الموضوع: كيفي سعـودي والسعـودي بكيفـه

سعـودي, كيفي

يالله عسـى نـوٍ دعانـي رفيـفـه

شوفه يزيل الهـم ويسـر الأعيـان

ينثـر هماليلـه ويـرزم رزيـفـه

ويسقي ثرى دار الشيـوخ النهيـان

دارٍ لهـا بيـن الضلـوع النحيفـه

حب وغلا وإحساس شاعر ووجـدان

من حب شيخ المجد درعه وسيفـه

زايد عسى له جنة الخلـد مسكـان

يزورنـي ف كـل الأوقـات طيفـه

واقـول ياربـي تجازيـه الأحسـان

وياعـلّ عيـنٍ مابكتلـه كفيـفـه

وياعـلّ قلـبٍ ماحزنلـه للأحـزان

واليوم في عهد الخليفـه خليفـه

ورث الندى فرز الوغى طير حوران

يرقى بمجـد ابـوه مجـد ويضيفـه

وزاد البلد نهظه وزاد العـرب شـان

فارس وفيديـه المراجـل عسيفـه

مثل الفرس فيدين شالـح وراكـان

واثقل حمول النـاس عنـده خفيفـه

ياقـوم ياحمـلٍ يشيلـه بليـهـان

هذا وانا شاعـر وروحـي ظريفـه

وارقى جبل ماأرقى على قرن شيطان

(وسوالفي عند النشامـا طريفـه )

شطرٍ شربته لأبيض الوجه فجحـان

ولي لابـةٍ يـوم السنيـن المخيفـه

امجادهم لكتـاب الأمجـاد عنـوان

وبيوتهـم مثـل الجبـال المنيـفـه

وإديارهم من بـاب مكـه لدسمـان

مطير ربعـي عيـد قلبـي وريفـه

وكل القبايل كفو من غيـر حقـران

كيفي سعـودي والسعـودي بكيفـه

من شعب ابو متعب طليقين الأيمـان

فينا كـرم حاتـم وتقـوى حذيفـه

وفي دارنا ختـم النبـوه والأديـان

ونفوسنا من فضـل ربـي عفيفـه

وقلوبنـا مليانـةٍ صـدق وإيمـان

ورجالنـا لويذبـح ابنـه لضيـفـه

اسهل من إنه يرجع الضيف جوعان

ولي بالكويت اهل ومكـان ووظيفـه

وربع وبني عـم وحبايـب وخـلان

واعشق قطر عشق الوليف لوليفـه

واغلي هل البحرين واغلي هل عمان

كنـي مقسـم بينهـم بالنصيـفـه

وإلا إن ذاتي ناس في هيئة انسـان

ومن ربعي الشعار ما أوجست خيفه

لأنا تجمعنـا علـى عـزّ وإخـوان

اهـم شـي منافستـنـا شريـفـه

واللي اهم ماينظلم كان مـن كـان

وإلا اللقـب ماجيـت ادور وصيفـه

وأن ماحصل ماني على شي ندمـان

يكفي وصلت اليا القلـوب النظيفـه

جمهور من كل القبايـل والأوطـان

الله يعـز الـدولـه المستضيـفـه

ويعـز ابوخالـد سلايـل كحيـلان

مشكـور يـاراع اليميـن الذريفـه

لأنك جمعت قلوب وعقـول وابـدان

ومشكور ياشعب الخليفـه خليفـه

ياللـي مقادمكـم محمـد وحمـدان

للشــاعـر :::
محمد بن عوض بن سرور المطيري

اللي شارك في شاعر المليون.تحــيــاتـي,,,

---

;dtd suJ,]d ,hgsuJ,]d f;dtJi