الموضوع: هنــا ياساس الخيل . صوره أفضل مجتمعه تفاصيل واشعار تهمــك . أهداء لسايس الخيل

أفضل, أهداء, الحيل, تفاصيل, تهمــك, ياساس, صوره

نزعل ونتكبّــر وحنا من الطيـــن
والكل منا . صــــدّ لا أقبل خويّــه .!!

نفخر نقول إنا على الصد قاوين
وهــــي علينا . في الحقيقـــــة قــــويه .!!

نشفق على الطيبة و كسب . الكريمين
وهذي بنا لاشك فعــــلة رديـــــــــه !!

ننسى نهايتنا وعلى وين ماشيــــن
وننسى الزمان . اللي . جمعنا ســـــــويه !!

المشكلة ماهي بـ حاجة لــ تخمين
ولاهي بعد ياناس . صعبـــــة القضيـــه !!

دق الرقم : كيفك هلا فيك . وأهليــن .
أنــا الخـــوي . اللـي مـــــزعّــل خويــــه !!

قلّه : تغيب . وصـــورتك داخل العين
ويبقــى لـ حبك . في خفـــوقي بقيـــــــــــــــه !!

أخوان حنا . لو . يجي بيننا . شيــن .
و مانفتـــــــــــرق دام المحبـــــــة . نديــــه !!

خلك قــوي . لاتحتــــكرك الشياطين
قبل الفوات . وقبل وقت . المنيــــــــــــــــه !!

كلّم خويــك بـــ اطيب الهرج . واللين .
وأعرف جميل الهرج . يمســــح . رديـــــــه !!

هذي . هي الدنيا من الحين لـ الحين
لابد . بين الناس . تحصــــــل . خطيـــــــــه !!

ومن لايقدّر غلطــــة أحبابه . الحيــن
يقـــــرأ حـــــروفي . ويعتبرها . هــديه .!!

باكر تمر سنين وسنين . وسنيـــــن
والــــــكل يرحـــــــل في الدروب . المـــــديـه !!

صدقني تندم وأذكر حروفنا . زين .
تندم على خلك إذا غاب ضيّـــــــــــــه !!

دنيا غريبــــة وأكثر الناس . ماشين
وكم صــــاحبٍ . والله دفنته بــ يديــــــه

وســــلامـــتـــكم
تقبلو مني أرق التحايا.

أخوك / أبوعبدالله .

ياأسير الاحزان هذي الأبيات هديه لك ولكل الي بينه وبين خويه مشاكل

انتظر ردك ياأسير الاحزان

_______________


مجاراه من الشاعر : محمد الرويلي للشاعر أبو عبدالله !!
((( حي الجواب )))


[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
حي الجواب وحي من قالو أميـن=على عشيـر قـال خذهـا هديّـه
يقول في قولـه كـلام وعناويـن=ويرسل جروحه في قصيده عليّـه
يشكي من أطباع البشر والمساكين=واحوال صارت في بشرنـا رديـه
صحيح قولك صـادق بالبراهيـن=والشاهـد الله بالقضايـا قضيـه
والحل كان الحل ينفـع مصابيـن=قلته وفي قولك حـروف الوصيـه
العن ابليسك مع جميع الشياطيـن=وكلم وحط العـذر وعـدد خويـه
من شان تنسى للزعل يابو حسين=وتصفى قلوب ٍ من بلاهـا سويّـه
والمعذره لو قصر وصفنـا زيـن=وارجع واقول المعـذره بالخطيـه
ان اشهد التقصير فينـي دواويـن=وحالي غدت مابين هـذي وذيّـه
جالس تخبطني سمـوم البراكيـن=والموت ليت الموت يجيب المنيـه
من شان شرهاتك علي وسمها بين=وردي تأخر ماوصل لـك مضيـه
واحترت كني من ورى ديرة الصين=جالس وضـاع داخـل المهمهيـه
لك يا عزيزي ترتجف لك موازيـن=وتمشي لاجل مرضاك مية سريـه
أمر بغير الرد نمشي علـى الديـن=لو كنت فوق النجم عنـد الثريـه
ياصلك مندوبي وخلفـه ملاييـن=وأبشر بعز ٍ مـا يضايـق خويـه
وصلاة ربي عداد من قالـو اميـن=علـى نبـي ٍ هـو قبـل للهديـه [/poem]

رد الشاعر : محمد بن معيذف الرويلي

-----------------------------------

رد الشاعر سايس الخيل :
هذا رد مني على قصيدة الاخ محمد الرويلي اتمنى ان تحوز على رضاكم واعجابكم


ام با النسبه للاخ ابو عبد الله فقصيد ته منقوله وهي قديمه


مع العلم ان القصيد ما يزعل والي يزعل من القصيد ما هو شاعر

وستثارة الشعار ليسة كبر
اخي ابو عبدالله

فا المعروف ان الشعر اثاره واستفزاز




[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=3 line=1 align=center use=ex num="0,black"]
بــدع الــقـــوافــي وأخــتــيار العـناوين=ونــضـــم القــصــايــد كـلبوهافي يـديه
ولاصــارو العـــالــم عــلي مـتواصين=اقــف ووقــفــهــمـ وانـا مـا عـلـــــيه
انـكـنـها با الـعــزحـــنا عــــزيــزيــن=حنــا ســــيوفٍ با الـــمعارك نـــــديه
نشرب من الدم الحمر با الشـرايين=يوم المــراجــل ما تجــي با العطيه
كـنا ولا زلــنا على الطيب ما شين=ما يهـــزنا ياصاح خــوي وخــــويه
وانا لحــالي قــدمكم ادك المياديـن=واخــذ جــــزيل القـول وترك رديـه
انكــانكم جيتو وعلى الخير ناويـن=يامــرحبا ومن جا يا الله ان تحــيه
وانكانكم مجنن وتبون المجــانين=نفسي على دروب المــجنه جـريه
امشي مع المجنون ولاأقوله وين=وآرد واصــدر ما حســبت لســـريه
وانكانكم فـ الشر عصبه وقووين=نفسي على شـــر العصــابه قويه
في شرعها والحق العين بـ العين=غصــب ورضــى مع صـح وايضا خـطيه
والكبر ما هو طبعي لاكنّه الحين=اشـــد حــبل الكبر ما ارخـي يديه
اما نجي عند الخلايق سوى سين=ولا على قــبوركم تصـيح البنيه
والخاتمه صلو على سيد النبيين=محمد المرسول لكـــل الـــبريه[/poem]

تحياتي

سايس الخيل و شاعر الجيل


رد الشاعر محمد الرويلي :

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
الله لا صارت مشاغلـك دربيـن=درب أهتمام برد والآخـر خويـه
والمعذره توي قريـت العناويـن=وجيتك وعذري يسبقه في مضيـه
مشكور ياشاعر تجاوب على الزين=واعيدها مشكور على السرمديـه
ومدري اجاري قافنا واردعه ليـن=غصب يتساير وسط الافكار ضيـه
ويصبح سلس منساق بليا تلاوين=من هو قرا ياصاح حرف الهديـه
متسلسل الافكار خالي حشو سيـن=متكامل وبنظمـه تـرى جاذبيـه
قلي اعيده وقف والشكر طاريـن=ولا اعيـد رد وتعـيـده علـيـه
لين الملا تطرب بنظـم المجانيـن=ويلقون انجذاب ومتعتـه دابريـه
كانك تبي فيني تسلي بنـا العيـن=وتطرب بها نفسـي ميـه بميـه
وافين نمشي في خطانا على الطين=لامانتلخبـط بالمـراح ومجـيـه
هذا بعد ردك قطفت الثمـر تيـن=وعطيتك المحصول وعذري وصيه
ندحت علمك سالك الدرب من وين=جمعتنا والقصـد عليـه دامريـه
كتفتنا بالسكـت واشعلتهـا بيـن=من هو قـراك تنقـزه شوشليـه
يصيبه بنفسه حماسـة شياطيـن=حرفك بنقشـه مبـدع السامريـه
ياللي جنيت وجبتنا منعمي شيـن=اعميتنـا مـن زينهـا جرهديـه
ضايع بك الشاعر وضاعت عناوين=منك ومن اسبابك شكى من بليـه
خليتنا نحتار ونشكـي مجاريـن=وشتت فينـي موطنـي بالشقيـه
بكيفك غدت من تالي وفيك راضين = أنت اللذي آمر تدلل عليّه
لا يهمك الغادين واللي منادين = لد الفكر يمي وركز هنيـّه
والوضع من عندك وانا مسامحك زين= لو كنت مخطي والوهم فيك كيـّه
لاجل افهمك وافهم بالعلم تبين = اللي بلاني خاب بليس القضيه
محلا جموعك في قصيده ترانين =موقف ومعنى مكتمل بالقويه
اطربتني والله شهيدٍ وسالين =والظاهر انك خابر الشاعريه
عاذرك ومعذر لك الحين بالحين = واقول شاعر وانشغل من خويه
شاف الرجال وقولهم زين في زين= مقصودهم منظومهم والوصيه
وشدو بك علوم ثمينه بتدوين = هزوك في فكرك وحصلبك خطيه
خلوك في نفسك تعيده وناسين =راح الوثوق بنفسك وحام زيه
وجيت ونسيت انك تعديت دربين =هموك منهم شلت بالتمتميه
تمتمت بعد العلم مجروح دارين =محد غصبك بقولك الشاتليه
جمعت ماقصرت كل الدواوين =بالزين مع شر وعصابه ومنيه
عجبتني يومك فتحت الميادين = هذي مراجل مابها شك بيه
لكن ابي تنشد بعقلك سؤالين = فعلك ومن فعلك شكى جاهليه
هو صح ماسويت او فيه تخمين = جيت الرجال وابتليت البريه
وكانك تشوفه صح لله شاكين= بلوه علينا والصبر قابليه
بعلم الخلان واشكي وآمين = يوم الخلايق تبتليك بخطيه
وصلاة ربي عداد الـف وملاييـن=على المصطفى محمد شفيع البريه [/poem]

تقبلو تحيات شاعركم

أسير الاحزان

---

ikJJh dhshs hgodg > w,vi Htqg l[jlui jthwdg ,hauhv jilJJ; > Hi]hx gshds hgodg