الموضوع: الــــــــــــــــــــــــــــــــــــوداع

[poem=font="Simplified Arabic,4,black,bold,italic" bkcolor="transparent" bkimage="backgrounds/16.gif" border="none,4,gray" type=1 line=0 align=center use=ex num="0,black"]
يا شين دنياً همها يفجع قلوب =يسرق من الرجّال فكره وشوفه

يقطعك يا دمع ٍ طغى واغرق الثوب =لافيك لا رحمة ولابك مروفه

أهون على المعطوب لو مات معطوب =ولا يعيش بحسرته وسط جوفه

دام الـــوداع بكل الاحـــوال مكــــتوب =ترى دموعك يالعيون مْخلوفه

المشكلة ماهيب في فـْراق محبوب =مادام اهو حيّ ٍ وتقدر تشوفه

الموت فرقى واحد ٍ عنك محــجــوب=يغيّب عليك الموت صوته وشوفه

كم واحــــد ٍ حبه على الكبد مصبوب =لا فارقك ماعاد عقبه حسوفه

وكم واحــــد ٍ حــبه سواليف وكذوب =له ذمة ٍ تكفي جحافل حلوفه

رضعت من ثدي الشقا همّ محلوب =واقفت حياتي بالهموم معسوفه

يا نفس لا ترمـــــي معزبك بالطوب =ما دامك انتي عارفة وش ظروفه

مالي مع المقفين حاجه ومطلوب =عّزيت نفسي وارتضيت النكوفه

خوفي أجي والنفس مليانه ذنوب =في يوم ما يشفع للانسان خوفه [/poem]