امن, ابي, رايكم

بسم الله الرحمن الرحيم

عندي لكم سالفه مستغرب منها كثير

امن الطرق وش رايكم فيهم طبعا الله يعطيهم العافيه ولكن

مره وانا مسافر وطالع من حفر الباطن للارطاويه كان وقت ظهر ابشركم استلمت شهاده صفرا والذكي بيعرفها ههههههههههههههههههههه

المهم تعديت الارطاويه قبل المجمعه تقريبا ب60 كم كان فيه مركز امن الطرق ( الشمال) وبعدها كانت دوريه واقفه فيها اثنين عسكر متكين سواليف .
المشكله مو هنا !!!
المشكله بعد ماتعديت دورية امن الطرق والمركز الشي اللي يروع صدق ماتصدقون بعير جالس وسط الطريق تخيلو لولا سترا الله ولا كان الله يرحمني اشوف من بعيد شي اسود وشو مادري
وتعرفون في الظهر يجيك على الطريق مثل السراب سبحان الله مويه المهم قربت وانا اللي اشك في هذا الشي اللي جالس وسط الطريق ولا على باله وشوف على يميني ويساري انواع على قولة البدو ( الاباعر ) هههههههههههههههههههههه

المهم وتجيكم هذيك الفرمله اللي ماوراها وستر ربكم اللي نجاني طبعا تعرفون اتحدى احد على اي طريق مهما كان ما يمشي باقل من 120 الى 140كم

وانا اللي احقد واتصل على امن الطرق تقول اهتمو حتى اللي رد تقول ول همه كله واحد عنده وازبد له ( هذا اللي انتو فالحين فيه قسايم وتاخرون خلق الله على الطريق واقولك بعير جالس ولاا همك ) وقفل من عنده ومقهور الا يومكم هذا ، تكفون ياخواني انتبهو على الطرق تراى امن الطرق همهم الوحيد القساااااااااايم بس.

بالله وش رايكم


والسلام عليكم

hfd vhd;l td hlk hg'vr