الموضوع: ياوزارة التربية والتعليم بناتنا موعمال يركبون باص عمال

موعمال, التربية, باز, بناتنا, ياوزارة

السلام عليكم ورحمة الله وبركاته

يا وزارة التربية والتعليم بناتنا موعمال يركبون باص عمال وقسم بالله فضيحة بنات الناس وبنات حمايل يركبون باص عمال بتقولون كيف اقولكم
1. الباص يمشي على جنب تقول اللي راكبينه على جهه وحده.
2. الباص بدون تكييف الله يعين البنات على الحر والله الفضيحه صدق.
3. السواقين سعوديين ماقلنا شي بس تسوقون بدون اهتمام بسرعه لا وعلى باص مكسر ويدخن بعد .
لاحول ولاقوة الا بالله ياخي الدوله ماهي عاجزه انك تطرح مناقصه مع باصات النقل الجماعي واذا والله تقول ماعندك امكانية لاتخاطرون ببنات الناس .
. ليش الناس ساكتين لأنهم مساكين وربي مساكين مالهم الا هذا الحل تلقا ظروفهم مندمره ماعندهم اي اسلوب معيشه يالله يوكلون بيتهم ولا يقدرون يتعاقدون بع الباصات الخاصة بسبب ضروفهم خافو الله في بنات الناس بكره البنات هذاولي بيدرسون بناتكم وغير كذا الوظايف ياشيخ قابلني اذا توظفن بعد التخرج ، وحتى لو توظفن كم تبعدهن عن اهلهن 100 كيلو .
مانقول الا حسبنا الله ونعم الوكيل .
اللي يقدر يوصل كلامي لادارة التعليم فيسويها علشان بناتنا ولا تصدقوني على الصباح شوفوهن في الصباح على الطرقات الدائريه في الرياض خاصة مدري عن المناطق الثانيه
والله يالعمال عندنا يركبون باصات Vipوعلى مستوى من التكييف وتوها جديده بعد وصيانه فما بالكم ببناتنا ، والله اني مقهور .
اخوكم ابن الرياض

---

dh,.hvm hgjvfdm ,hgjugdl fkhjkh l,ulhg dv;f,k fhw ulhg