الموضوع: بدر بن عبد المحسن

المحزن, بدر, عبد

[align=center]هذي مجموعة قصائدللمبدع ا لشاعر الأميربدر بن عبد المحسن ال سعود[/align]


[align=center]((ارقام ))[/align]

[align=center]في آخر الصفحه يسار
خبر صغير حادث قطار مات أربعة
مكتوب في السطر الأخير
باقي التفاصيل في الصفحة العشرين
على الثرى وبين الورق
أجسادهم امقطعة
الأربعة لجل المساحة ماتشيل
وفي باقي الصفحة صور
فنان وحصان و كور
وابحث عن الخبر الحزين
في نهاية الصفحه يمين
حادث قطار
ماتوا ثلاثة وطفل
وباختصار شديد شديد
كان القطار هو الوحيد
اللي بأسم
بلا ملا مح أو أسامي
ليه كلنا نموت
ليه نهمل الجثه
ونتذكر التابوت
لأقدامنا صوت
من يسمعه
من يسمع الأقدام
هم مروا من تحت الكلام
الأربعة
وصاروا أرقام أرقام

أنا رقم اصقه ضرير
المشكلة مثلي كثير
يجمعنا حب الهاويه
احلامنا انا نصير
وقاماتنا متساويه
نركض على ورق الحياه
لين ننمحي
المشكله مانستحي
إنا نمرّ
ماشافنا انسان
ولا سمعنا انسان
اكتبني يالنسيان
انا رقم [/align]


[align=center]((اه يا لجراح )) [/align]

[align=center]لا جيت أنا بــ سامحك
تبكي الجراح ما ودها
مشتاق ودي أصافحك
عيت يدي لا مدها.
آه. .يا لجراح راح اللي راح
وراحتي من يا ترى بيردها
يا حب ياذ كرى واسم
مدري انا ابكي عليك من العذاب اوابتسم
صدقني في يأسي نفسي تبي نفسي تبيك
لا يا دفا شمسي تبيك
ليه خنتني الله عليك
آه يا الجراح راح اللي راح
وراحتي من يا ترى بيردها
لا تحاكي عيوني يمطر سحاب الملح
ولا تلمس أشجوني ينبت في قلبي جرح
ناظرني يا خلي جرح انا كلي
وشلون أبـ ارضى الصلح
فصل الخريف حبي حزن وورق أصفر
.ودعني يا قلبيوخل العذاب أقصر
آه يا الجراح راح اللي راح
وراحتي من يا ترى بيردها [/align]

[align=center]((اوراق الزمن ))[/align]

[align=center][grade="FF1493 FF6347 FFA500 FF6347 FFA500"]ادفن يدي تحت الثرى
واسقيها من جفني ارق
يذبل مابين اصابعي
عشب و ورق
ادفن يدي فوق الثرى
يلفها برد وسموم
واحس بعروقي يبست
ما توصل عروقي الثرى
ولا تشرب عروقي النجوم
وينبت على جفني سهاد
يذبل ورا صدري الشجن
اشقق اوراق الزمن
وانام
في حلقي الليله جفاف
شربت أيامي ومضت
واللي بقى جرحي الوفي
في خاطري باب يرد
وسراج دوبه ينطفي
اغطي الظلمه بظلام
كل ما اشد اصابعي
على العيون المتعبه
جرحٍ ينام وجرحٍ شعر بي وانتبه
قام وتبعني لشرفة ظلمه بعيد
جاني يقاسمني السهاد جاني قصيد
ادفن يدي تحت الثرى فوق الثرى
واعيش انا بباقي يدي
نصفٍ يموت ونصفٍ درى انه يموت
يا سيدي ربي انا نقطه فـ بحر
علمني كيف اهوى الحياه
علمني كيف اهوى القدر
علمني بإماني اكون
يارب اكثر من بشر [/grade][/align]

[align=center](( الله يرد خطاك ))[/align]


[align=center]الله يرد خطاك لدروب خلانك
لعيون ما تنساك لو طال هجرانك
دام الأمل موجود فالنفس خضاعه
حق العيون السود السمع والطاعه

الله يردك لي يا مطول غيابه
يا معـذبي هجري مدري وش أسبابه
دام الأمل موجود فالنفس خضاعه
حق العيون السود السمع و الطاعه

ياللي بعدك اليوم نبكي على باكر
صبري عليك يدوم مادمت أنا فاكر
إن الأمل موجود فالنفس خضاعه
حق العيون السود السمع و الطاعه [/align]



[align=center]((انفاس ))[/align]


[align=center][grade="008080 00BFFF FF1493 00BFFF 32CD32"]يازين مافي العيون نعاس
والقلب مشغول بهمومه
اما معي نطرد الهوجاس
والا لك النوم وحلومه
هذي نجوم السما جلاس
وعيبٍ على العاشق القومه
لاجل الهوى عذبونا الناس
ومن بيح السد ما الومه
انفاسنا ماغدت انفاس
من حرها دوم مكتومه [/grade][/align]


[align=center](( أستبد ))[/align]

[align=center][grade="800080 FF1493 32CD32 FF1493 32CD32"]استبداستبد احيان
استمد كل هذا الظلم من ألمي
اتحد من راسي لقدمي
واضرب بعواصفي وبزلزالي
واهّدم الناس واهدّم بحالي
لين استرد بعض اثيابي من الريح
ولحمي من الشوك
وابتعدابتعد
واحيان ما املك العواصف ولا الزلزال
ولا حتى فـ الهجير ظلال
لكن استبداستبد باللي عندي
اضرب بيدي فـ الهوىبجبيني فـ الصخر
لين اتعب اتعبوانهمد
مثل طفل اضناه البكا والسهر
وانتي آخر ماأعد في عمري
واجمل ما أعد
اعشقي ظلم الغصون الخضر للحطاب
والجلد للأنيابوالجفن للسكين
اعشقي هـالظالم المسكين.
واتركيني انصهر في الشمس
والا ارتعد في البرد
لكن استبدواسترد اثيابي من الريح
ولحمي من الشوك
وابتعد ابتعد[/grade][/align]



[align=center]((الأربعين ))[/align]

[align=center][grade="FF1493 800080 FFA500 4169E1 00BFFF"]ادري ان الوقت يذهب ما يعود
اربعينٍ فارقتني يالعنود
ماطر الايام من غيم الزمان
ما يبل الريق لو مهما يجود
كم شربته صافيٍ بارد قراح
ما دريت ان الظما سر الوجود
كل شمسٍ تلمس اشجار العمر
تحرق الاوراق وتجف الفنود
وكل ريحٍ تدفع شراع العمر
ينقطع به حبل ويميل العمود
اربعين مرت وتوني صغير
انتظر لعل تصدق لي الوعود
والغريب اني على هذا مغبوط
ادري اني بخير لا شفت الحسود
الزمن يا بنيتي كله زوال
ما تخلد كود لحظات السجود[/grade][/align]
[align=center]((البدر.[/align]

[align=center]((انتي حلم ))[/align]

[align=center]انتظرتك عمري كله وانتي حلم
ومرت الايام والله وانتي حلم
ليه تأخرتي علي
توهي مره واسالي
كوني في غير الزمان والا في غير المكان
كوني عمري عمري كله
اللي باقي واللي كان
انتظرتك عمري كله وانتي حلم
كل نجمه شعشعت والقلب عتمه كانت انتي
كل حرفٍ حرك شفاهي بكلمه عنك انتي
وكل حبي اللي مضى والحب قسمه منك انتي
كانوا الاحباب ظلك بعض احساسك ونورك
ما عرفتك يوم كلك ياللي في غيابك حضورك
انتظرتك عمري كله وانتي حلم
هذا إنتي قولي والله إنه إنتي
وين غبتي ؟! عني هذا الوقت كله
وين كنتي ؟!
شيبت عيني طيوفك وما أصدق إني أشوفك
ياللي قلبي في كفوفك نقش حنا
وفي جديلك عطر ورد
آتمنى لو تكوني في فراغ اعيوني وعنى
وفي سموم ضلوعي برد
ليه تأخرتي علي
وما طرى لك تسألي
ليه نأخرتي علي وما طرى لك تسألي
إنتظرتك عمري كله عمري كله وانتي حلم [/align]


[align=center]((انتي اللي وحدك لي)) [/align]


[align=center][grade="FF0000 32CD32 FF1493 00BFFF FFA500"]كل الحرير اللي في الأرض
ما يلمس الجلد
وكل الرخام ما تاطى القدم
والعطر ما طال النسم
حبيبتي واغلى الجواهر جيد
وكثر الذهب والغيد
انتي اللي وحدك لي
حبيبتي تغار
والدر في المحار
والمحار في اليم
واليم في الأعصار
ومابه شعور اقدم
من لهفة البحار
ساعة يغيب النور
وفي الشط خيط اقصور
لبيت ومره صغار
جفت حروف الما
وباقي في صدري الملح
قومي إغسلي سفري
إن طال بي الترحال
كل المواني احبال
تربطني بعيونك
وشلون أنا اخونك
وأنتي اللي وحدك لي

((البدر. [/grade][/align]


[align=center]((أول الناس))[/align]

[align=center]اول الناس انتي وكلهم
وآخر اللي عيوني تملهم
لو تحبيني هذا يكفيني
اسكني عيني ونامي
انتي يانوري وظلامي
ياقمرهم كلهم
أعدل الناس وازينهم خجل
واغلى من الناس في وقت الزعل
واجمل اللي حصل لي وماحصل
لو تحبيني هذا يكفيني
(( اقول أحبك ))

قالوا حروفي عمي وعيونك بروق
مافي قصيدي جنح ليلٍ وبارق
قلت الذي له داخل ضلوعي حروق
أقرب من اللي في سما الناس شارق
غيري يشوفك وأجود الشعر مطروق
وأنا أحسـّك وأصدق الحب فارق
ياللي عيونك دم وعيونك عروق
ولهاث قلبٍ فـي نواعسك غارق
أقول أحبك يخرج البحر صندوق
تبرالغزاة وكنز سود البيارق
وأقول أحبك صدرالايام مشقوق
عن وجه غرناطه وعن مهر طارق
وأقول أحبك والله إني من الشوق
ألقا طيوفك في جميع المفارق
كتبت لك قلبٍ من القلب مسروق
ولا طاب لي وصفٍ من الوصف سارق [/align]



[align=center]((اغصان المساويك ))[/align]


[align=center]تجلس عجوز في اول السوق
وبين الشبابيك وتبيع السوالف
وأغصان المساويك
ومايخالف لو باعتني الحكي
الحكي غالي هــ الايام
مريتها ابي الكلام
قلت : ياخاله أنا
ان نسوني الناس زعلت
والى اذكروني الناس زعلت
صمتي وحروفي مبعثره
ضحكت وقالت :
لو عدلت سلمت قلب وحنجره
ماعطيتها فلوس على هذا التعب
وماريحتني من التعب
قمت وعلى عيوني غباش
مدت لي مسواك جديد
عييت
وقالت لي بلاش
ان كانت سنونك نظاف
حطه في جيبك ياولدي
يجلي محانيك الرهاف
من كل اأحساس ردي


[/align]





[align=center]((الخل العنيد )) [/align]


[align=center]تل قلبي تل طيرٍ على طلعٍ وكيد
جود المقرود سبقه وعيا يطلقه
يوم فاع اركى جناحه على قاسي الحديد
وانكسر ريش النداوي ولا الله وفقه
يكفخ القلب المشقي على الخل العنيد
ما وفا بالعهد لا شك قلبي صدقه
واهني اللي على الحول ينبت له جديد
وش سواة اللي جناحين قلبه محرقه
يا لطيف الروح وبحق خلاق العبيد
اكرم المملوك بالوصل والا فاعتقه[/align]

[align=center]((الاختيار ))[/align]


[align=center]ودي اختار الليله درب
ما تعرفه
ودي اجلس في مكان
ما يذكرني بصدفه
أو وعد
ودي أحكي يا حبيبي مع احد
غيرك احد
لجل النهار وحريتي
اعطيني لحظة اختيار
وحدي وغديت أنت الزحام
وحدي أبد وانت الكلام
نورك وما غيره ظلام
عذب الحروف طاغي الطيوف
أبعد عن عيوني بااشوف
لجل النهار وحريتي
اعطيني لحظة اختيار
ابي درب مايوصلني لدارك
ابي وعد ماحتمل فيه انتظارك
وابي ليل مايجي بعده نهارك
ودي ادري هي حياتي
اختياري أو اختيارك
ودي انسى ليله وعدك أنسى وعدك ماأجيك
وش يضرك لواخونك مره واختارك عليك[/align]







[align=center]((أجمل الحزن ))[/align]



[align=center][grade="800080 FFA500 FF1493 00BFFF FF4500"]يا اجمل الحزن لدموعك سلام
من حبيبٍ . بقى منه الكلام
وين انا منك غربني الزمان
وخانني النور . وابعدني الظلام
لو بعزيك . سالت دمعتي
تدري الدمع في حبك . حرام
لو بواسيك . مايكفي الهوى
ولو أبي . عذر مايكفي الغرام
أعطنى من عذابك يا البعيد
صرخةٍ . تجعل ظلوعي حطام
آه .لو في يدي أبكي معاك
قطرةٍ مادرى عنها الغمام
ماابخل الوقت . يحرمني البكا
وانت لجلك حرمني الإبتسام
يا اطهر الحزن . لو كان القصيد
يكشف الغم عن بدر التمام
لكتب الشمس شعرٍ في سناك
وامحي إمن السما.عج وكتام
ياعسي البدر نوره مايغيب
عن حبيبٍ بقي منه الكلام [/grade][/align]

---

f]v fk uf] hglpsk