الموضوع: مكالمه جوال

مكالمه, دواء

[poem=font="Simplified Arabic,5,black,bold,normal" bkcolor="transparent" bkimage="backgrounds/16.gif" border="none,5,gray" type=1 line=0 align=center use=ex num="0,black"]

كــلّ البـشـر فــي الاتـصـالات يـخـطـون=يخطون واخطي عذرنا هاتف فـلان
ومــن عـادتـي ماهـتـمّ بالـلـي يقـولـون=من غلط فـي رقمـي .لقـى الـردّ غلطـان
الـيـن جــااء فــي يــوم دق ّ التلـفـون=شفـت الـرقـم لقيـتـه اشـكـال والــوان
فتـحـت جـوّالـي ابـعــرف مـــن يـكــون=سـمـعـت صـــوتٍ فـيــه بـحّــه وفـتّــان
قالت لي: انت سعود؟ قلت: ايه بالعون.=لعيونك اسمي سعود لـو كـان ضيـدان
قالت :اتظنّي مخطئـه. قلـت :وشلـون=قلـبـي تـوقّـف مـانـبـض فـيــه شـريــان
بـالـهـون يـابـنـت الاجـاويــد بـالـهــون=مــن عــادة الانـسـان يـرتــاح لانـســان
تسـمّـعـي يـابـنــت وابـلـيــس مـلـعــون=اخـذي كــلام ٍ مـصـدره صــدق وجــدان
مانـي بقايـل لـك: انــا انـسـان مـزيـون=اطـرق ولالـه شبـه فـي الانـس والجـان
انــا عبدالرحمن وافــي الـهــرج مـــوزون=اوزن كـلامـي قـبــل اقـولــه بـمـيـزان
وانــا الّــذي لاحــبّ لايـمـكـن يـخــون=مخلـص مدامـه حـيّ .ويـمـوت مـاخـان
وانـــا اذا حـبّـيــت حـبّـيــت بـجـنــون=حـبّــي يـفـجـر داخـلــي الـــف بــركــان
وانــا الّــذي مـاطـرد ورى مــن يقـفّـون=مـن صـدّ عنّـي عمـد بجـزيـه حـقـران
هـذي وصوفـي .واكثرالـنّـاس يـشـرون=وانـتـي علـيـك الـيـوم تقـديـر الاثـمــان
قـالـت :اشـوفـك قـمـت ياعبدالرحمن تـمـون=تـضـحـك وضحكـتـهـا تقـاسـيـم فــنّــان
قلـت :الميانـه ماهـي بضحكـة سنـون=احـيــان ماتلقـيـنـهـاا بــيــن الاخــــوان
تـرى الميانـه شـيّ واضــح ومضـمـون=اذا اجتمع شخصيـن فـي قلـب ولسـان
قـالـت :كـلامـك وافــي ٍ يـابـن خـلــدون=احيـان احـسّ ان جلستـك بـيـن شيـبـان
ياعبدالرحمن.اسمـع كلمـة البـنـت ميـسـون=اسلوبك ووقتـك مضـت دونهـا ازمـان
هـــذا زمـــن قـدواتــه افـــلام كــرتــون=وهــذا زمــان ارجـالـه اجـسـاد وابــدان
قالـت وغنّـت لـي علـى وقتـي لـحـون=قلت: اسكتـي مـن بعـد ماخاطـري شـان
انا ادري ان الوقت مـن دون فـي دون=لـكـن فـمـان الله وانــس ِ الـلــذي كـــان
قلتـه وانـا صامـل وهـي عندهـا آذون=لـكـنّــهــا مــاصــدّقــت ســـمـــع الاذاان
ضـاقـت .وخـلـق الله دايــم يضيـقـون=وانــا قـفـلـت الخـطّضـايـق وزعـــلان
ونسيت والاجواد فـي الوقـت ينسـون=مــاســمّــي الانـــســـان الاّ بـنــســيــان
المشـكـلـهبـنـات حـــــوّا مـايـسـلــون=دقّــت عـلـي وانــا لـهـا شـبـه شـفـقـان
قبـل آآتكلّـم قـالـت: اسـمـع ولاتـهـون=اسمي مهو ميسون حان الصدق حان
الاسـم عمـشـاء وآخــر الـجـدّ مصـيـون=مـهــره ولا طـوّعــت بـلـجـام وعــنــان
قلـت: ارحبـي مليـون تـضـرب بملـيـون=اقـولـهـا مـلـيـون مـــن قـلــب ولـســان
قلت: ارحبي في العين ولحافك جفـون=وظلالـك مـن الشمـس باهـداب الاعيـان
يـاعـيــن حــــر ٍ بالمـطـالـيـع مـفـتــون=حــر ٍ شـــراه مـولّــع الـصـيـد طـربــان


انشالله تكون القصيده اعجبتكم والقصيده هذا منقولة ولكم تحياتي عبدالرحمن 001[/poem]

---

l;hgli [,hg