الموضوع: مـصـبـاح عـلاء الـدين الـسـحـري ( مع حل الالغاز )

مـصـبـاح, الالغاز, الـدين, الـسـحـري, عـلاء

السلام عليكم

اعزائي شعراء واعضاء هذا الصرح الشامخ احب ان القي بين ايديكم هذه القصيده و اتمنى ان ترتقي الي مستوى بنات افكاركم الشعريه





شاعرا تل القوافـي فـي الليالـي السرمديّـه

ناشد عني تراني من بنـي عبـس وهلالـي

ارجـع لذبيـان والله وبـي عروقـا باهليّـه

ومرتشف كاس الكرامه من بني خزرج خوالي

يعربي الاصـل فينـي تشتعـل نـار الحميّـه

ثائرا عقلـي وفكـري مانـي بدالـه وسالـي

ايه هبّي يالهبايـب صحّـي جمـر الشاذليّـه

ايه هبّي يافديتك من جنـوب ومـن شمالـي

يابنـات الفكـر قومـي والعبـي بالسامريّـه

ضايقـا صـدري بغنـي. يالالـه يـالالـي

وثارت لحون القوافـي بالغصـون العسجديّـه

وراح طير الشعر يغـرّد بالقصايـد بالتوالـي

وابتليت وصـرت كنـي بالعصـور الجاهليّـه

وشفت لي مصباح مرمي بالخلا مصدّي وحالي

ياعلاء الديـن والله شـف مصباحـك بيديّـه

قمت احكه ثم طلع لي مـاردا واقـف قبالـي

وارتبشت وقمـت اتمّتـمّ بالآيـات القرآنيّـه

والبلا من كثر خوفي قمت الخبط فـي مقالـي

قال: انا عنفر ولـد كنفـر سليـل الديلجيّـه

ماردا شايب ولي قدرة بعـد وقـت الزوالـي

وانـت تآمـر يافديتـك والاوامـر عسكريّـه

وآبك انا رهن الاشاره وانت تآمـر ياحلالـي

قلت: ابي اجمل بنيـه منـذ خلـق البشريّـه

مالها بين العذارى من شبيـه(ن) بالخصالـي

قال لي هـذي بسيطـه حلهـا سهـلا عليّـه

خابر(ن) كـل القرايـا بالسهـول وبالجبالـي

من بني عامـر تسمـى بالهنـوف العامريّـه

شاعـره بالشعـر والله ماتهـاب وماتبـالـي

وجاب لي سجاد(ن) احمر من صناعة شيرازيّه

وقال لـي يـلا فديتـك قـم نـروّح للغزالـي

ثم وصلنا في ثواني في طـرف نجـد العذيّـه

قال شفها وآبك شفها جالسه تحـت الظلالـي

وارتجلت وجيت يمها امشـي شويّـه شويّـه

قالت: اخلص هلّ قافك مانبي كـود الجزالـي

قلت انا ابجّـد وهـوّز حطـي كلمـن يابنيّـه

ايه حطي ابجديـات المشاعـر مـن خيالـي

شعشع النور بشعاع الشمس واشعل بالعشيّـه

ثم ششت وشاش شيطاني وشلت ثـم شالـي

ياسـلام الله سـلامـا يكتسـيـه العنبـريّـه

من ورود الشام فلّ ونرجس(ن) غالي لغالـي

بنشـدك يابنـت والله بـس كونـي منطقيّـه

والاجابـه قدرّيهـا طالبـك قـد السـؤالـي

( وش جرى بفارس وكسرى والملوك الساسانيّه

يوم خار ايوان كسرى في حدى سود الليالـي )

( وبنشدك عن شجاع القوم في عيـد الضحيّـه

جاء لموته قال والله انت بـن عمـي وخالـي )

( وبنشدك عن عبدا اسود في العصور الامويّـه

شهرته فاقت ملوك(ن) تحتها عبيـد وموالـي )

قالـت الـرد بيجيك.لاتـروح اقعـد هنيّـه

هي ثواني بـس ثوانـي او دقيقـه بالكمالـي

مادريـت الا المـؤذن يـذن بنبـره شـديّـه

ويسدل ستار الروايه وينهي اطراف الجدالـي

وانفجعت وقمت افكر وش حصل وش صار فيّه

واثرني في وسط غرفه جالس اهوجس لحالـي

والعبيـوي تـلّ قافـه بالليالـي السرمـديّـه

ياسـلام الله عليكـم ياهلـي يـاراس مالـي


وسلامتكم



--------------------------------------------------------------------------------

اخواني الاعزاء عندمااا القيّت القصيده لاول مره طلب مني عدد كثير من الاخوه تفسير الاسماء والابيات

المبهمه وهي ليست مبهمه لمن لديه درايه بعلم التاريخ فاحببت ان اطلعكم عليها



عنفر ولد كنفر الديلجي : اسم مارد من مردة الجن وهو من وحي الخيال ليس الا



وش جرى بفارس وكسرى والملوك الساسانيّه
يوم خار ايوان كسرى في حدى سود الليالـي


وذلك عند ولادة المصطفى عليه الصلاة والسلام اهتز ايوان كسرى وانطفأت نار المجوس



وبنشدك عن شجاع القوم في عيد الضحيّه
جاء لموته قال والله انت بن عمي وخالي


وذلك هو اسماعيل بن ابراهيم عليهما السلام حيث واجه الموت ببساله وسمّي بالذبيح



وبنشدك عن عبدا اسود في العصور الامويّه
شهرته فاقت ملوك(ن) تحتها عبيد وموالـي



وذلك هو العالم العلم الشهير عطاء بن رباح كان عبدا اسود من الرقيق ولكن بعلمه استطاع ان يكون اعز واشهر من ملوك الارض جميعا





وسلامتكم

---

lJwJfJhp uJghx hgJ]dk hgJsJpJvd ( lu pg hghgyh. )