الموضوع: الحب الغامض الذي يقتل فتاه!!!!!

الذي, الحب, الغامض, يقتل, فتاه

السلام عليكم ورحمه الله وبركا توا

اليوم انا حبيت اكتب لكم قصه قراتها وعشان تشوفوا ساره المسكينه اللي انضحك عليها واللي سوتوا في نفسها ودحين اسيبكم مع القصه وانتظر ردودكم

ساره فتاه تدرس في الثانويه العامه خرجت مع امها راحت للسوق ومر خالد من جنبها اعجب فيها وساره كمان اعجبت فيه ورقم خالد ساره وراحت ساره للبيت وهيا حايره تدق على الرقم ولا لا بعد تفكير دام عده ساعات قررت ساره الاتصال واتصلت ساره وهيا في قمه الخوف والرعب
بدات المكالمه بصوت ساره الخائفه ::

ساره :الو (في قمه الخوف)
خالد :هلا والله
ساره :خالد معايا
خالد:ايوا امري عمري تدللي .
ساره:مايامر عليك عدو بس حبيت اتاكد (وهي ملبكه)
خالد:اشبك ملبكه انا ماراح اكلك ليش اول مررره تكلمي ولد!!!
ساره :بصراحه شديده ايوااا
خالد:طيب عادي انا ماراح اكلك ! بس ممكن اطلب طلب؟
ساره :اتفضل
خالد ممكن اعرف الاسم؟
ساره :انا اسمي اسمي
خالد :وشفيكي والله ماني بماكلك قولي اسمك
ساره:اسمي ساره وعمري 17سنه
خالد:اسميك حلو والعمر كلو انشاء الله
ساره :انت كم عمرك؟
خالد:25سنه
ساره : العمر كلو (وهيا ميته رعب)
خالد:بصراحه انا يوم شفتك مررره عجبتيني انتي ماشاء الله مره حلوة
ساره :شكرا كلو من ذوقك
خالد:طيب يلا دحين انا مشغول اكلمك بعد شويه
ساره :طيب متى ؟
خالد :رقمي صار عندك في أي وقت انا موجود
ساره :يلا مه السلامه
خالد:مع السلامه

اقفلت ساره السماعه وهيا خايفه


وبعد عده ايام من الاتصالات والمكالمات اتصل خالد

خالد:الو حياتي
ساره :هلا والله (صار الموضوع عادي مررره )
خالد :انا اتصلت رغم انشغالي بس عشان ابغا اطلب طلب ممكن
ساره :طبعا اتفضل
خالد:ممكن اشوفك
ساره :لاموممكن مستحيل
خالد:اذن انسي علاقتنا وكل شي يلا مع السلامه
ساره :لا خالد معليش بس اخاف من جد
خالد:طيب انا بعد كم يوم راح اخطبك وراح تصيري زوجتي اذن ليش خايفه
ساره :امممممممممممم طيب بس امي واهلي
خالد :اقولك راح تصيري زوجتي
ساره :طيب

وخرجت ساره مع خالد وصار يطلب انوا كل يوم يخرجوا وكان يهددها لو ماتخرج معا كل يوم راح ينساها وهيا خلاص حبتوا وصار متعلقه فيه وكانت تجبوا حب مااحد يتصوروا
وصارت ساره تهمل دروسها ودوووم تفكر فيه وبعد ماكانت تصير من الاوائل في الثانويه صارت تعيد السنه كم مررره

والخبر اللي نزل على ساره زي الصاعقه يوم مادق عليها خالد وقلها انا بكره راح اتزوج بنت عمي وانتي ماتصلحي للزواج و صغيره وووالخ)

قفلت ساره السماعه وهيا تبكي وتبكي ماكان قدامها حل واحد وخوف من الفضيحه انتحرت رمت نفسها من الدور الرابع وماتت ساره بسبب حبها الاعمى لخالد

---

hgpf hgyhlq hg`d drjg tjhi!!!!!