الموضوع: حـــب من اول صــراحـــه (قصه واقعيه بقطــر)

حـــب, صــراحـــه, قصه

بسم الله الرحمن الرحيم
هذة قصه حب واقعيـــــــــه
وانا اكتب القصه بيدي وانشرها لكم من هم وتعب حصّلت معي

بدايه
في بنوته اسمها (الدانه) وعمرها ً17 ً وكانت آخر سنه بدراسه
كان همها تجيب نسبه 80% بس ما حصل نصيب جابت بفصل
الاول زعّلت على الاقل اجيب75% نسبه دخول الجامعه
المهم وجات الاجازة الربيع وما خلت مكان ما راحتله علشــان
اونس عمري ذاك اليوم كنت اكلم رفيجتي بليل يعني من الساعه
11لين 5الفجر يعني 6ساعات بتتسائلون ليش هل كثـــــــــــر
سوالف الاجازة كلها شكنت اسوي وين رحت وشصار معاي
وكنت رفيجتها دايما تسولف عن رفيج اخوها من كثر السوالف ومدح
فيه وكل مافي حلو(وما كان يكلم البنات كلش وبعمره ما كلم لان عارف
سوالف البنات وخيانه) لانه طيب وحبوب لدرجه حبيته قبل ما اتعرف عليه
المهم وذاك الحزة (يقولون اذا اشتمع اثنين 3الشيطان)<يمكن كذيه
قالت رفيجتي ليش ما تتصلين على رفيج حمود وتستعبطين عليه
(طبعا حمود اخو رفيجتي) قلت : مادري كلمي حمود اول وقوليله
وبعدين بكلم اذا وافق. وطبعا وافق ومن هذة التضبيطه الكلام اتصلت
((على فكره اسمه عبدالله وعمره19))
الدانه: الو
رفيجه عبدالله: هلا
الدانه:حبيبي انت وين؟
عبدالله : شنو
الدانه : عااااد حبيبي وينك
عبدالله: تكلمي وقولي من انتِ لاصطرج
الدانه: ابـيـــــــــــه
عبدالله: ابيه ابيه قولي من انتِ
الدانه:انا انا بنت جيرانكم
عبدالله: أي وحده بيتكم في اليمين ولا اليسار
الدانه: لا الشمال
عبدالله: <<عاد يحسب في اليسار. هاه من صجج
الدانه: لا في الجنوب
عبدالله: <<درى اني استعبط (وكمل عبطه معاي). خلصيني وقولي من انتِ ومن عطاج رقمي
الدانه: من عطاني رقمك امممم رقمك شفته بــ(الوسيط)
عبدالله: اها انا حاطه بلجريده انزيــــــــن كم تشترينه
الدانه: مادري انت امنزل الاعلان كم بتبيعه
عبدالله: انت كم بتعطيني كل شئ منج باخذه حتو ولو وشو
الدانه: انزين اممم 20
عبدالله: هاه 20ريال <<منصدم. مقبوله منج
الدانه: هههههههههه لااااء 20الف
عبدالله: اها اوكي متى علشان نستلم
الدانه: من بكره هههههههههههههه
عبدالله: لا عااد صج من عطاج رقمي
الدانه: هي الصراحه شخص بس ما بقوله الاسم
عبدالله : انزين المهم انا بخليج الحين لاني مع ربع اذا خلصت بتصلج
الدانه : اوكي باي
وقعدو يضحكون هي ورفيجتها تقول رفيجتي : لا هذذة موعبود
هو ما يعطي ويه وايد . دانوة:معاي بيعطيني ويه المهم اتصلي حق
اخوج وقوليله شردت فعله واتصلت وقال انه من اتصلتي راح بعيد
عنا ومستانس حده انتو شقلتو له . ما قلناله شئ بس يله باي وسكرت منه
وقعدنا نعيد الشريط ونضحك عليه المهم بعد ساعه ونص او ساعتين
اتصل حمود قال لرفيجتي اتصليله ورجعت اتصل
الدانه: آلــو
عبدالله: اهلين
الدانه :هلا وينك ما اتصلت احاتيك قلت صار شئ
عبدالله: لا ما صار شئ بس لين الحين مع ربعي
الدانه : يعني اخليك
عبدالله: لا رحت عنهم شوي , بس تدرين غريبه اتصلتي
الدانه: ليش
عبدالله: قلت انج تستعبطين ومراح تتصلين مره ثانيه
الدانه: لا بتصل ليش ازعجتك
عبدالله: لا عادي
الدانه: انزين متى بتروح البيت علشان اتصلك
عبدالله: والله مادري احنى بلكورنيش وشكلنا بنطول (السهره صباحي)
الدانه : اوكي بتصلك اذا انا برقد
عبدالله:؟<غريبه مصره تتصل من هذة.اوكي
الدانه : يله باي
وقعت مع رفيجتي بتلفون لين أذن الاذآن تقربيا 5الا ربع صليت وقبل ما انام اتصلت
عبدالله: هلا
الدانه :<<مستانسه انهه تقبلها شويه. اهلين
عبدالله : رقتي
الدانه: الحين بنام بس قلت اتصلك قبلها انت وين
عبدالله: على الطريق اول ما اوصل بصلي وبنام
الدانه : اوكي انا اخليك الحين وتصبح على خير
عبد الله: وانتِ من هله مع السلامه

((ويا يوم الثاني على المغرب تقريبا اتصلت برفيجتي وقلت لها انا ما اقدر اكذب
مره ثانيه وبتصل بعبود وبقوله الصج وبسكر علشان يبرد خاطري على فكره
امس الليل مانمت من كثر اني حسيت بذنب . رفيجتها لا حول انتِ دايما تخربين
السالفه كلمي حمود وقوليله انا بقول السالفه علشان يبرد خاطري اذا هو قال بستخف
قالت انزين كلمت اخوها حمود وقالتله وطلع هو عبدالله راح واستكشف كل ربعه وقالهم
انتو دازيلي بنت تكلمني وكلهم قالو لا بس ما عدى حمود على ويهه الضحكه وحس انه
من طرفه وعلى طريق تكلمو بلموضوع وقاله بس الله يسلم رفيجتي ما قالتلي لانها اتصلت
على اخوها وما يرد لانه نايم وعلى نفس الوقت أمس الساعه11اتصلت على عبدالله
الدانه: الو
عبدالله: هلا
الدانه اهلين انت وين
عبدالله : انا بلبيت ليش
الدانه: ابي اقولك شئ لان امس الليل ما نمت حسيت بتأنيب الضمير
عبدالله: على وشو<<يستعبط عشان بشوفني اكذب ولا لاء
الدانه: وقلت السالفه كلها من طأ طأ لين سلام عليكم من عند (كنا نستعبط مع رفيجتي الي اخوها رفيجك لين آخر شئ)
عبدالله: انزين خلصت السالفه
الدانه : اه ه ه ه ه الحمدالله خلصت
عبدالله: ارتحتي
الدانه:أي والله هم ونزاح
عبدالله: ههههههههههه<بدى القلب يدق دقه الاحب
عبدالله: انزين الحين بتكملين الفلم ولا لاء
الدانه : امممممم من الوناسه ما تعرف شترد


عبدالله : يله انطر (على فكره حمود قالي كل شئ)
الدانه: لا ما ابي اكمله خلاص
عبدالله: انزين انتِ تبين تكلميني ولا لاء
الدانه: <<منحرجه . قالتها بصوت خفيف (ايه)
عبدالله:هاه شـــنو ما اسمع <<من الوناسه
الدانه:ايه ابي اكلمك
عبدالله: عاد تدرين اعجبتني صراحتج<وهو وده يقولي حبيتج من صراحتج وبعد كان وده يقول فديتج
بس ما يقدر توها اول مكالمه ((الله يسلمكم كان التاريخ 18/2/2007))
وبعدين كان كله يسولفون بليل سوالف بساعات وين ما تدرج كلمه حبيبي وكان وقتها كل واحد فينا منحرج
من الثاني ومن هذة السوالف وصار الوعد بستي اول نظر وكل واحد ينطر هذة اليوم وشفته وكانت النظره
حلوة كل واحد فينا كاشخ وتكلمت معاه شويه بس كنت ارتج لدرجه انه يدي ترتجف وقال اشفيج خايفه مراح
اسوي شئ تبيني اروح بروح علشانج حبيبتي عاد انا من الربكه قلت ايه وراح المسكين على كلمتي بس يوم
راح حسيت انه الهم راح من قلبي من كثر الربكه والخوف الخ وطبعا المكالمه بعدها اشرايج فيني
وكلن مدح الثاني من نظري له كان يجنن يهبل حلو من ويهه يريح الواحد ما شاء الله عليه قوم بره لهله وزاد الحب
(( لين بدى فصل الثاني وذاك اليوم بعد ما مر اسبوع ونص ولا صار الي تمنيته ما
يصير اتصل فيني وصوته كان كل الحزن فيه قال اذا خلصتي الدراسه بقولج شئ مهم عاد دانوة ما تحب حد
يعلقها بشئ قولي عاد ومن هذة الحنه قال بخلي حمود يكلمج عاد اذا بعدين تبين تكلميني كلميني بكيفج ويات الساعه 1ونص بليل وياني مسج (sms)يله
اشتغلت المسجات وقريت السالفه (عبدالله يستحي يقوله وتراه قاعد يصيح لانه يحبج وما يقدر ينساج تراه هو(شيعي) وكان ما يبي يقولج الحين لين ما تخلصين الدراسه وعلى فكره هو مايدري اني اقولج الكلام الزايد
الي قلته لج) اتصلته بعين ما يرد بعدين رد علي لانه كان يصيح ومايبي اسمع صوته وقلت حق اختي عادي واحد ياخذ وحدة شيعيه قالت ايه عادي((انتبهو على الكلام ترى قلبته))وتصلت مره ثانيه ورد وقلتله عادي حبيبي انا راضيه اشفيها انت شيعي عاد وزاد الحب اكثر واكثر وقمت اجيب معلومات عن الشيعه لاني ما اعرف شئ عنهم وقالتلي امي عنهم وقالتلي عن واحد من قبيلتي ماخذ وحدة شيعيه ومرت الايام وسمعت انه (اذا واحــــد شيعـــي بيتزوج سنيــــه حــــــــرام) ويا ريت ما سمعت هذة الشئ انه طول اليوم صياح في هم في تعب في حاله يعلم الله فيها وتصلتله وكلمته قالي
عبدالله: اشفيج حبيبتي
الدانه : ما فيني شئ
عبدالله: لا صوتج يقولي شئ ثاني انتِ اتصيحين
الدانه : قلتله السالفه كلها + كنت اصيح وانا اقولها
عبدالله: انا قلتلج من قبل يا دودو من اول ما قلتلج السالفه انا ما نصلح حق بعض بس انتِ الي رجعتي وقلتي عادي
الدانه: يعلم الله من قلتلي هذة السالفه اني مهب على بعضي وما اقدر اهدك علشان كذيه على طول كلمتك ما يحتاج اني افكر بلموضوع لاني احبك ومتعلقه فيك حس فيني حس
عبدالله: المهم انتِ الحين هّدي
الدانه:<بعد ما ارتحت.هدّيت اشفيك
عبدالله: احنا ما نصلح حق بعض هذة الواقع الحياه ما نقدر نعارضها .الخ <<ومن هذة الموال
الدانه:قاطعته لاااااااااااااء(طبعا رجعت اصبح مره ثانيه) ما ابي اسمع شئ حبيبي حس فيني تدري لو اهدك شبصيرلي والله بدخل
مستشفى الميانين ولا أي شئ بس بتسمع الخبر اني بكره بلمستشفى لا خلاص ما ابي حد غيرك انا احبك احبك اموت فيك انت حياتي الي اعيشها (طبعا كانت اطول من كذيه بس انا اختصرتها لكم على هذة المنوال)
عبدالله: انزين دودو حبيبتي روحي غسلي ويهج وردي كلميني
الدانه: انزين بس بقول شئ قبل ما اسكر
عبدالله : قولي ؟
الدانه : فديت حبيبي فديت قلبه وفديت عمره وفديت حياته كلها .الخ
عبدالله: به به كل هذة لي لا ما اقدر استحمل
الدانه: هههههههه لا كيفي اغازل حبيبي وكيفي
ومرت الايام الحب وغزل وعش الخطوبه مع عبدالله <<ان شاء الله خطوبه وزواج بعد في الصج
وبعد رجعت اتواعد معاه اشوفه ونتمشى واسولف معاه شويه وطبعا قال اول ما اشتغل بيمع كم من بيزة
واركضلج عند ابوج بس بعد اربع سنين تدرون ليش اولا بكمل دراسته وبعدين بيشتغل وبينطر اخوه الي اكبر منه وانا من ناحيتي بعد اكمل آخر سنه وجيب نسبه وادخل ان شاء الله الجامعه وبأذن الله تعالـــــــــى وكل يوم نقول متى تمر 3سنين على خير وكلن ناطر هذا المرور على خيــــــــــر
المهم ومرت ايام وبتاريخ 10/5/2007 وهذة يوم الميلاد الحبيب ما خليت مكان علشان ادور الهديه الحلو الي تناسبه ومن هذة لف ودوران آخر شئ شريتله (قلم وعطر)+ بكيت ورد احمر, واتفقت مع بنت اخته علشان تاخذ الهديه وتحطها بلبيت لاني ما اعرف البيت وين مكانه بضبط سبحانه ذاك الوقت راحت بنت اخته معاه وقالته : انت بنروح البيت الحين
عبدالله : ايه ؟ ليش
بنت اخته: لا بس في شئ ينطرك بلغرفه ابيك تشوفه وتقولي بعدين رايك
عبدالله: انزين يله وراي روحه مع ربعي
وراح البيت يلبس علشان يكشخ وهو على طريق الغرفه تذكر كلام بنت اخته وراح يركض على الغرفه علشان الفضول لاعب فيه ودخل ولقى الهديه بلغرفه واهم شئ شاف البطاقه عليها اسم (الدانــــه) استانس وايد بس استعجل علشان بروح مع ربعه *الستي* وراح وعلى الطريق انا اتصلت
الدانه:آلو
عبدالله: هلآ
الدانه: اخبار حبيبي
عبدالله: حبيبج تمام
الدانه : انت وين؟
عبدالله : رايح مع الربع الستي
الدانه: اها اوكي استانس اهناك
عبدالله: اوكي بس تعالي انتِ شمسويه اشيايبتلي
الدانه: ما جبت شئ
عبدالله:اصلا قلت بتصلت فيج بعدين نتفاهم
الدانه: على وشو
عبدالله: على الي جايبتلي ياه
الدانه: هههههههههههه اصير خير
عبدالله: يله بخليج علشان ربعي امسوين ازعاج بكلمج اذا رديت
الدانه : اوكي يله الله يحفظك مع السلامه
ورد البيت واتصل وقالي بكلمج قلت لا اول شئ روح شوف الهديه وبعدين كلمني وراح شاف الهديه وطبعا انا اموصيته يصور الورده لاني ما شفتها وطرشها لي Smsوسائط وبعد ربع ساعه اتصلت علشان يمديه يفتح الهديه ومكالمــــــــــــــــــه
عبدالله: ليش امكلفه على روحج
الدانه: لا عادي وبعد احس اني مقصره ولا وفيت حق حبيبي
عبدالله: لا صج ليش تعبتي نفسج
الدانه : تعبك راحه يا حبيبي
ومن هذة السوالف لين ما يا الامتحان ويا ريته ما يا لانه صار شئ ما حبيته يصيركنتقاعده اسولف ومن الكلام جبت طاري عبدالله بلساني بلغلط بس رفيجتي المتشدده عصبت وقالت اذا ما تركتيه انا بتركج في وقت كنت ادرس ماده (الانجليزي) كنت متصله على حبيبي وقلت السالفه عادي وبس هو قاعد يفكر وعطى القرار وطرشلي رساله ومن رساله تقول((حبيبتي ابي اقول شئ بس لا تزعلين مني انا احبج بس لازم نفترق لا تقولين ليش عيشي حياتج واسمعي كلام رفيجتج تبي مصلحتج انا ما ابي بس عصبن عنا نفترق انا ما ابيج تزعلين او تتضايقين واهم شئ عندي تجيبين مجموع وكلام رفيجتج صح تكفين لا تزعلين لا تخسرين رفيجتج ولا تصيحين انتي احسن بنت تعرفت عليها لو تحبيني على تصيحين دودو احبج والله احبج بس لازم نفترق)) انا بس قريت آخر كلمتين قمت اصيح واصيح وحتى الماده قاعده ادرسها وصيح لدرجه اني ما عاد اشوف من الورقه شئ لين ما خلصت الدراسه اتصلت وما رد علي طرشت رساله كنت اقول فيها( انك لو تحس ما طرشت هذة الرساله في وقت امتحاناتي) ورد علي (حسي انا ما ابي جرحج او ازعلج بس عصبن عني تكفين سامحيني ) المهم اليوم الي بعده طلعت من الماده رحت البيت على طول اتصلت ورد علي
الدانه: الو
عبدالله: هلا حبيبتي
الدانه : انت وين<<على طول
عبدالله: رايح عندي شغل وبخلصه
الدانه : يعني مشغول
عبدالله : لا على طريق ليش في شئ
الدانه: أي في شئ بس خله بعدين اذا خلصت من شغلك
عبدالله: لا قوليه الحين الطريق طويل وانا ما وصلت لين الحين
الدانه : شنو هذة الرساله الي طرشتلي ياها
عبدالله: دانه اا
الدانه : لا تقول شئ انا الي بتكلم
عبدالله: ؟
الدانه : (كنت اكلمه وصوتي عالي شوي) انت لو تحس مثل الناس ما طرشتلي ياها شنو هذة الاحساس الي عندك انت اصلن قايلي فكري بعدين اذا خلصتي دراستج شقلب حالك الحين وليش قلته الحين تدري ليش لانك ما عندك احساس انت تقهر الي ما ينقهر
عبدالله: حبيبتي والله انا بعد قلت هذة الي شئ خلاص انسي الرساله
الدانه: لا مراح انساها وبحطها بقلبي وبشيل عليك لانك عديم احساس<<صوتي صار اعلى
عبدالله: خلاااااااااص انسي الرساله يا ريتني ما طرشتها انا من امس ما رقت تعبان محد حاس
الدانه: وليش ما رقت
عبدالله قاعد افكر بسالفه
الدانه: هي السالفه لي ولا لك
عبدالله: وانا شنو
الدانه: اممممممممم ؟
عبدالله : خلاص حبيبتي انتي الحين هدي بس بقولج اليوم بروح البحرين
الدانه: ليش ؟ انزين متى بترد
عبدالله: ليش ارد مراح ارد
الدانه: ليش بتقعد على طول اهناك
عبدالله: ايه ليش اصلن ما احد يحبني بدوحه
الدانه : انت ما تحس وتبي أي شئ يصير خلاص ماراح اتصل ولا تتصلي يله باي
عبدالله: لا اب
الدانه:طـــــــــــــــــوط<<سكرت الخط
ومن القهر رحت طلعت الحره في امي <<يا لقعتها, يمه الامتحان صعب لحول الوزارة ما خلو حد ولا صعبووة
ومن هذة الموال رحت بعديت اشوف جوالي وّلا القى رساله واتصال طبعا الاتصال هو ورساله قايل فيها(ردي علي والله احبج بس تكفين ردي) وبعدين اتصلت له وقال في اول كلمه
عبدالله: تكفيــــــــــــن لاتسكرين الجوال تكفين<<حن القلب مره ثانيه له<<فديت قلبه
الدانه: اوكي اشفيك
عبدالله: اسمحيلي وآسف ولا تتضايقين اذا ما تبيني اروح خلاص بهوّن
الدانه : لا شنو هاي الفوضه تقول حق ربعك بروح وبعدين لا , لا خلاص روح
عبدالله: حبيبتي
الدانه: هلا
عبدالله: حبيبتي
الدانه: خير شتبي
عبدالله: حبيبتي
الدانه: هههه هلا حبيبي
عبدالله: ايه الحين الواحد يرتاح قلبه
الدانه: ان شاء الله دوووم يا قلبي
عبدالله: وياج ان شاء الله المهم خليني اخلص شغلي اول ما ابطع بتصلج
ومرت ساعات وتصل وكنت على وشك اني بنام الظهر عبدالله: رقتي
الدانه: لا بس شويه
عبدالله: حلو هذة اشفيج حبيبتي ليش تزعلين
الدانه: ليش انت اتخلي الواحد يرتاح مع المسجات الي ترفع الضغط
عبدالله: خلاص امسحيها على شان خاطري وانسي السالفه كلها وكنها ما صارت
الدانه : اوكي خلاص ممكن انام لاني تعبانه
عبدالله: اوكي اول ما تقومين
الدانه: اتصلي
عبدالله: هههه زين عرفتي
الدانه: حفظت القانون
عبدالله: هههههه المهم ارتاحي وتلحفي عدل
الدانه: هههههه ان شاء الله يله باي
عبدالله: باي حبيبتي
وقمت العصر واتصلت عادي ويا موعد الطياره كلمته وقلت ان شاء الله تروح وترجع بسلامه بس بوصيك على 3اشياء
الاولى: ما تتاخر في النومه
ثانيا: وتصلي في وقتها
ثالثا: تتغدى وتتعشى
رابعا:العيون مب رايحه اهنيه واهناك<<اضافه مجانيه ههههههههههههه

وراح وخلصــــــــــــــــــــــــــــــت المتحانات وافتكينا ورد حبيبي من السفر كلمته شويه علشان اتطمن(على فكره كنت ابي اشوفه اذا خلصت المتحان على طول يعني6/6بس ما حصل نصيب لان تاجل موعد طياره) واتفقنا على شوفت الحبيب علشان كلن من قلب وقلب يرتاح من شوفته الله يعديها على خير من هذة الروحه
وحصلت الروحه ذالك اليوم طبعا انا اتفقت مع رفيجتي تجي معاي وبعد علشان تقعد مع بنت اخت عبدالله
ورحت الستي مكان الوعد الي كل مره
وطبعا كشخت وما خليت شئ ما حطيته بويهي بس على الخفيف المهم رحت الستي اول شئ رحت مع امي
اتسوق شويه ومن هل الحين جات رفيجتي وسلمت على امي ورحت احجز تذاكر وطبعا كانت الساعه 11,20
والفلم كان 11.15يعني ما صارله خمس دقايق قلت على ما يحطون الاعلانات عشر دقايق ويبدأ الفلم دخلت اشوف
المكان وقعدنا ندور اهناك انا ورفيحتي على ما يجووون بس نطرنا وايد كانت بنت اختكه تأخرت ما جات الا
الساعه 11,45وانا كنت حاطه حسابي اروح الساعه 12بس الله يهداهم تأخرو لدرجه قاعه بعصابي ورحت
قالت بروح اجيب خالي قالت رفيجتي: ما يدل الطريق السينما
الدانه : لا بس يمكن يستحي روحي جيبيه بسرعه<<طراره وتشرط
المهم راحت جابته كانت الساعه 11,55يعني بقى خمس دقايق ونطلع من الستي لان صارت سالفه امي نست الجوال في سياره وقالتلي على الساعه 12 تكونيين موجوده ولا تتأخرين لان ما عندي جوال اكلمج
وكانت في اللحظه رفيجتي تكلم اختها لان تقولها تعالي معانا وانا في هذة اللحظه رحت عند حبيبي كان توة جاي عند باب السينما
الدانه:هلا
عبدالله:اهلين
الدانه : كان ماجيت تأخرت
عبدالله: شسوي حبيبتي تعرفين الظروف
الدانه: اوكي المهم انا ما اقدر اطول خلاص بروح عند امي تاخرت عليها
عبدالله: شقاعده تقولين خلي رفيجتج وبنت اختي يكلمون امج
الدانه: مهب كذيه بس الله يسلمك لازم اكلم بنت خالتي علشان نقولها بنتاخر عليكم
عبدالله: اوكي قوليلها
الدانه: لا بس شقولك امي تنطرني ما اقدر شسوي فيك
الدانه <<عطته ظهرها بتروح تكلم رفيجتها وفي هذة الحزة بطلع اكلمه لقيته راح
قالتلي رفيجتي: وين رايح
الدانه: شسوي قلتله اني ما اقدر اقعد عصب وراح
رفيجتي:حرام دانوووة عاد كلمي بنت خالتج قوليلها بتتأخرين
الدانه: اوكي
وحصلت الظروف وعدت على خير وقعد معاه وطبعا رحت عند امي وقلتلها بتأخر شويه ورحت السينما طبعا الفلم الي خذيه اكشن مغامرات يعني الدنيا بتكون ظلمه لان الفلم مغامراتهم بليل <<ولا حق الطيحه يا زينها زينااااه
المهم طلعت على الدرج شوي شوي وهذة الحزة اتصل حبيبـــي قال
عبدالله: ايوة اركبي بعد
الدانه : انت وين؟
عبدالله: بعد امشي شويه ايوة
الدانه:.؟
عبدالله: فــــــديـــــت هذة المشيه
الدانه: <<منحرجه. خلصني انت وين
عبدالله : اوكي خلاصطوط طوط .
ونهايت الشارع خلص<<حلوةهذة لطمت الكرسي
وشفته كان ثوبه يلمع بياض <<ينفع حق الدعايه اريل ههههههههههههه
قلت: جنبك في كرسي
عبدالله أي قعدي
الدانه اوكي
طالعت رفيجتي اقعدي جنبي
وقعدت جنبه المهم قالي: طالعيني وخلي الفلم عنج
الدانه: عيل حاجزة التذاكر شله علشان انشوف الفلم مو اقعد معاك
عبدالله: هاااي حلوة ولا انا بخليج تشوفينه
المهم هذة الحزة رفيجتي تنقزني دانوووة خلي بنت اخته تجي جنبي
الدانه: اوكــــــــــــــــــــي*_^
المهم راحت جنب رفيجتي وانا قعدت جنب قلبــــــــــــــــــــــــــي
وقعدت اسولف معاه وقالت له: قلبي
عبدالله: هلا حبيبتي
الدانه: شنو الموضوع الي تبي تقولي عنه
عبدالله: والله حبيبتي نسيتهم من شفت القمر نسيتهم
الدانه: يله عاااااد قولي شنو الموضوع
عبدالله: لا والله شفت قلبي نسيتهم
الدانه: انحرجت<<. يعني شسالفه
عبدالله: ما في السالفه شئ
الدانه : انزين قلبي<<هذة الحزة قاطعونا قالت رفيجتي واشرت بجوالي علشان اشوفها يله قومي
الدانه : لا خلينا شويه وشويت بيدي 5دقايق
عبدالله: المهم شقلتي شقالت
الدانه: يعني ما سمعت بقعد خمس بس
عبدالله : اوكي
الدانه : انزين حبيبي بقولي شئ بس غمض عيونك
عبدالله:<<على طول غمض
الدانه اموووه <<على خده
عبدالله: فديت هذة البوسه ابطل عيوني
الدانه : (منحرجه)< < أي يا قلبي خلاص
وقال اوكي حتى انا قربي
قربت شويه عطاني ياها بس معطاها عدله
الدانه: لا ابيها اهنيه تكون احسن<<على خدي طبعا
عبدالله: امووووه خلاص
الدانه: واااي فديتك تهبل.
الدانه : انزين يا قلبي
عبدالله: هلا حبيبتي
الدانه: حلوة
عبدالله: منهي الي حلوة<<تفكيره بعيد
الدانه: محد اقصد بوستي
عبدالله: أي فديتها تهبل مثلج
الدانه: اوكي ماراح اطول بخليك بس انت اقعد وكمل الفلم اوكي
عبدالله: لا بروح اذا بتروحين
الدانه: لا شكل الفلم حلو اقعد علشان خاطري
عبدالله: بس شويه بعدين بطلع عندي مشوار
الدانه: اوكي يا قلبي يله بروح
عبدالله : انزين ممكن تقربين شوي بقولج شئ
الدانه: قول.؟
عبدالله: لا بس ماابي احد يسمع
الدانه: محد بسمع بس انت قول
عبدالله : بسرعه قربي بقولج
الدانه:؟ هاه شتبي
عبدالله: غمضي عيونج بسرعه
الدانه: غمضت من سرعه
عبدالله: امـــــــــــــــوواح <<على خدي ,, اوكي يا قلبي
الدانه: اوكي يا حبيبي
ورحت وانا طالعه قدامه ظربت ريوله علشان يوخر لي قلت سولي درب
ضحك قال ليش مري يا رشيقه
الدانه: ههههههههههههههههاي معليه
وطلعت وانا ورفيجتي مستانسين وقاعدين نضحك
رفيجتي: عسى استانستي
الدانه: أي والله استانست وااااااااااااااااااااااااااااااااااااااااااااااااا اااااااااااااااااااااايد
رفيجتي : بس حشينا انا وينت اخته فيكم
الدانه:<< تطالعها معصبه شقلتو
رفيجتي: قلت ماشاء الله عليهم نقولهم قومي انتو ما قمتو ما حسيتو بلوقت قلنا حبايب اكيد مراح يحسووون بلوقت
الدانه: يا ريت في وقت اطول منه يله مره ثانيه
رفيجتي: مره ثانيه لااااااااااااء مافي
الدانه: معليه يصير خير يله هذة امي
وصلنا رفيجتي وعلى طريق وانا وامي طالعين شفت قلبي وهو مار من الكثر الحاسيه قلت: هذة هم
بس اشوة ما اسمعتني امي ومريت على بنت خالتي ورجعنا البيت

طبعا حبيبي راح مره ثانيه البحرين طلبا مع رفيجه انه يروح معاه ووصاني اذا طلعت نسبه اتصله
ويا اليوم الي بتطلع النتايج وقعت على اعصابي انتظر<<بس على فكره ما كنت معصبه وايد لاني واثقه بجيب فوق ال75% ونطرت ونطر وما اطلعت نمت ساعه وحده وقمت العصر 4 قالو نتايج اطلعت والحمد الله نجحت
وطلعت النسبه 78 وفرحت وايد وبعد النتيجه بدققتين اتصل حبيبي طلعت لان كانت امي جنبي تكلم خالتي تقولها
نجحت وكلمته وسويت نفسي متضايقه
عبدالله: هاه قلبي شلونج
الدانه: بخير
عبدالله: اشفيج. بشريني ؟
الدانه: تبي الزينه ولا الشينه
عبدالله: بعد في شينه. لا قولي الزينه
الدانه: . نجحت
عبدالله: مبرووووووووك يا قلبي والله من صجج كم جبتي نسبه
الدانه: 78% يعني بدخل الجامعه
عبدالله: مبروك والله فرحتيني من قلبي يا حبيبتي
الدانه: انشاء الله تكون فراح دووم يا قلبي
عبدالله: ان شاء الله وياج يا قلبي
الدانه: <<انحرجت , المهم بسكر لان خالاتي يبوون يكلموني اذا خلصت بتصلك
عبدالله: اوكي حبيبي
الدانه: اوكي قلبي يله باي
عبدالله :باي
واتصلو ناس وايد باركولي وحتى رفيجاتي هاه بشري كم مبروك .الخ
المهم قالت امي اول شئ هديتج <<عطتني فلوس
وثاني شئ في روحه يله روحي البسي بنطلع وخالاتج بيون معانا
استانست وتصلت بقلبي وقلتله وقالي اوكي روحي استانسي ورحت وستانست وااااايد حسيت هم ونزاح
ورد حبيبي من البحرين وصارت الفرحه فرحتين
المهم ومرت اسبوع وسويت الحفله كان بتاريخ 21/6 يوم الخميس كشخت ولبست احلى لبسه شريتها من الستي
وسويت شعري بلكوفير وكنت احلى وحده بلحفه<<طبعا علشان حفلتي
وقلت حق حبيبي ينطرني بحوالي الساعه 7-8تكون موجود حوالي عند البيت بتصلك اذا قطعت الكيكه
وعلى الساعه 7,55 الدانه: هاه قلبي وينك
عبدالله: قاعد اتحبلج عند بيتكم<<يعني انطرج عند البيت
الدانه: ههههههههههه يله تعال
عبدالله: وين.
الدانه : يعني وين في بيتنا بطلعلك
عبدالله: منصدم لان معاه رفيجه :شنو تقولين
الدانه: انا الخدامه بطلع
عبدالله:
الدانه: هههههههههههه لا خلي خدامتنا تطلع لكم
عبدالله: اوكي
وصل البيت وتصل علّي وخليت الخدامه تطلع قلت هاج عطي رفيجتي بسياره تنطر
طبعا انا كنت اشوف الاوضاع وكانت الخدامه متروعه تطالع من تعطي مافي بنت بسياره
الدانه: هههههههههههههههههه شقول الحين
عطته واتصلت له .الدانه : سلم واستلم
عبدالله: هههه أي بس خدامتكم تطالع ودها تصكني كف على ويهي
الدانه: هههههههههههههههه تروعت احسبت رفيجتي الي بتنزل
عبدالله: أي شكلها المهم مشكوره يا قلبي
الدانه: لا عادي ترى في 7اب بااااااااااااااارد
عبدالله: اوكي حبيبتي
الدانه : اوكي يا قلبي
عبدالله : خلاص روحي اقعدي مع هلج وكلميني اذا خلصت الحفله
الدانه: اوكي
عبدالله : يله باي
ورحت عند هلي اكلت شويه وقعدنا نصور ونشود التلفزيون وحطينا اغاني نرقص شويه انا جيت استعبط
عليهم برقص رجالي <<شكلي ينفع ههههههههههههههههه
المهم طلعت شويه عنهم واتصلت له
الدانه: هلا حبيبي
عبدالله: هلا يا قلبي
الدانه: خلصت الحفله
عبدالله: شدعوة بسرعه
الدانه: هههههههههههههههههههههه لا بس استعبط لين الحين ما راحو
عبدالله: المهم انا بوصل البيت انتي روحي اقعدي معاهم
الدانه: أي تعال كليت الكافي
عبدالله: لا حبيبتي الين بوصل البيت وباكل اهناك
الدانه: اوكي خلاص
عيدالله :باي
وجيت اكمل عبطي عليهم جيت مستنه <<شدعوة فيج زار<<سمله عليج ههههههههههههه
واستانسنا وراحو بيوهم وجيت بلغرفه اكلم حبيبي
الدانه: هلا حبيبي
عبدالله: هلا يا عمري
الدانه: اكلت الكيكه
عبدالله: اكلتها وعورت ضرسي
الدانه: اسمله عليك يا قلبي كليت الكافي
عبدالله: لا لين الحين اقولج مقدر بعورني
الدانه: المهم في كافي لونه ابيض عليه جوز الهند اهم شئ تاكله هذه <<كافي فريه روشيه
عبدالله: اوكي عاد هذة ذابحتي
الدانه: اوكي بلعافيه يا قلبي
عبدالله: الله يعافيج
الدانه: خلاص راحو احس اني تعباااانه
عبدالله: سلامتج انتي الحين ارتاحي شويه واذا تعبانه كلش نامي
الدانه: شكلي كذيه
عبدالله: اذا بتنامي اتصلي
الدانه : اوكي
عبدالله : باي
ورحت كليت شويه لاني ما اكلت على العشى وايد وبدلت ومسحت المكياج وقلت بنام لان جسمي تعبان
اتصلت وقلته وصيته انا ما يتاخر بس كانت اخته موجوده قال بكلمج بعدين
نطرته وما قدر خذا النوم عندي بسرعه طبعا هو اتصل ما رديت درى اني رقدت
ويا اليوم الثاني وقمت الصبح عادي كل مره وعلى الظهر لقيت محاظره دينيه عن ((نهايات الموت))
شفت الناس اشلون ميتين بطرقه مقرفه ولي يشوفه كان بحس بشئ غير طبيعي كانه هذة الموت بصيرله شفت ناس ميتين على الارض الله يكرمكم(بالحمام وعلى اذانيهم زقاير ) مدمنين موتهم مقرف وتاثر بلقطه وايد
وانا من النوع الي يتأثر بسرعه ما قدرت املك اعصابي حسيت اني تعبت من الدنيا بهمها ولعبها وكل شئ حسيته غلط في غلط وشيطان كان يلعب علي يخليني اطيح في شئ انا كنت غافله منه وهو اني اكون متقربه لربي اكثر
هو صح ما انكر كنت معاه بس في اوقات انساه وتحسفت وقعدت اصيح وقلت ربي يسامحني على الي سويته
وما اتصلت فيه لدرجه هو اتصل فيني وما رديت حسيت الشيطان يقولي ردي على حبيبج قلت صج حبيبي بس مراج ارد عليه وقعدت لين بليل لدرجه انا خاف علي شبه يوم كامل ما اكلمه خلى بنت اخته تتصل علي دريت انه طرشها اتكلمني بس ما رديت ويا الوقت وللحظه الي الكل ما يتوقع
الدانه : هلا عبدالله
عبدالله: هلا وينج قلت خلاص ماتت البنت
الدانه: لا ما مت حيه
عبدالله: انزين ليش كذيه ما اتصليتي من الصبح
الدانه: انت وين
عبدالله: بلكورنيش<<مكان الي كان دايما يفض فض فيه للبحر
الدانه: <<سبحانه
عبدالله: اشفيج فيج شئ
الدانه:<<ماسكه الصيحه لا ما في شئ انت قاعد تسوق ولا تمشي
عبدالله: اسوق ليش
الدانه : اذا فضيت اتصلي
عبدالله: ما عليج اشفيـــــــــــــــــــــــــــــــــــــــــج
الدانه: ما في شئ بس حد عندك
عبدالله: أي ربعي انتي ما لج خص قوليلي شفيج شسالفه
الدانه: لا عندي موضوع ابي اقوله لك اذا فضيت
عبدالله: لا عادي قولي لا تخليني اعصب
الدانه: ُمصر يعني
عبدالله: أي مُصر قولي اشفيج
الدانه: هذة الدنيا كل الي يبيها على كيفه
عبدالله:.
الدانه : المهم بقولك شئ صج ما عندي احساس بقوله بس انت اصريت اقوله الحين
عبدالله:<<بأستغراب ,, قولي
الدانه: انا بقولك لازم كان هذة بيي اليوم الي اقولك فيه اني لازم هذة سنه الحياه جذيه
الي ابي اقولك كلمتين(لازم نفترق) بتقولي ليش لاني شفت الموت بعيوني
عبدالله: شنو شفتي
الدانه: <<ما اقدرت تكتم صيحتهاشفت موتي قريب وانا خلاص تعبت من هذة الدنيا
ابي شئ واحد بس اوصيه عليه وهو انك تقطع الزقاير ولا تفوت صلاه من صلاتك اوكي
عبدالله: انت ِ من صجج
الدانه: أي من صجي ادري انك منصدم بس لازم هذة اليوم بيي وانا ولا انت نقول
عبدالله: انتِ حطمتي حياتي
الدانه: لا تقول كذيه<<زادتت زيادة صياح
عبدالله: لا بلى انتي كنت النور الي اشوفه والحين النور انقطع
الدانه: لا تقول كذيه ابي حياتك تكون احسن من كذيه ابي ايمانك بالله قوي تترك الزقاير وترجع منوهل علشان تقوم تصلي الفجر والظهر وابي اسمع ان حياتك احس من الحين
عبدالله: لا والله اقولج ياها من الحين مهب صايره زينه بتصير احسن بوااااايد<<يقصد بتصير اسوء بوايد
الدانه: عبدالله ما ابي اسمع كذيه خلاص <<دمووع تنزل بزياده
عبدالله: انزين الدانه
الدانه: هلا
عبدالله: هّديت الناس كلهم عشانج ربعي وهلي وكلهم عشان آخر شئ تهديني وتروحين ااااه
الدانه: عبدالله انت تدري بيي هذة اليوم
عبدالله: الدانه
الدانه:هلا <<كان ودها تقول هلا حبيبي
عبدالله: لا تصيحين ما ابي اشوف دمعتج لا الحين ولا بعدين ابي اشوفج مستانسه
الدانه: .
عبدالله: ابيج تسنانسين اذا ياج ولد الحلال يسعد في حياتج
الدانه: <<ودها تقول لا بس انت ولا ما في غيرك
عبدالله: الله يسعدج ووفقج بحياتج تبين تقولين شئ
الدانه: <<تمسح دموعها ,, لا بس الي وصيتك عليه
عبدالله: ان شاء الله وحتى انتي الي وصيتج عليه ما ابيج تنزل دمعه اوكي الدانه: صراحه ما اقدر اوعد
عبدالله :حتى انا ما اقدر اوعدج
الدانه: ليش ؟
عبدالله : حتى انتي ليش؟
الدانه: لان هذة الشئ فيني اراديا ما اقدر امسك نفسي
عبدالله: حتى انا لا اراديا ماسك الزقاير بدخن وانا ما احس بعمري
الدانه:<<تذكر اللقطه الي توفى الميت وهو الزقاير في اذانيه
الدانه: لاااااااااااء يا ويلك ان شميت خبر انك تشرب زقاير اقطعها بأقرب وقت
عبدالله: لا تصرخين لا تزعقين بصوت عالي
الدانه: ما ابي ما ابي بكيفي يا ويلك انت تسمعني يا ويلك
عبدالله: انزين بس لا تصيحين وتصرخين هدي
الدانه: .<<سكتت وهدت بس ما زالت الدموع تنزل
عبدالله : مسحتي دموعج
الدانه: اصل ما انزلت خلاص انا موافقه
عبدالله: اذ انتي موافقه انا خلاص بهدها
الدانه: <<فرحت وزعلت بنفس الوقت . اوكي اتفقنا
عبدالله: بقولج شئ قبل وبعدين بسكر
الدانه: <<<كنت اصيح على السايلنت
عبدالله: ما ابيج تصيحين اوكي حبيبتي وهذة بوسه علشان تتذكريني
امووووووااااح
الدانه:. .
عبدالله: اوكي خلاص يله مع السلامه
الدانه: طوط طوط<<سكرت في ويهه
ويوم سكت صحت صيحه من قلب بس تذكرت كلامه وحاولت انتي امسك دموعي على وصيته لي
وتحسفت انه ما قالتله مع سلامه ليش سكرت في ويهه ليش ليش
وحاولت بقدر اني ما اصيح وما تنزل دمعه(22/6/2007)



طرشلي رساله بليل الساعه 4ونص يقول (ترا احبج ولا تصيحين والله احبج احبج احبج اذا فضيتي اسمعي اغنيه
ابراهيم الحكمي(لحظه وداع)) ما سمعت لاني قررت ما اسمع اغاني بلمره.


هذة نهايت القصه عسى الكل الطرفين يعيشو حياه سعديه ويتهنون بحياتهم
ويتقربون بربهم باعمال الصالحه الي ترضي ربه انشاء الله انا وعبدالله وياكم اجمعين
نتوب الله تعالى وتنقرب به ونطيعه ولا نعصيه







الدانـــــــــــه رسالتي لكم اني كتبتها لتاخذو العبره صج قصه حلو مليئه بالحياه وسعاده وكلمات الحب
بس في شئ حدود الي نحمد الله الله عليها انعمنا ياها لو صار أي شي بنتحسف على كل لحظه
في وقتها ما ينفع نندم على اللحظات وكل وقت عشناها يا ريتنا عشناها في رضى واستغفار
بربنا عسى يهدينا انا وياهم اجمعين وطريق الصالح ان شاء الله

---

pJJJf lk h,g wJJvhpJJJi (rwi ,hrudi fr'JJv)