الموضوع: أماراتيه تهمس للسعوديين:ماأغطي ويهي فاي مكان, ألاعندكم(أفا يالعلم

مكان, تهمس, يالعلم, فاي

((((رساله عبر البريد))) السلام عليكم ورحمة الله وبركاته بصراحة أنا عضوة من خلف الكواليس، ومب من عادتي إني أرسل عبر البريد، لكن هالموضوع بالذااااات دوووم يستفزني و تستفزني ( بعض ) ردود السعوديين مع كل احترامي للجميع عشان جذي خليته موضوع مستقل، ويعتبر ردي على مواضيع وايده يا جماعة لو تكلمنا عن موضوع حجاب الحرمة وغطا الويه رجاء فرقو بين الدين و العادات والتقاليد اللي تجري فدمنا بتكلم أول شي عن الدين وعقب بوصف بعض الفروق الكبيييرة بيننا! من ناحية الدينهذا موضوع منتهي منه، ومابى حد يطلب مني أدلة شرعية لجواز كشف الوجه لأن النقاش في هذا واااااااااااااايد فالساحات و فكل المواقع يا جماعة حد منكم يطول الإمام مالك؟ حد منكم يقدر يغلط الامام مالك إمام المدينة واللي أغلب الأئمة و العلماء الأجلاء درسو على إيده؟!! بتقولون لي ( إنسان) و كل انسان له اجتهادات غلط!! انزين ليش عيل مقدسين باقي العلماء- اللي وربي أحترمهم- و أبدا ماتفكرون ان هم بعد لهم اجتهادات انسان؟! بس نحن مايصير نغلط أي حد فيهم! ماوصلنا لدرجه العلماء، و مافينا حد وصل لدرجة الأئمة الأربعه عشان يغلطهم، الدين فيه اختلافات و كلن يمشي على طريق موثق الأدلة الشرعية على إجازة كشف الويه مايبالي أذكرها متوفرة فكل مكان أنا مقتنعة بهالأدلة و متبعة مذهب الإمام مالك لكــــــــــــــــــــن في نفس الوقت ماااااأقدر أتجرأ إني أغلط أي راي ثاني لعلماء عاديينكيف عيل الأئمة الأربعة؟ محترمة والله كل الآراء الثانية و محترمة اللي يحرم ويه المرة من علماء أجلاء و لهم أدلتهم وفنفس الوقت أغلب اللي نشوفهم من مذاهب ثانية ( أقصد مذاهب السنة الأربعة) محترمين الكلحتى اللي متبعين الإمام أحمد بن حنبل، محترمين آراء الإمام مالك و مستحيل يقولون إنا على غلط بس ليــــــــــــــــــش انتو السعودية بالذااات متعصبيييييييين لراي واحد و أي شي غيره ( كفــــــــــــــــــــــــــــــــــــــــر) !!!!! التكفير والإخراج من أمة لا إله إلا الله بهالسهولة عندكم؟ و حتى لو ماوصلتو درجة التكفير ليش كلامكم انتو بس هو الصح؟ وتنسون ان اللي نحن متبعينهم أئمة أجلاء بعد ومايحتاي أتكلم عن مكانة الإمام مالك مثلا يا جمااااعه واللـــــــــــــــــــــــــه إنا نتضايق من مضايقات الشيوخ الأفاضل في الحرمين يوم يكونون ورانا ورانا (غطي يامرة.اتقي ربك.ان ماخفتي ربك عند الكعبة وين بتخافينه؟) والله هالكلام يهزني يحسسني إني أكبر عاصية و أنا متبعة إمام جليل من الأئمة الأربعة ( الإمام مالك) يا مشايخ أكارم أبى أخشع في عمرتي و حجي بدون التعرض لهالكلام يقطع دعائي و رجائي و موقفي الخاشع اللي كله رهبة أمام بيت الله الحرامعشان يقول لي غطي! كل الدول اللي مايغطون فيها حريمهم ويوههمو كل ذوك الحريم عاصيات؟ ( أقصد حجاب بشروط معينه شوفوها تحت) واللــــــــــــه ياشيخ إني محترمة رايك و مستحيل أقدر أقول انك باتباعك للرأي اللي يحرم ويه المرأة غلطانبس انت بعد لازم تحترم راي العالم الإمام الجليل الثاني فيه نقاط لازم نحطها ع الحروف عشان ما ألاقي الآراء المتعصبة واللي بتحملني إثم اللي كتبته النقاط اللي أبى أحطها: 1- أقصد بعدم تغطية الويه بشروووووطه اللي حطها الشرع واللي معروفة للي يبى الحجاب الصح مب لباس شهرة و لا ألوان ملفته و لا ضيق أو شفافيعني هالصفات للجسم كامل كلنا متفقين عليها خلونا نروح للويه (موضع الخلاف) الويه مب عورة إذا كان بدوي ( أي) نوع من التزين يعني بدووون مكياج بدووون زينة، وحتى أبسطها بدووون كحال، يعني ويه مغسول بالماي كما خلقه ربي يعني مابى حد يروح فكره للبنات الكاشفات وماشاالله ع الميك اب، أو بداية الشعر أو اللبس المخصرأو حتى التنورة أو البنطلون مع حجاب!! أنا بكلامي أقصد الحجاب الشرعي بمعناه الشرعي بعييييييد عن أي فتنه يعني اللبس اللي أقصده عباة فضفااااضة ( أو بالطو وااااسع بلون مب شهرة لإخواننا فالدول الثانية المب خليجية) وشيله ساترة(أو حجاب) ( كله بدون زينة) و الشيلة ماتطلع أي شعرة، و بدووون أبسط أنواع التزين أرجـــــــــــــــــــــــــــو التركيز على نقطة ( بدووون أي تزين ) لأني والله أنقهر يوم انه حد يعتبر حجاب البنت اللي حتى مب حاطه كحالفاسق و فاسد لأنها كاشفه ويهها باتباع الإمام مالك و وحدة ثانية مغطية لكن عيونها مرسومهيطالعونها بنظرة إنها أرحم فحجابها من هاذيج!! ( طبعا هذي نظرة "بعض" السعوديينلكن فبلادي بكلمكم عنه بعد شوي) 2- رجااااااااااااء لا تقولون لي علمانية ولا الافكار الثانية اللي ماعرف شو هي! أو تقولون لي دعااة التحرر أنا مب قاعدة أدعي لتحرر فعصرنا هذا أنا قاعدة أذكر بكلام الإمام مالك من قبل قرووون! 3- خلونا يوم نفكر بالموضوع ننسى شوي العادات والتقاليد يعني عاداتنا هي اللي خلت الرياييل مايتقبلون هالفكرة نهائيا لأنه زمان و عند بعض الناس: الريال ماشاف حتى ويه حرمته! فكيف تبونه يتقبل إنه حد ثاني يشوفها!! 3- للأســــــــف مرات يكون الغلط فالريال نفسه ( وخلوني أتكلم عن "بعض" السعوديين) مااااعندهم غض بصر لو ظل حرمة أسود يشوفونه ( فتنة)!! يا جمااعه ما أسهل الفتنه عندكم!! نحن مااااااااااااااانقدر و لا نتجرأ نكشف ويوهنا فالسعودية ( إلا فالحرمين عشان الإحرام حسب الإمام مالك) فالسعودية فععععععععععلا نحس إنا مب متحجبين لو كشفنا ويوهنا!!بسبب السعوديين نفسهم!! بسبب النظرات والمضايقات و الاستغراب والتصوير بالمبايلات و الناس اللي مب متعودين على هالشي نغطي ويوهنا فعلا خوف من الفتنه و خوف على أنفسنا و نحس إنه فالسعودية - احتراما للتقاليد اللي بنكون ملفتــــــــــــــــــــــــــــــــــــــــــــــ ــــــات لو خالفناها- لازم نغطي يوم بعض منكم يقول انه حتى اللي أجازو كشف الويه متفقين الحين انه حرام فزمننا زمن الفتنه!! مادري من وين هالكلام! يمكن هالشي ينطبق ع السعودية لأنه صـــــــــــــدج ويه المره فتـــــــــنه عندكم! لكن بأي مكان ثاني فالعالم أبــــــدا!! بالعكس محد يتجرأ يطالع المتحجبه، لو يبى الفتنه موجوده فاللي صدج مب متحجبات نهائيا لكن فالسعوديه فتنه الحرمة بـ ظلها !! لكن فالإمارات ( بلدي) أو في أي دولة ثانية غير السعودية واللــــــــــه تجاربنا تختلف نهائيا تصدقون إن واااااااايد بنات يتعرضن للمضايقات و المعاكسات أكثر يوم يكونن مغطيات؟!! لأسباب بسيطة. الوحدة و هي مغطية ويهها هذا مب صفة تدل على دينها واحترامها ( والدليل :"بعض" البنات السعوديات اللي أنصدم يوم أشوف فسادهن اللي تحت الغطا!!) أو مرات المتنقبة تكوون فتنة أكثر للمضايقات والمعاكسات لأن بشكل عام ماشي عين شينه تقريباوالعين بروحها تكون فتنه (حتى لو كانت فالويه عادية) لكن يوم يكونن كاشفات ويوههن ليش يتعرضن لمضايقات أقل؟! طبعا أنا بكلامي أقصد البنات الملتزمات لأن حجابهن فعلا يعبر عن احترامهن حجابها و هي كاشفة ويهها المغسول بالماي فعلا يبين إنها ملتزمة وحتى ماتبى -وهي فمكان فيه رياييل- ماتبى تتزين بالكحال اللي هو أقل شيمحترمة و عينها مكسورة و عباتها فضفااااضة ولاهي لابسة لباس تزين أو شهرة أو أي شي ملون وفنفس الوقت ويهها مافيه أي نوع من الزينه في زمن ياااكثر الميك اب فيه، ويااااكثر ألوان الموضة و فتنة الفضائيات، هالبنات بنفسهن رفضن هالألوان جدام الرياييل مع انها متوفرة عندهن فبيتهن و يكشخن فالاماكن المغلقة والمجتمع فاتح مجال الحرية، لكنهن هن بالتزامهن وبهذا الويه النظيف رفضن هالشي، عشان جذي الريال غصبن عنه بيحترمها ولا بيقرب صوبها لأن التدين والاحترام واااضح عليها، و بيروح يدورله عيووون مرسوومة و عليها ظلال ( مع انها متنقبه) بيروح يغازلها عشان جذي البنات المتحجبات حجاب شرعي (بدون غطا ويه على اتباع الامام مالك) مرتاحات ولا يتعرضن لأي شي وبصراحة أكثر مب كل البنات حلوات يعني ياااكثر متواضعات الجمال اللي يكون غطا الويه نقطة فصالحهن 4- ياجمااااااااعة الرياييل غيييير، والمجتمعات الثانية غيييير، فتحو عقولكم و شوفو اللي برا يوم يكون الواحد فدولة اللبس العاري موجووووود بشكل كبير، و أسباب الفتنه اكثر من مجرد ويه، أبدا مايحس إنه حرمته أوبنته أو اخته أو قريبته مب محترمة بحجابها الشرعي اللي ذكرت شروطه، عشان جذي ولله الحمد عندنا فالامارات رياييلنا واخواننا و آباءنا يمشون معانا فكل مكان بكل فخر بهذا الحجاب الشرعي، و هذا أبدا مب نقص من غيرتهم، بالعكس ممكن يكونون غيووووريييييين لأبعد حدود، لكنهم شايفيننا بحجاب كامل وحسب قول الامام مالك، يعني بحجاب مايغضب الله سبحانه وتعالى، ليش عيل يغضبهم هم؟ يمكن انتو فالسعودية صعب عليكم تفهمون هالنقطة وسيييييده بتقولون ( أين غيرتكم على نسائكم؟!!) و الدليل انه مرات يوم حد يطري هالموضوع، يكون الجواب المعتااااد واللي ملينا منه: ( هل ترضى هذا على حرمتك واختك؟ هل بتخليهم يكشفون عن ويوههم؟) تدرون شبابنا (فالامارات أو غيرها) شو يردون؟ هيه نرضاها لهم دام إنه رب العباد أجازها، إلااااااا فالسعودية أبدا مانرضاها لأن رياييلهم حشى محد يأمن على حريمه عندهم! ترضون تكون هذي سمعتكم كل ماتمر سنيييييين، نقول يمكن تغيرو ،ماأقصد انهم تحررو و حريمهم كشفو ويوههم، بالعكس مثل ماقلت قبل إنا نحترم رأي الأئمة الفضلاء كلهم، بس أقصد تغيرو من ناحية نظرتهم للناس الثانيين، من ناحية تقبلهم للراي الثاني واللي مستند على أدلة بعد، من ناحية تغير سطحيتهم ع المظهر الخارجي ياااااااكثر البنات اللي هني فالامارات او غيرها، واللي متدينات ومحترمات ومااااااااااااااايسمعن أغاني ولا يشوفن إلا البرامج المحترمة عالتي في، ومواضبات على صلوات النوافل والقيام وصوم التطوع و حفظ القرآن و متابعة المحاضرات والحلقات ( طبعا هالطاعات تختلف من وحده لثانية)، و راااقيات لهن أفكار و أهداف سامية فحياتهن، ياااااكثر اللي جذي وفنفس الوقت لابسات الحجاب الشرعي حسب الامام مالك، بدون غطا ويه لأن الويه والكفين مب عورة، كل حد هني يحترمهن و متأكد إنهن متدينات، لكـــــــــــن فالسعودية بينقال انهن فاسقات والعياذ بالله لأنهن مب لابسات عباة راس وغطا ويه وقفازات!! زين حد منكم يتجرأ يكذب الامام مالك!!! لين متى بتمون تهتمون بالمظهر بس؟ والله إنا نشوف أنواع فساد فشبابكم وبناتكم ماقد شفناها هني مع ان الانفتاح موجود! (أقصد احترام الاماراتيين نفسهم مب الأجانب اللي ماليين البلاد فساد، و طبعا ماأقول ان الكل مثالي هني، بس أبدا مب شرات الفساد اللي فالسعودية، أبســــــــــــــــــــط مافيها، انكم تتناقلون مقاطع بلوتوث نعتبرها فضييييييييعه!) والله يا جماااااااااااااعه اني ما أقصد بهالموضوع التقليل من الأقوال الثانية، أو تعييب السعوديين بدون سبب، قصدي النقد البناء، نباكم تخففون شوي من حجم الفتنة الهاااااائل اللي عاطينه للحرمه! عشان جذي مب قادرين تستوعبون إن ممكن ريال يغار على حرمته يخليها تكشف ويهها، والله موجووودين ومرات ثنيناتهم (الريال وحرمته) بقمة التدين والالتزام ممكن وحده تمر و لاااا يعبرها الريال و لا يحس أصلا انه حد مر ويكمل شغله عادي وحتى لو شافها مايشوفها فتنة، لكن السعوديين!! شوفو عيونهم اللي بتلاحقها لين تختفي – هذا اذا ما لحقها بريوله- والله حراااااااااام تكون هذي هي سمعتكم المعرووووووووفه فكل الدول، للأسف معروف عنكم هالتصرفات مع الحريم هني فالخليج و فكل الدول الثانية، بســـــــــكم و حاولو ترقون بأفكاركم فوق هالمستويات الدنيئة الناس مشغولين بحياتهم ودراستهم و بناء نفسهم و فكل هالاماكن ( اماكن الدراسة او الشغل- مب اختلاط لأنهم منفصلين فأماكن و فأماكن ثانية كل واحد يسوي شغله مع مجموعه كبيرة من الجنسين، يعني ماشي خلوة) يكون الكل موجود من الجنسين، بس أبدا محد يحس بالثاني، يمكن مابتصدقون لأنكم سعوديين!! ماتتخيلون مكان فيه رياييل وحريم، إلا تتخيلون معاه المعاكسات والمغازلات اللي فبالكم، وقصص الحب اللي قريتوها أو شفتوها عالتلفزيون وتتحرونها تنطبق ع الكل هذي أفكاركم اللي فراسكم هي اللي تخليكم تنطبق عليكم: (كلن يرا الناس بعين طبعه) كل شي ينفهم غلط، وحتى اليهال (الأطفال) ماعندهم براءة وفاهمين كل هالشغلات ( الرجل رجل و لو كان طفل) شفناها فالسعودية عندكم، وفنظرات عيالكم للبنات، حتى لو كانو صغار!! شوفو الناس وين وصلووووانتو بعدكم بنقاش غطا الحرمه، سواقه الحرمة ( على فكرة انتو يااااكثر حريمكم اللي يركبن تكاسي مع اجانب او مع السواق مضطرات لأنه بالمنطق، الريال مب فاضي دايما لهن، خاصة بأوقات الدوامات، ونحن وحده بقمة دينها والتزامها تسوق سيارتها ولا حد يشوفها داخل المخفي، ولا حد يكلمها و لا تتضطر تيلس مع اجنبي، والغريب شوووو اللي يدل على حرمة السواقه؟!! ليش توصل السواقه عندكم قضيه شرف؟!! لأن هالشي مرتبط بعاداتكم و بلادكم اللي فعععععلا مادري شو بيصير للحرمه لو ساقت، لكن رجاء انظرو للدول الثانية بنظره غير واعرفو ان الفتنه عندنا مب بسهولة اللي عندكم) الكلام فالسواقه موضوع ثاني مب وقته الحين الناس ويييييين وصلو وانتو بعدكم بقضايا الحريم ولا ملاحقة البنات؟!! وبالنسبة للمتكلمين باسم الدين أباكم تحترمون الراااي الثاني و توقفون مضايقاتنا فالحرم، اذا شفتو وحده بلباس شهرة ومكياج هذي فعلا لازم حد يذكرها بالتقوى عند بيت الله الحرام لكن وحده بحجابها الشرعي اللي وصفته، غضو بصركم وخلوها تخشع فعبادة ربها!! والله إنا هني فبلادنا وبحجاب شرعي (**بدون غطا ويه**) مانتعرض لمضايقات كثر اللي نتعرضلها فالسعودية (**ونحن مغطين ويوهنا**)!! طبعا هالمضايقات تكون من الشباب اللي الله يهديهم انشاالله، دينهم بحاجه لتقوية والشباب اللي الله يكثر من أمثالهم المتدينين الملتزمين، هذيله بعد نتعرض لمضايقاتهم! أقصد المضايقات اللسانية و هذي أعظم مضايقة لي يوم أشوف واحد كاتب فالنت مثلا عن فسوقي و فجوري و كفري إذا ماغطيت ويهي!! يا "بعض السعوديين" كبرو عقولكم عن الحريم، وخافو ربكم ، وتحصنو بالزواج، ولا ترضون لبنات الناس المضايقات اللي قاعدين تسوونها تدرون ان فيه واحد مرة اسألوه: هل فيه أمان من السرقة؟ قال لأ!! السرقة نفسها لو كانت وايده ولا مب وايده ماتهمني، لكن السرقة اللي اعتبرها اكبر سرقة، هي نظرات الرياييل لحرمتي واللي احس ان كل واحد يطالعها قاعد يسرقها مني! غضو أبصاركم، وحسو ان الحياة فيها أهدااف غير متابعة الحريم! و يا " البعض الآخر من السعوديين" إلتزامكم رائع الله يزيدكم من طاعته، بس اقبلو الراي الثاني، و لا تقللون من كلام الإمام مالك و من الأعدااااااااااد الكبييييييييرة من المسلمين فالعالم كله اللي متبعين رايه، وتأكدو إنا محترمين رايكم، بس انتو بعد لا تغلطونا وتقولون إنا فساق لأننا ما اتبعنا رايكم أتمنى والله إنا نسمع سمعه أحلى عنكم، و أتمنى إن تقبل الآراء المختلفة يصير موجود عندكم و أدري ان شي وااايد دول ثانية و فيها وااااااااااااايد سلبيات أكبر و أعظم لكني وجهت نقدي لكم لثلاث اسباب: 1- فيكم الخير 2- لازم تتقبلون الاراء الثانية عسب تقدرون تندمجون مع العالم الثاني اللي برا حدودكم 3- انتو أهل الحرمين اللي كل المسلمييين بيعرفون أي سلبية فمجتمعكم، لأن الزيارات لكم سنوية و أكثر عن مرة، و لازم تعكسون صورة الإسلام السمحة البعيدة عن التشددوالبعيدة عن ملاحقة الحريم! ( أدري اني بلاقي آرااااء ضدي وااايده، واقتراح عشان ماتعبون عماركم لاتحطون أدلة شرعية لأن الموضوع انطرح وااايد و ادلة الطرفين معروفه ومؤكدة) ( كلامي يمكن فالغالب موجه للرياييل مع انه عام، بس انشاالله بكتب مرة ثانية كلام خااص بالبنات، أكييد مابشجعهم على كشف الويه! لأني مثل ماقلت أحترم وااايد هالشي، لكني أبى أوعيهم للاهتمام بالداخل أكثر من المظهر، سواء لهم أو في حكمهم على الناس) وعذرا على الاطاله ((أماراتيه))

---

Hlhvhjdi jils ggsu,]ddk:lhHy'd ,did thd l;hk< Hghuk];l(Hth dhgugl