الموضوع: كنا حبايب

حبايب, كنا

كنا حبايب وكانت ايامنا افــــراح كنت الحبيب وكـــانت اغلـــى حبيبــــــــه
كانت سعيده وكنت بالحيل مرتـاح رغم الظروف اللـــي حدتنا صعيبــــــــه
كان اللقا مابين مسرا ومســراح.كنت القريب وكانت اقـــرب قريبـــــــــه
واليوم راحت ومعها الامـــل راح. عقب الوصل ياسعود هجر وغيبــــــــه
شدت ركايبها مع شمس لصبــاح قفت عن عيـــــون المعنا غريبـــــــــه
الله عليها ماتبي رشــــد ونصــاح الكذب بين وتالي الكــــذب خيبــــــــــه
مافادها عقبها لــــوم وصيــــاح جاها النصيب وقلت جاها غصيبــــــه
من مهرها ياسعود يجنون لرباح. لا بارك الله في عجـــوز وشيبــــــــــه
يوم الفقر عيب به الرجل ياصاح وخلى لضعيف النفس قدر(ن) وهيبه
وين الصبر لا قالوالصبر مفتــاح. منهو يجيب الصبر منهو يجيبـــــــــه
لاقلت بصبر عسى الهــــم ينزاح حلت علي من المصايب مصيبــــــــه
ماكنت احسب تفترق يوم لرواح لين اقبلت محبوبها تلتــــوي بــــــــه
قبل يديها وابتدى ضحك ومــزاح محدن يعيبها ولحـــــــــدن يعيبــــــــه
لعنت حظي ولعنبوا الحظ لاطــاح الله حسيب الحــظ الله حسيبــــــــــــه
صحيح في الدنيا شقي ومرتـــاح صحيح كــل انسان ياخذ نصيبــــــــــه

---

;kh pfhdf