الموضوع: [الكل يضع أبيات جميلة لكن لمن تقدمها]

الله يعطيك العافيه اخوووي
والى الامام وبتوفيق

بارك الله فيكم على حسن أهتمامكم

اجاذبك الهوى واطــرب واغني . وابادلك الغرام بكــــــــل فنّي

واشاهد صنعة الله فـــي جمالك . وحكمه الذي فيـــــك امتحنّي

واشوف الودّ فـي عيونك ولكن . يردّ الودّ خوفٍ فيــــــــك منّي

ولا ادري وش يخيفك ياحبيبــي . وانا بك مغرمٍ جــــــاك متعنّي

ولو انك تلاحظ شفت عينــــــي . وهي تروي حديث الحب عنّي

تنعّم دام تــــــوك فـــــي شبابك . ليال العمر ماقــــــــط امهلنّي

تعال اسقيك من جدول غرامي . شراب فيه للعاشـــــــق تهنّي

واهيم بك بسمــــاوات المحـبه. الين انّك بعــــــــــد مثلي تغنّي



الاهداء لكل غالي وكل عضو في مياسه

حكم الساحة يعطيك العافية على الاهداء الجميل

بآك
واحب اهدي هالابيآت لابو رهف لعل وعسىا يقرإهآ

لو كل قولً يمسك لسـان رجـال
ماكـل مايطـري علينـا نقـولـه

ياضايعً بيـن المعانـي والاقـوال
كنت أحسبنك تفهـم اللـي تقولـه

بالشعر تضرب بالردى زيف الأمثال
وأنـت الـذي مافيـك ذرة رجولـه

يامدعي قولً كسـر قلـب رجـال
نجـم الثريـا ياثـرى ماتطولـه

يوم أنت ماتملك من الطيب مثقـال
هذاك لجـل الطيـب يامـا عنولـه

الشاعر اللي ينشد الحـال بالحـال
مايجرحك بالأسئلـه مـن فضولـه

لولا المواقف منعرف كـل رجـال
الفـرق باللـي نـادراتٍ فعـولـه

اليا زبنت أزبن على طيب الخـال
فرحة ضمير اللي من الضيم جولـه

اللي معك بالجاه والحـال والمـال
وتضرب به الامثال عنـد المقولـه

قرمً مجرب باللقـا نـادر أعيـال
لاصار حولك كـن تسنـدك دولـه

الفعل يبغى له صميدع ليـا قـال
بالفعل يثبـت واقعـه مـع مثولـه

ماهو من اللي لا تجّمل ولا طـال
وحبـل المراجـل عاليـاً مايطولـه

خله على ياليل ياليل يـالال
نشوة نديـمً شـاع دمـه كحولـه

ذاك الذي طيبه مع النـاس بمثـال
واقع فعوله عكـس ماهـو يقولـه

شاعر يغني له من الشعـر مـوال
يوم أنهـم مـن غيهـم صفقولـه

هو يدعى نبل المبـادي ولا نـال
ومثله كثيـر اللـي تعّـرى ميولـه

بينه وبين الطيب أبـواب وأقفـال
ولاكـل بـابٍ ينفتـح بالسهـولـه

للشعر وجهٍ لونه أسود من الشـال
لاصار يطعـن بالخفـا ظـل زولـه

رجال يسوى بالمواقف له رجـال
ورجال مايسـوى مواطـي نعولـه

ياصاحبي طالت على كـل منـوال
كثيـر نـاسً يدعـون البطـولـه

بس البطوله بالمواقـف للابطـال
اللي بهـم طبـع الوفـا والرجولـه

ولو أنها ياصاحبـي رزة أشكـال
تسـاوت الانـذال وأبـن الحمولـه

بارك الله فيك يالغالية