الموضوع: آلوداعيـه

[poem=font="Simplified Arabic,4,black,normal,normal" bkcolor="transparent" bkimage="" border="outset,4,gray" type=1 line=0 align=center use=ex num="0,black"]
روحي بامان الله دربـك تساهيـل= حـبٍّ بديتـه اتركـه باقتنـاعـي
روحي مثل حلمٍٍ طرا تالـي الليـل= ثمٍٍٍّ نسيته بعد ما اصبحـت واعـي
امن اولٍ والقلـب يغليـك بالحيـل= لاجلك رضيت بعزلتي وانقطاعـي
ومن اولٍ مارضى بك القال والقيل= ياويل من يطريك بالشـرّ ساعـي
اليوم غير الأمس جمله وتفصيـل =دربٍ جمعنـا ينتهـي بالوداعـي
كلٍ بدربـه راضـيٍ دون تعديـل= وصعب التلاقي في طريق الضياعي
مقدر على حبٍ به الزيف والميـل= حبّي وضوح ولا لبست القناعـي
ولا اقدر على حبٍّ يذلّ الرجاجيـل= ولا نيب من في الحب يلوا ذراعي
ارفع مناحيها واجنّب عن السيـل= وابحث عن اللي قلبها لي يراعـي
حبٍّ أصيلٍ معدنـه لمعـة سهيـل= ما يرتجي مطمع ولاهـو مشاعـي
يعرف سمو الحب عن اي تمثيـل= ما يهتني بالنوم والحـبّ واعـي
حبٍّ بـلا ايثـار خدعـه وتظليـل= ما يستمر الحـب دامـه صناعـي
غرّك هل التطبيل في كـل تبجيـل= ماعاد لك في صاحب الصدق داعي
يا ما تحمّلتك ابـي بعـض تدليـل= لكـن اشوفـك ناويـه بالخداعـي
روحي مع النسيان ذوقي من الويل= من بعض ما ذقته وانـا بالتياعـي[/poem]

وسلامتكـم: آخوكم سلطان الروقي

---

Ng,]hudJi