلاعبهـا "=" نـمشي مـع الفـي ّ طوع ٍ حيث مامالي

كـم من علوم ٍ وكم آداب نكسبهـا "=" والشـعر مـازون مثقـال ٍ بمثـقـالـي

أعـرف حروف الهجاء بالرمز واكتبها "=" عـاقل ومجنـون حـاوي كل الاشكالي

لـكن حـظي ردي والـروح متعبهـا "=" مافـادني حسـن تأديبي مع امثــالي

إن جيت أبي حاجـة ٍ عزت مطالبـها "=" العـفـو ما واحد ٍ في النـاس يـاوالي

قـوم ٍ إلى جيتـهم رفـت شواربهـا "=" بالضـحك واقلوبـها فيها الـردا كـالي

وقـوم ٍ إلى جيتهـا صكت حـواجبها "=" وأبـدت لي البغض في مقـفاي واقبالي

مـاكني إلا مسـوي حـال مغضـبها "=" والكـل في عشـرته ماكـر ودجـالي

يـاحيف تخفي علـوم ٍ كنت حاسـبها "=" واللـّي على بـالهم كله على بـالي

الجـار جـارفـّي وكم قوم ٍمحاربها "=" وألاهـل واصحابنا والـدون والعــالي

والـروح وش عذرها في ترك واجبها "=" راح الحسب والنسب في جمع الاموالي

نفـسي تبي العـز والحاجات تغصـبها "=" ترمــيبها بين اجـاويد ٍ الانــذالي

المـال يحـيي رجـال ٍ لاحـياتـبـهـا "=" كـا لسيل يحيي الهشيم الدمدم البالي

عـفت المنـازل وروحي يوم اجنبهـا "=" منها غنيـمه وعـنهـا البعد أولالـي

لاخـير في ديـرة ٍ يشقى العزيز ابها "=" يمـشي مع الناس فـي هم ٍ واذلالـي

دار ٍ بـها الخـوف دوم ٍ مايغايبها "=" والجوع فيهـا ومعهـا بعض الاحـوالي

جوعـى سراحينهـا شبعـى ثعالبها "=" الكـلب والهـر يقدم كـل ريبـالـي

عـز الفتـى راس مـاله من مكاسبها "=" يـامرتضي الهون لاعـز ٍ ولامالي

دلـّلت بالروح لـين ارخصت جـانبها "=" وانا عتيبي عـريب الجد والخـالي

قـوم ٍ تدوس الافاعي مـع عقاربها "=" والها عـزايم تـهد الشامخ العالي

خـل المـنازل وقـل للبيـن يندبها "=" يبـكي عليها بدمع العـين هطـالي

لاتعمر الـدالر والقالات تخـربها "=" بيـع الردي بالخسـاره واشتر الغـالي

ماضـاقت الارض وإنسدت مذاهبا "=" فيهـا السعة والمراجـل والتـفتـالي

دار ٍ بدار ٍ وجـيران ٍ نقــاربها "=" وارض ٍ بأرض ٍ وأطـلا ل ٍ بأطـلالـي

والناس اجـانيب ليننك تصـاحبـها "=" تكـون منهم كما قالوا بالامثـالي

الارض لله نمشـي في منـاكبـها "=" والله قـــدر لنـا أرزاق ٍوآجـالي

حث المطـايا وشـرقها وغـربها "=" وأقطـع بها كـل فج دارس ٍ خـالي

وأطعن نحـور الفيـافي في ترايبها "=" وأبعـد عـن الهم تمسي خالي البالي

لـو مت فـي ديرة ٍ قفرا جـوانبها "=" فيـها لوطي السبـاع العبس مدهالي

أخـير من ديـرة ٍ يجفـاك صـاحبهـا "=" كم ذا الجفـاء والتجافي والتعلالي

دوس المخـاطر ولا تخشـى عواقبها "=" المـوت واحـد وبعد العز يجلالي

إن المنـايا إذا مـدت مخالبـها "=" تـدرك لـو كنت في جـو السماء العالي

الشمس فـي برجـها والغيـم يحجبـها "=" تقفي وتقـبل لها بالعرش مجـدالي

رب السمـوات يا محصي كـواكبـها "=" يامجـري السفن في لجـات الاهوالي

ضـاقت بنـا الارض وأشتبت شبـايبها "=" والغيث محـبوس يامعبـود ياوالي

يالله مـن مــزنة ٍ هـبت هبـايـبها "=" رعـادها كـن له بالبـحر زلزالي

ريـح العوالي مـن المنشى تقالبـها "=" جـذب الدلي من جبا مطوية الجـالي

ديمـومة ٍ سبـلت وأرخت ذوايبـها "=" وأنهـل منهـا غزير الوبل همــالي

تـسقي ديـار ٍ شديد الوقت حـاربها "=" ماعـاد فيهـا لبعض النـاس منزالي

ياجاهـل إسمع تماثيـل ٍ مرتبـها "=" فيهـا معـاني جميـع القـيل والقـالي

يـارب توبـه وروحـي لاتعذ بها "=" يـوم القيـامه إذا مـاضاقت أعمــالي

وأزكى صلاة ٍ على المختار نوهبها "=" شفيـعنا يـوم حـشر ٍ فـيه الاهـوالي

هذا ماستطعت جلبه حالياً

[align=center]
مشكور سيدي على النقل الرائع

أمتعتني حقاً

في الجوله السريــ ع ــه و المتميزهـ في ملف شاعرنا الوقداني


سلمت دوماًوابداً

:
:

الهتانـ

[/align]

الله لايهينك على النقل الجميل وصح لسان الشاعر وعساك على القوة .