الموضوع: ( كيبورديه ياوقتنا ) اهداء لفيصل

يا صاحبي حالي شقى الوقت يطويه

قبل تعرف وش فيه نصيحتي تب

وان كان قلبك دالهٍ لا تشقيه

واياك لا تشقيه كان الشقى حب

دار الزمان وبين اليوم مخفيه

لا يازمان الغدر وش باقيٍ جب

كنا نخاف الصد واسباب تطريه

وصدٍ بدون اسباب والموت في درب

درب جمع بالحب قلبين ما أبيه

عفت الدروب ان كانها علة الطب

واللي يحب اليوم بأقول عزيه

عزاه له حبك صفا وانحسب ذنب

ياليت به قلبٍ على السوم واشريه

ومن باعني بعطيه فوق الثمن قلب

وارتاح من قلب همومه تعبيه

عباه همه لين من عرقه انكــــب

ياليت ثم ياليت لوليت ياهيه

تنفع لاردد ليت صبحٍ ومغرب

ياوقتنا والعيب يافيك او فيه

خلِ حكى واشوف في كلمته كذب

والا يكون العيب بالقلب وانهيه

يمكن يكون العيب بالقلب لا حب

أحترت لكن عارف الحال يرثيه

يرثي بيوتي كود بيته لي الطب


وسلامتكم