الموضوع: لاااااااااااااااااااا للورعان في عالم الكمبيوتر

الكمبيوتر, عالم

يبه ابي كمبيوتر
_ اها بس اقلب جهك مالقينا الي ناكل فيه بجيب لك هالبلا بعد
_ يبه كل اخوياي عندهم كمبيوتر و انا ماعندي
_ اقول رح ذاكر لا اقطع هالعقال على ظهرك

طلع وجه من عند ابوه و قالبن وجهه من القهر و شايل في صدره حقد على ابوه و في قلبه يقول الحين لوني يتيم و ماعندي ابو اقدر اجيب لي كمبيوتر و ادشر عليه مع اصحابي اجل محمد ابو راس متعرف على خويته على الكمبيوتر و انا الي كلي ملح و قبله ماعرف احد غير وجه امي و بعد ما اشوفه الا بالغلط اذا رفعت برقعها و دخلت فجأه عليها

جلست انا كل اليوم أفكر و أفكر و أفكر كيف أقنع ابوي يجيب لي كمبيوتر يااربي ابوي يحب العلم لو بقوله ان المدرسه طالبينه بيجيبه لي هااه لالا اخاف يروح يسأل في المدرسه ثم ابلش اذا لقى المدير و قاله ولدك ينصب عليك عاد مديرنا مليعين يحب الشر و الفضايح لو ابوي حشرني في الفصل بالعقال و الله ليصورني و يهددني بالصور يا اجيب له اسرار الفصل والا بيفضحني لاحووول اجل وش بسوي مع هالابو ايبييه لقيتها مالي غير برنامج الاتجاه المعاكس اقول لابوي عنه و هو الي بيخلي ابوي يجيب هالكمبيوتر و اصادق وحده تسفط بخوية نوافوه ابو راس

جلست اسبوع أخطط و أعد العده لابوي الين كملت الفكره في راسي و لبست اكشخ ثوب عندي و الشماغ و العقال وجبت الموس وأحدد في شنب وجهه يمكن يطلع شي علشان أثبت لابوه انه صار رجال و بلغ و صار عمره قرن وسنه و دخلت على ابوي بالمجلس وهو ينصب على العائله الكريمه <-- قليل أدب يسوي ولد الجيران مو من العائله.

_ خير ياوجه النكبه وش هالترزز وين رايح مع هالظهريه
_ ابد الله يسلمك لازم الواحد يهتم بالمظهر العام الخاص فيه علشان يحسن صورته عند العالم
_ والله و الطل قم افرك رجلي مامنك فايده الا الاكل انت و مرابدك
_ يبه شفت اخر تطورات الاتجاه المعاكس
_ هاه بشر وش صار حررو فلسطين في هالبرنامج الي كله هواش
_ لااااا وين انت قديم الحين صارو يسبون العوائل السعوديه و تراهم سبوك
_ مايخسى الا هم و انا ابوك وش قالو و انت يالرخمه تسكت عنهم ليه
_ ماسكت عنهم علشانك و قالو بنزوركم و نشوف اذا ابوك تغير او لا
_ وش اتغير فيه جعلك المرض
_ يقولون ان العوائل السعوديه متخلفين و مايعرفون التطور لانهم يمنعون عيالهم يدخلون الانترنت ولا يشترون لهم كمبيوتر و انا قلت لهم كذابين ابوي متطور و جاب لي كمبيوتر قالو بنزوركم و نشوف علشان كذا جيت اقولك لا يشهرون فيك قدام الله و خلقه
_ الله يخسك يا وجه البومه قم جعل تقوم عليك القيامه خل نشوف الحراج نجيب لك هالكمبيوتر بسرعه لا يجونا الحين
_ ابشر طال عمرك


طلع الشاب وجه هو مبسوط اخيرا جاب هالكمبيوتر و حقق مراده اييه يا وجه ذكي و قدرت تلعب على ابوك بسهوله و الله منت بهين خلاص الحين البنات بيطيحون عندي و بلعب لعب عليهم و جوالي ماراح يسكت من الاتصالات و كل وحده تقول يا حبيبي كلمني يوووه لا وش بغيره بقولهم اسمي وائل او محمد علشان اذا دلعوني يقولون حمودي حبيبي اييييييييييييه يازين الدلع الي كذا

بدت حياة وجه مع الكمبيوتر و شبك الانترنت و صار حياته ليل و نهار و مايتركه و اكله على الكمبيوتر اذا قالو له اهله ذاكر قال انا اذاكر على الكمبيوتر ماتعرفون التطور يطلع من شات لشات ثاني و من بنت للثانيه تعلم على الماسنجر و حاط صورة ياسر القحطاني و يقول هذا انا و عمري 23 سنه و هو ماتعدى عمره37 اذا لعب على البنت و شبع و بغى يغيرها قالها اعذريني حبيبتي انا بسافر امريكا ادرس و بعطي ايميلي اخوي الصغير و دور وحده دلخه ثانيه

كثرت علاقاته مع الناس و تعرف على الهكر اشكال و انواع و علموه كيف يهكر على الايميلات و المواقع متى ماحس انه طفشان سرق له ايميل و ذل صاحبه علشان يرجعه له

في يوم وجه و قرر يسرق ايميل خويه محمدابو راس <<< ماله خاتمه , و بدا الشغل عليه بأسم بنت و يرسل له صور علشان يكسب ثقته و بعد مجهود ارسل له رابط و قاله ياحبيبي اقبل هالرابط و بحسن نيه قبل محمدهالرابط و طار ايميله و ماوقع الا في جهاز وجه بدا يفرد عضلاته و قوته انه مافي احد مثله خلاص صار زعيم الانترنت و ياويل الي بيقول شي بتكون نهايته و صار يشوف نفسه شي كبير مانقصه غير كرسي من ذهب و يصير ملك

بعد فتره بدا وجه فرد عضلاته على كل شخص بالشات يحاول يقوله شي و اغلبهم يبون يتقربون منه خوفا منه مايدرون انه بزر و مسمي نفسه هكر السعوديه الين جا يوم و جته بنت تبي مساعده قام يفرد عمره عندها و يتفاخر بالي سواه في حياته و يعدد لها كم ايميل سرق و انه مايعطي البنات وجه و انه مو راعي علاقات و مايخترق ايميلات الا الناس الي تستاهل يبي يشبك البنت الاخ و بالفعل صار الي يتمناه و قدر يشبكها شاف دلع منها ماشافه في بنت خلته يحبها غصب عنه

كل يوم يكلم وجه لبنت و مايمر يوم الا قبل ينام يتحلم احلام ورديه بالبنت هذي و انه مزفوف عليها و ماسك يدها يقولها احبك << بزران اخر زمن اكثر من مره يطلب رقمها و ترفض بحجة اهلي و اخواني زعل عليها و ابتعد عنها يبي يتغلي و بالاخير رضحت البنت له و عطته رقمها و طارعلى اقرب محل جوالات و جاب سماعة تغيير الاصوات لان سماعته الي كان يستخدمها مع البنات قبل انكسرت و بدت مكالماته مع البنت و بدا الحب و الغزل و النصب اجل اسمه وائل و عمره 23 سنه و في كلية الطيران <<< نعنبو بليسك 24 ساعه على الانترنت و تقول في كلية الطيران

مرت على علاقته شهر كامل مع هالبنت تشجع و طلب منها صورتها رفضت بسبب انها تخاف تنتشر صورها بالنت بس وعدها و حلف لها انه بيحميها و ماراح احد يشوفها غيره يكفي انها هي الي ملكت قلبه و صارت حياته كيف يضر وحده يحبها قالت له طيب بكره في الماسنجر بحملها لك على موقع و اعطيك اياها <<ما افدغ منها غير هالرخمه اجل صوره تحملها على موقع و ماتبي احد يشوفها

في اليوم الثاني جلس وجه عل اعصابه الين دخلت حبيبة قلبه و طلب منها الصوره و عطته رابط الصوره ضغط عليه بسرعه يبي يشوف هالبنت الي هبلت فيه بس ماحس بنفسه الا جهازه مقفل لاحووول هذا وقتك جاه منا و منا مافي فايده رافض يفتح معه طلع من البيت بسرعه و هو معصب لان حبيبته تنتظره على وراح اقرب محل كمبيوتر عطاه الهندي و طلب منه يصلحه بس صدمه ان الجهاز احترق بسبب فيروس مستقبله ما امداه يصحى من صدمته الا جواله يدق و رد بسرعه الا هو صديقه محمد ابو راس وقاله

وجه النكبه وائل يالرخمه اشبع في جهازك المحروف انا البينت الى سحبتك وفجرت جهازك بدال ايميلي الي سرقته ياهكر السعوديه

النهايه

في هالفتره انتشر عندنا سرقة الايميلات و المصيبه الي يسرقها هالبزران الواحد كل ماحك راسه شراله اهله لاب توب و بدا يتعلم علينا الهكر و مايتركون ايميلاتنا في حالها غير البنات الي يسوون معهم قصص حب وهم كذابين و هالغبيات مصدقات ان فيه حب مع هالبزران صار الانترنت ينعاف منهم و اذا قلت لهم شي سوو ضدك حمله و هواش متى بيكبرون الله يمحاهم من النت و يفكنا من شرهم .

---

ghhhhhhhhhhhhhhhhhhhh gg,vuhk td uhgl hg;lfd,jv