الموضوع: صاحبي البحر

البحر, صاحبي

_" صاحبي هو البحر ""

إذا حبيت ياقلبي لا تحب إنسان قلبه من صخر
رجيتك تحب إنسان حساس العواطف رجيتك
وصاحب القمر بالليل تراها عز وفخر
تنسكب وياك مشاعر الاحساس ويحتريك
صاحبي لاتذرف الأهات ف زمن الغدر
ولا تعطي الثقه لعشير ناسيك
واعرف ف الزمن ملااااين العبر
حد يتمنى يخسرك والثاني بروحه يفديك
أعرف مكانك بين كل هالبشر
من اللي يبيعك ومن اللي بحياته يشريك
ياصاحبي الحب من طرف واحد والله قهر
لاصرت تحب إنسان وهو مايبيك
الواقع مر والاماني تراها تغر
أخاف تلقاها سراب عايش فيك
الكل يبيعك وانته ماعندك خبر
وتنتظر من هو بعد الخيانه يشافيك
ولأسف ما تلقى من دنياك المريره مفر
واقعن ملزوم تعيشه وبحزنه يوريك
صاحبي لا إلفحت النار وشفت الشرر
شوف دنياك من هو تهتويه ويهتويك
احتري الصاحب قبل لاتشد له السفر
واعرفه قبل لا تنزل المصيبه عليك
لا تطلب منه الصعب و طلوع القمر
بس افهمه وأكسبه لدنياك رفيق وشريك
لاهبت رياح ما أهتز مثل غصون الشجر
ويحفظ غيابك لا الناس حلت بطاريك
ولا طحت من جروح الزمن ف الحفر
تلقاه يمد لك حبل النجاه ويجيك
اجعله ف دنياك عزيز مثل موت النسر
لاتذل لمن لا مت ما هو بيبكيك
ياصاحبي لاشفت من اصحابك ضرر
اتركهم واعرف انها كانت كذب أمانيك
واحذر لا تطيح ف وسط المنقعر
واعرف انه لك رب يشفيك ويحميك
نصيحتي خلي صاحبك هو البحر
لانه الوحيد اللي يفهمك ويسليك

---

whpfd hgfpv