الموضوع: خل الطواري على ماجت توديني&&&&&بالصبر أبدرك مرادي فوق غاربها

السلام عليكم ورحمة الله وبركاته




قصيده متواضعه اتمنى ان ترتقي لذوق من تفضل بقراءتها







الهـم والغـم والحرمـان واسنينـي
ضدي حليفه وانـا تهـت ابغياهبهـا


حتى الشعركنت احسب انه يسلينـي
واثر التسلي علـى الآهـات يتعبهـا


لـولاي رجـلٍ قفـل سـده بقفلينـي
بـان العنـا فـي عيـونٍ ماتغيبهـا


عزالله ان الحـزن متوصـيٍ فينـي
من كل نوع وشَكل جتنـي ركايبهـا


اهلن هلا مرحبا بالضيـف واهلينـي
راعي محل واستلم روحـي وغلّبهـا


انا ادري انك لقيت المخـدع الزينـي
وسط الحنايا ولذيـذ النـوم تسلبهـا


دجت الخلايق ولا حصلت هالحينـي
غيري وانا راضيٍ وابشـر بواجبهـا


يااسير خـل الحكـي مابيـك تنعينـي
ولاجيتك أندب على حظوظي واعاتبها


القلب رابي على العسـرات والبينـي
والنفس دايم على الصعبـهَ مدربهـا


يامـا خذينـا مواضيـع وعناوينـي
من دنيـةٍ لاقبلـت ورتـك عاقبهـا


خل الطواري على ماجـت تودينـي
بالصبر أبدرك مرادي فوق غاربهـا


واطـى وجيـهٍ ذليلـه ماتدانيـنـي
واحد سيفي وانـا بحسـن شواربهـا


الوقت مهما قسـى لابـد لـه لينـي
والفال دايم مع المومـن وصاحبهـا


هذا كلامي وانـا عنـدي براهينـي
قولة رسول البشـر وقـرا مكاتبهـا


ودام الامـل باقـيٍ فالـرب يغنينـي
عن حاجةٍ في يدين النـاس راغبهـا


يالله انـا سائـل انــك لاتعنيـنـي
عفوك ولطفـك إلهـي دوم طالبهـا

.