المكرونة

كان فى مرة ولد اسمه كوكى مامتوا قالتلوا يا كوكى تعالى كل المكرونة قالها لا راحت للعصاية قالتلها يا عصاية تعالى اضربى كوكى عشان كوكى مش عايز ياكل المكرونة العصاية قالتلها لا فراحت للحبل قالتله يا حبل تعالى كتف العصاية عشان العصاية مش عايزة تضرب كوكى عشان كوكى مش عايز ياكل المكرونة الحبل قال لها لا فراحت للنار قالتلها يا نار تعالى احرقى الحبل عشان الحبل مش عايز يكتف العصاية عشان العصاية مش عايزة تضرب كوكى عشان كوكى مش عايز ياكل المكرونة النار قالت لها لا فراحت للماء قالتلها يا ماء تعالى طفى النار عشان النار مش عايزة تحرق الحبل عشان الحبل مش عايز يكتف العصاية عشان العصاية مش عايزة تضرب كوكى عشان كوكى مش عايز ياكل المكرونة الماء قالتلها لا فراحت للجاموسة قالتلها يا جاموسة تعالى اشربى الماء عشان الماء مش عايزة تطفى النار عشان النار مش عايزة تحرق الحبل عشان الحبل مش عايز يكتف العصاية عشان العصاية مش عايزة تضرب كوكى عشان كوكى مش عايز ياكل المكرونة الجاموسة قالتلها لا فراحت للجزار قالت له يا جزار تعالى ادبح الجاموسة عشان الجاموسة مش عايز تشرب الماء عشان الماء مش عايزة تطفى النار عشان النار مش عايزة تحرق الحبل عشان الحبل مش عايز يكتف العصاية عشان العصاية مش عايزة تضرب كوكى عشان كوكى مش عايز ياكل المكرونة. راح الجزار عشان يدبح الجاموسة الجاموسة لا لا انا هشرب الماء و راحت الجاموسة عشان تشرب الماء الماء قالت لا لا انا هطفى النار راحت الماء عشان تطفى النار النار قالت لا لا انا هحرق الحبل راحت النار عشان تحرق الحبل الحبل قال لا لا انا هكتف العصاية راح الحبل عشان يكتف العصاية العصاية قالت لا لا انا هضرب كوكى راحت العصاية عشان تضرب كوكى كوكى قال لا لا انا هاكل المكرونة قامت مامتوا قالت له طب استنى شوية عشان المكرونة لسة ما استوتش.

;,;n , hgl;v,km