الموضوع: بتتجوزوا ازاى اختلاف العادات والتقاليد الافراح في مختلف البلاد

الله موضوع يجنن وعموما الف مبروك على كل عروسة

مرسي علي مرورك الغالي خالد
بس كان نفسي يكون في تفاعل وكل واحد من بلد مختلفه يعرض افراحهم ايزاي

الله يعطيكى العافيه راح اطول عليكى ميرو بس راح احكى عن بلدين وهما الفلسطينى والمصرى لان هادول بعتبرهم بلادى
الشعب الفلسطينى
العرس هو أحلى مناسبة في الوسط الشعبي الفلسطيني و أكثرها بَهجه سواء كان ذلك عل مستوى القرى أو المدينة . ففيه يعم الفرح على كل فرد من أفراد الأسرة ، مهما كبرت العائلة اتسع و الحي أو القرية بالإضافة إلى العرسين ، فالأم و الأب يسعدان بنضج أبنائهما . و يبتهج الأطفال بمراقبة مراسيم و طقوس الاحتفال بهما . وفي هذه المناسبة يتاح لكل شخص في القرية أن يطلق العنان لعواطفه فيغني ويرقص ويتحرر من رتابة الحياة اليومية القاسية ، فالعرس في محافظة الخليل هو حقا "الفرح الشعبي العام " وزفاف حقيقي للعرسين .

وللزواج تقاليده الخاصة به في المجتمع الخليلي و الذي يتميز بطابعه المحافظ . و لا تختلف عادات الزواج وتقاليده كثيراً بين القرى و المدينة و لا حتى مع سائر مدن و قرى فلسطين .

و هنا كان من اللازم أن تجرى احتفالات النساء بشكل منفصل عن الرجال وتسير الأغنية الشعبية جنبا إلى جنب مع مراسيم العرس بشكل عام على النحو التالي:-الخطبة : وتشمل الاختيار للعروس و الُطلبة الغير رسمية و الُطلبة الرسمية و قد يشملها "عقد العقد" كما في القرية أو "كتب الكتاب " في المدينة وقد تجرى جميعها ضمن حفلة واحدة تسمى"الصَمدة ".

و في حفلة الخطوبة

وبالنسبه للمصريين
المصريون يفضلون أفراحهم فى العيد

يميل المصريون إلى جعل الأعياد موعدا لإكمال نصف دينهم، إذ قبل قدوم العيد تبدأ مراسيم الاستعداد لإقامة الأعراس، وفي المناطق الشعبية والأقاليم يميل الكثيرون إلى جعل زواجاتهم في العيد لأسباب كثيرة منها أن جميع أقارب العروسين وأصدقائهم يكونون فى إجازة خاصة بمناسبة العيد؛ مما يجعل حضور الجميع للفرح والمشاركة فى استعداداته أمرا لا نقاش فيه، كما أنه في العيد يكون أيضا هناك نوع من الدمج في التكلفة ما بين استعدادات العيد واستعدادات الزواج، خاصة وأن المصريين يميلون إلى جعل طقوس أفراحهم كطقوس الأعياد إذ يقومون بعمل كميات كبيرة من الكعك والبسكويت والبيتفور والغريبة في الأفراح مثلما يفعلون في الأعياد، وكذلك يزينون البيوت بالزينات في الأفراح كما هو الحال فى الأعياد أيضا، ويجهز الجميع ملابس جديدة للأفراح كما للأعياد تماما، ولذلك يعتبر الفرح في العيد نوعاً من الدمج في التكلفة والجهد.



ليلة "الحنة
وتسبق ليله الزفاف ليلة الحنة التي تعد بروفة حقيقية لـ ليلة الزفاف ولكن مع عدم وجودالعريس
طقوس ليلة الحنة تبدأ من الصباح الباكر: زحام كبير من أقارب العروس في منزلها. مع بداية الغروب وبداية ليل جديد تبدأ والدة العروس في إعداد إناء كبير توضع به الحناء بينما ينطقون كلمه الحناء (حنة).
فور حلول الظلام تبدأ مراسم ليلة الحنة بتجمع عدد كبير من النساء وصديقات العروس ومطربة الليلة تكون هي أفضل امرأة في القرية تجيد الغناء. وأغاني ليلة الحنة من الفلكلور ليس لها مؤلف، بل هي من إنتاج الطبيعة.
بعض النساء تعتقد أن قرص العروس في ركبتها فأل حسن للبنات اللاتي لم يتزوجن بعد وكل بنت لم يتم خطبتها تقوم بقرص العروس في ركبتها عسى أن تلحق بها في نفس الأسبوع تصديقاً لما يَعِدُهن به المثل القائل:"اللي تقرصها في ركبتها تحصلها في جمعتها"
ثم يأتي دور الحنة إناء الحناء المزين بالشموع حيث تقوم بحمله سيدة من أقارب العروس تطوف به على كل الحاضرات من أجل وضع الحنة في الكف والقدم. وبعد انتهاء البنات من وضع الحناء في القدم والكف تستمر الأغاني الخاصة بليلة الحنة حتى الساعات الأولى من الصباح.

مرسي جدا علي مشاركتك في موضوعي وانا اكاد اكون علرفت شويه حاجات عن افراح فلسطين
اما بالنسبه للمصرين فاحنا عندنا الاول قري الفتحه وتلبيس فيها الدبل وبعدين الخطوبه وبعدين كتب الكتاب وبعدين الفرح وممكن تكون الخطوبه وعقد القران مع يوم الفرح
نبتدي نمسك حاجه حاجه قري الفاتحه بتكون للعائله وبس والاغلب للرجال بس ما فيهاش نساء خالص الا العروسه واخوتها وولدتها بعد القرايه وبيكون الاحتفال ده بسيط جدا ده لو في الخطوبه وما بعدها كل مناسبه علي حده لكن لو الخطوبه بعيده شويه زي شهر كده بيكون قراءه الفاتحه ليها احتفال كبير وبيكون يحضره الاهل والاصدقاء وفي هديه مع الدبله من العريس لان ما فيش ساعتها شبكه غير مع الفرح اوك
نيجي لو في خطوبه الخطوبه بتكون للكل يعني اهل بقي واصحاب وجيران وبيكون اما في البيت او قاعه في فندق او قاعات افراح
عقد القران بقي غالبا اما يوم الفرح او قبليها بيوم او تنين اقصاها اسبوع وبيكون اما في مسجد واما في البيت وطبعا وطبعا بيكون النساء والرجال منفصلين لان ده عقد قران
وبيصاحب الاحتفالات دي طبعا موائد وزينه وزراغيت واغاني وكلام منده
نيجي ليوم الفرح بيسبقه يوم بيكون اسمه يوم الحنه وبيكون عند العريس مع اهله واصدقائه وبرده عند العروسه مع اهلها واصدقائها وكل جيراتها وبرده ده يوم منفصل ما يبقاش فيه الاختلاط زي الفرح سواء عند العريس او العروسه واحتفالهم في بالطعام والحلويات وليه هدوم للمناسبه دي ونساء لعمل الحناء وفي دي جي وفي ناس بتعمل زفه بالعربيات في كل المناسبات دي
يوم الفرح بيكون في قاعه كبيره وفيها كل شئ بيدل علي السعاده اغاني كلاسيك وساعات شعبي وسلو وتقاليع للدخول العريس والعروسه ودخول تورتايه الفرح و تقطيعها وتلبيس الشبكه والدبل وكمان تقليعه رمي البوكيه العروسه لان كل البنات بتبقي مستنيه انها تاخد البوكيه ده
وكمان بيكون في فوتو كبيره للعريس والعروسه كل المعازيم بيمضوا عليه وبيكتبوا تذكار او امنيه للعروسين وكمان بيكون في كليب لصور العريس والعروسه من وهما بابيز ولحد يوم فرحهم وافتتاح البيفيه بيكون بالعروسين طبعا
و في الاخر بيكون في دعاء من المغني للعروسين لحياتهم الجديده وطبعا دي افراح مش بتكون منفصله ودي اول نوع من الافراح
النوع التاني بيكون زيه الاول اوي بس العروسه محجبه
النوع التالت او الثالث بيكون فرح اسلامي برده مش منفصل بس الاغاني فيه اسلاميه وما فيهوش هيصه ده تعبير مصري يعني فرح ملتزم
وفي نوع رابع ده فرح اسلامي جامد بيكون منفصل وفي برده اغاني اسلاميه والعريس بيروح للعروسه في الفرح الاسلامي بعد كتب الكتاب لتلبيس الشبكه وينزل بعدها عند الرجال مره تانيه
وفي نوع خامس وابتدي في الانتشار ان العروسه ما بقيتشي عايزه فرح وبقت تتطلب بدل ليه حج او عمره
واكيد بيكون اقارب العريس والعروس عاملين هدوم سهره جديده وتنظيم لنفسهم ولشكلهم وكله بيكون زي العريس والعروسه في اللبس والاكسسوارات وفعلا بيكون عندنا كحك وبسكوت زي العيد وكمان بيتيفور بس ده بيكون في بيت العروسه وعايزه اقول ان الافراح مش مقتصره علي الاعياد بس لا هو كمان بتكون كتير جدا في الاجازات علشان يكون اكبر قدر من العيلتين موجودين
ويارب ما اكنشي نسيت حاجه واكون قلت كل حاجه عن افرحنا
ياريت اعرف افراح البلاد العربيه كلها

انا لقيت رايين من بنات فلسطين عن افراح فلسطين وحبيت انقلهم

احنا عنا بعد ما العروس والعريس يوافقوا بعد ما يجلسوا مع بعض بيجي دور فصل المهر والمتقدم والمتاخر وبعد هيك بيصير قراءة الفاتحة وعادة بتكون بوجود العائلتين وبيتم تحديد موعد كتب الكتاب وبيتم كتب الكتاب اما في بيت العروس او في المحكمة الشرعية وفي ناس بيحبوا يعملوا حفلة في البيت او في صالة افراح وفي ما بيعملوا حفلة خصوصا اللي ما بيطولوا في الخطبة، بعدين في الافراح بيكون في ليلة الحنة اهل العروس بيعملوا حفلة وبيعزموا العائلة عندهم والاصدقاء والجيران للحنة وللفرح طبعا ووفي بداية الحفلة بيجي اهل العريس لفترة قصير من الوقت يعني مع المغرب تقريبا وبيروحوا بسرعة وبيكونوا جايبين هدية لاهل العروس عبار عن سكر وليمون ومكسرات للضيوف وعصير وحنة ، بس بطلت الناس تتحنى في هاي الليلة يعني قليل منهم اللي بيتحنوا في ناس بتروح على الكوافير وبتعمل نقش حنة وفي ما بيحبوا الحنة فما بيحطوها، وبيضلهم يغنوا ويطبلوا لحد ما يتعبوا والناس تروح بس احلى اشي لما بيسكوا المسجل وبيغنوا اغاني شعبية ، وفي ناس بتحب تبات خصوصا المقربين جدا للعروس بيباتوا ، اما اهل العريس بيكونوا عاملين حفلة للشباب (الرجال) وبيسموها السهرة وبتضل لمنتصف الليل تقريبا، وبعدين بيضلوا الشباب سهرانين مع بعض للصبح ليوم الفرح.
ويوم الفرح عنا بيختلف من ناس لناس في ما بيعملوا مادبة غداء وبيعزموا عليها يعني بيكتفيوا بالعائلة فقط وفي بيعملوا هاي المادبة بس بيكون الفرح هيك احلى لانو رايي الشخصي انو حلاة الفرح بهاي المادبة واللي بدهم يعملوا غداء بيقوموا من اذان الفجر بيصلوا وبيدبحوا عجل وبيبدوا بتحضير الغداء (طبعا هاد شغل الطباخ)، لحد ما يخلص الغداء بحدود الساعة 2.5 الظهر بيكون العريس بهذا الوقت اخد العروس للكوافير، وبيروح على الحلاق بيجهز حاله، وبعد العصر بيجيب العروس من الكوافير وبيروحوا يتصوروا في الاستوديو (قبل الانتفاضة كانوا يروحوا على البحر وعلى الملاهي ويتصوروا هناك بس هلقيت لأ الناس بتخاف على حالها)
المهم بعد ما يجيب العروس ويوصلها لبيتها اهلها بيعملوا الها حفلة لحد ما يجي العريس ياخدها للصالة، وبيكونوا في بيت العريس عملوا زفة حلوة العريس (عائلته واصحابه) واحلى اشي الزفة الشعبية بتكون احلى من الطبل والزمر وبعدين مع المغرب بيرحوا اهل العريس ياخدوا العروس وبيروحوا على الصالة وبيعملوا حفلة بتكون غالبا مش مختلطة (حسب العائلات) لحد الساعة 11 بالليل تقريبا وبعدين العريس بياخد العروس وبيخلص الفرح، بيجي دور الصباحية صاروا الناس يعملوها العصر وفيها بيجيبوا اهل العروس (عائلتها الاعمام والاخوال ) حلويات وبيروحوا ينقطوا العروس اما نقود او ذهب وبيعملولها قريباتها حفلة صغيرة وبيروحوا، ويوم الاسبوع بيعملوا كمان حفلة اما صغيرة او كبيرة وبيعزموا عليها الجيران والاصدقاء والاهل من اهل العريس والعروس وبيجيبوا اهل العروس ملبس وتحف بيوزعوها على المعازيم.

ارجو اني ما اكون طولت عليكم بالحكي بس حبيت اشرح كيف الافراح عنا
وان شاء الله بتدوم الافراح في بيوتكم جميعا
ومرة اخرى اسفه على الاطالة ،
وادعو لنا في فلسطين ان يعم علينا الامن والامان وان نستطيع الصلاة في ثالث الحرمين الشريفين
اللهم امين
والسلام عليكم