الموضوع: احدن زهمني في الغياب وسعالي . و احدن نساني قبل لا افكر انساه

الغياب, احدن, افكر, انساه, زهمني, نسائي, وسعالي, قبل

ما كل من يطري على البال غالي
و لا كل من يشغل لك الفكر تهواه

ما عاد اقول ان الشعر راس مالي
شعري دواي و كل شاعر له دواه

ازريت اشيل هـموم فوق احتمالي
اموت مـن حزني و لا اقـول لك اه

احدن زهمني في الغياب وسعالي
و احـدن نساني قبل لا افـكر انساه

مانيب اجامل و اكذب بريق حالي
قلبي صدوق و تفضحه دايم شفاه

لا تحسب اني طول عمري مثالي
يخطي الكريم وطيبته تمسح خطاه

اكتب قصيدي وخاطري ما صفالي
واثر الحزن بيته من ادناه لاقصاه

من قبل اعرفك عاش فيني سؤالي
درب الهوا مدري متى بتبع خطاه

في موعدك جاني السؤال و بدالي
و الرد جاني بنظرتك شفت معناه

اصحى و ركـز خـل عـنـك الهبالي
عشقك بقلبي سـاكن وطال مسعاه

ودامك يا ابوخالد سعيت بوصالي
قريت عشقي في الخفوق وحناياه

قلت انهجوا عن الحكي والجدالي
ماحدن في قلبي ساكن في حناياه

ماغير ابوي الي سكن فوق عالي
ماحدن يطاول هـامته جعلي افداه

و امي اذا بوصف يبي لي مجالي
ربي عـطاها حكمه و طـيبه و جاه

ما غير ذولي لا ذكرت و طرالي
اعـشق ثراهم عـزتي تحت ماطـاه

ازريت ما شفت الجواب وسعالي
و الحزن فيني قلت يا جعـلي انعاه

خل الزعل ماعمرك اشغلت بالي
قلبي حفظ في عالم الصدق ممشاه

ما عاد اقول ان الشعر راس مالي
شعري دواي و كل شاعر له دواه

---

hp]k .ilkd td hgydhf ,suhgd > , hp]k kshkd rfg gh ht;v hkshi