الموضوع: أرجو الدخول من الجميع أتمنى مشاركة الجميع

الجميع, الخيول

خلونا نتكلم بصراحه وبدون زعل أوخجل لأننا أمام مشكلة كبيرة ولن نغرس رؤوسنا في التراب في هذا الوقت كثر ( الترقيم والمعاكسات بين الشباب والفتيات بشكل كبير . وكل واحد منهم يلعب على الثاني إذا جلست مع شباب كل واحد في يده جوال وماسك له زاوية ويكلم ( حبيبته قابلني كانه يحبها ) وخذ من الكلام الحلو ( أحبك أموت في التراب إللي تمشين عليه .

عمري بعد ما أسكر الخط ،، طفي جوالك ،، طبعاُ علشانه يغار عليها ؟ والصحيح إنه ما يثق فيها ؟ أنا أجلس مع شباب والله العظيم إذا كلم واحد منهم حبيبته كأنه حرمه جايها ( الطلق ) من كثر ما أسمع آهاته وروحه بتطلع وياليت إنه صادق أول ما تسكر الخط هالبنت تلقاه يكلم إللي بعدها والهدف واحد إنتم عارفينه . وبالنسبه للبنت نفس الشي ،،، وش وراها قاعده تعلب عليه وتقوله إنت حبي

الأول والأخير . وهو العاشر والمليون ؟ وإذا كانت ( مطفره يعني على قد حالها ) تدق دقه وحده ؟ وبعد الكلام الحلو ( تقوله عمري جتني فاتورة الجوال بس بألف ريال ( 1000 ) وأخينا إللي مسوي فيها ( حبيب ) بتشديد الباء ) ماراح يقصر حتى لو إنه طفران راح يتسلف لأنه كاذب عليها وقايلها إنه ساكن ( بحي النخيل أو المروج أو المحمدية ) المهم حي التجار . وخذ من هالسواليف

إلين تجي فاتورة جواله ثم يبدء بالشحاذه من الربع كله علشان ( الحبيبه ) والحبيبة ماجابت أمره وتكلم غيره وتسحبه على وجهه وهكذا كله يلعب على كله . وأنا مايقهرني ويخلي ضغطي مرتفع إلا إذا قعد هالحبيب يمدح نفسه ويقول تصدقين ياحبيبتي إني وأنا في سوق ( صحارى الرياض ليست دعاية ولكن هو الجديد لأن العقارية للمغازلجية الكبارفي السن يعني إللي جت مراهقته متأخره ،، حبتين )

المهم يقولها وأنا أتمشى في السوق ما شفت لك إلا هاالبنتين إلا لازقين وراي في كل مكان وبالقوة يبون الرقم وطبعاُ ما عطيتهم وجه ) أخونا من هالكلام يبي يرفع ضغط البنت علشان تغار عليه ؟ والبنت طبعاُ راح تبين له إنها تغار عليه وتقوله خلاص السوق ما راح تشوفه بعد اليوم وهي ( كاتمه الضحكه ) لأنها تعرف إنه هالحبيب حتى لو كان وسيم موت ما يمثل لها أي شي سوى ( صراف آلي

متحرك ) أما إذا كان ( شين ) ماراح تفرق معها أي شي أهم شي الفلوس وسيارته تكون كشخه علشان تفتخر قدام صديقاتها ؟ بصراحه الموضوع طويل لكن هذه إختصار بسيط لما يحصل الآن بين الشباب والفتيات وكله بأسم ( أجمل كلمة في الوجود الحــــب ) وأنا أعرف شباب والله إنه ( دجاجة صقعا ) قدام حبيبته ما يرفض لها طلب ( لاتسافر ،، لاتروح بأهلك للسوق ،، لاتمشي مع أصدقائك إللي

يرقمون،، نام بدري ،، خذ يا آوامر إلين هالمسكين ماعاد يقدر يفارق البيت طبعاُ طاعة للحبيبة ،،، حتى لو خسر أهله وأصدقائه كله يهون علشان الغالية ،، وهالمسبوه ،، حبيبته ما خلت منتزه في الثمامة وما خلت سوق ولا ملاهي إلا وراحت وإذا إرجعت للبيت معها ( ثلاث طعش ألف مليون رقم 055 و054و053 أما 052 ماراح تأخذه لأنهم يقولون إنه ( جوال العمال ) والثابت 46 و453 و

454 و49 و أما مقسمات:40 و42 و430 وغيرها من مقسمات ( الجنوب والجنوب الغربي المظلومين ) ما يصلحون ) مع التحية والتقدير والأحترام لجميع سكان الجنوب والجنوب الغربي وهم أهلنا منا وفينا .

من ايميلي

وشراي الشباب والبنات؟

---

Hv[, hg]o,g lk hg[ldu Hjlkn lahv;m hg[ldu