الموضوع: (أمــيرة الــذوق) <------>(صوتيــه)

الــذوق

متواضعة ، واتمنا ان تنال اعجابكم .




مع التحية .








ياغالية لـو كـان للـذوق أميـرة
.فأنتي بدون منـازع أميـرة الـذوق
من حقـك ولا هـي بحقـك كثيـرة
.وأنا عليك يحدنـي حـادي الشـوق
متى يجي للعشـق قصـة وسيـرة
.ما بيننا ونصير عاشـق ومعشـوق
ومتى قراح الشوق يطفـي سعيـره
.برشفةٍ من ريقك العـذب ، وأتـوق
وأحط لك في واحـة القلـب ديـرة
.ماني عليها ياهوى الروح مسبـوق
أنتـي وقلبـي والمشاعـر عشيـرة
.وظلوعي (الظلعان) وعروقي (النوق)
تنـزل وترحـل والهقـاوي كبيـرة
.مرباعهـا يـم المعاليـق مسيـوق
أميرها : قلبـي ، وقلبـي مصيـره
.من دونها يثبـت ولا يقبـل البـوق
علـى معاديهـا يـجـر الجـريـرة
.وجريرته ماهي مشاريـه وحقـوق
وأنتي بدون أدنـاة شـك الوزيـرة
.لك منزلة عليا ، ولك شان مرمـوق
يا أعذب عذابات السنيـن الأخيـرة
.يالي عليك آمالـي اسوقهـا سـوق
يا سيـدة حلـوات شبـه الجزيـرة
.يا دُر ، يابلور ، يـاذوق ، ياشـوق
يـا فاتنـة ، يامغريـة ، يامثيـرة
.يالي جمالك غير ، وفروقـك فـروق
عينك تحاوفها السيـوف الشطيـرة
.نعاسهـا / خـلاَّ تناهيـدي تفـوق
من وسعها / ضاقت بي المستديـرة
.ومن زينها / ماكل مطرود ملحـوق
وليـش أطولهـا وهيَّـه قصـيـرة
.عينك حلاها يطرح الطير من فـوق
وخشمك كما سيفٍ عفا عن جفيـرة
.ومبسمك : كن الجمر بالثلج مغروق
وخدك وزير البدر ، مـدري سفيـره
.له من ورار جلبابك (آفاق ، وبروق)
والخافي أعظم جعل في الأمر خيـره
.أخاف أقوله وأكسب ذنوب مخلـوق
أبا أكتفـي واقـول جملـة صغيـرة
.يمكن بعد ما اقولهـا قلبـي يـروق
(متى يجي للعشـق قصـة وسيـرة
.مابيننا ونصير عاشق ومعشوق ؟ )
في وقتها لو كـان للشـوق أميـرة
.فـأنتي بدون أبالغ أميـرة الشـوق





وسلامتكم .

صوتيه

http://www.7eda.com/1/sssxd.rm




لابن العمالشاعـــــر/ نايف معلا العتيـبي



ولكم تحيات /سعـود العتيـبي

---

(HlJJdvm hgJJ`,r) <------>(w,jdJJi)