الموضوع: عنوان الفلم . روميو وجولييت لا يفوتك :)

[align=center]
وينك ياحب وين اراضيك اشوفك حولي ولما اجي ادوس اراضيك القاك اختفيت ياويل زماني أن خذت قروي وبدوي ولا واحد مدري وشلون يعاملني

أبي واحد يوزني ذهب ويعرف قدري ويهدي مع كل أشراقت صباح زهره بس هذا موفي الزواج اللي خبط ولزق مليت من السمن والدقيق ابي زواج مثل روميو وجولييت

ولا عنتر وعبله لا عنتر وعبلةلا لا الله لا يقوله احب عبد اسود خال لا لا معاذ الله

ابي حر طليق ابي اكون انا واياه زوجيين كناري

بس هو وينه والله لسهره ليله واخليه يحلم بنهاره بكون شمعته اللي بغرفته بكون وردته اللي يشمها

بكون دفاتره واقلامه بكون غصه بحلقه بس هو وينه ياربي ارزقني حبيبب يرمي لي رقمة ولا يعطيني ايميله

ياناس معذوره مابي عيال عمي ولا أبن خالي ماأريد غير حبيب اختاره انا بنفسي وانصبه واخليه نصيبي

يلا يلا مافيها . خليني أضرب الحديد وهو حار

أبوي طلع وامي راحت تسير على الجيران الحيين بتصل على صديقتي نوفه تاخذني بسيارتها ونلف السوق واختار على ذوقي

اوو لازم البس واتشيك واسحر كل من يطالعني .

بخلي الرجال والشباب يصفوون طابور والشياب يتحسرون على عمرهم اللي ماأغتنموه في لحظه .واختار شريكة حياته يحزنوني الشياب لما أمر من عندهم قاموا أنشدوا قصيدة يابنت ماترضيين في حليل .يبوي ولي حليل ولا خليل فارق وش شايفني دوا كحه .


لبست الحلوة وتشيكت وكانت على سنكة عشره وجات نوفه تاخذها بسيارتها ويروحون يقزون الشوارع لجل تبحث عن حبيب :)



خلينا نشوف اختنا ونشوف هل تلتقي بحيبها ولا يكون حظها سيء :(

جنون أنثى :)


[/align]

اوكي جنونتي

بلعب الدور بس لعنون البنات صقيقاتنا علشان ينتبهون من الذئاب البشرية

وبعدين قلتلك ابي انا نجلاء فتحي وانتي حسين الشربيني

احس حسين مايسوي شي يغضب الله لان بجبهته علامة السجود

يلا بلعب دوري

سي يو

ويطسن البنات الداشرات إلى سوق حجاب المخضرم

ثمن نوفه تختار الملابس الفاصخه والبناطيل الضيقه ومشعه تقز بعرابجة النسيم

لكي تبحث عن فتى أحلامها مناحي او مذود او معجل

وتتوالى الدقائق والثواني

إلى أن يفهم للمشعه أحد الماره من المتسكعين الفاشلين دراسيا

ويرقمها بكلينكس متعفط

ثم ترجع للبيت وقليبها يتراقص طرباً لانها بتسوي قصة كقصة وضحاء وابن عجلان فهي كم حلمت بان تصبح وضحاء الجميله

التي يتكلمون به العربان

.

والآن أعزائي

نبقى قليلا الى الشوط الثاني

فقد كانت هذي نبذه عن حياة شرسه قادمه

سي يو

فاصل اعلاني


رضاؤكم هدفنا

شركة شمر للمعدات الثقيلة


معداتك من مخاضنا سوف تبقى للمدى الحياة ماراح تفقد منها صاموله

رضاؤكم هدفنا



ترم ترم

هذا البرنامج تحت رعاية عنزه للمقاولات الاستعمارية وشمر للمعدات الثقيلة

[align=center]

ياحظي اليوم البنت اخذت رقمي من بيين كل الماره اختارتني يابعدي يانعومة يدينها وهي تمسك بيدي واو وووو كنت بطيح من طولي وانا أرقمها

أشوى أني طلعت اليوم وماقعدت عند أبوي اصب القهوه للضيوف الله سلمني من اليدين الخشنه

ورزقني بيدين ناعمه تحن علي مو تضغط على يدي وخشونة يدينهم كنها شوك

ياربي انك شايف اني كل يوم بالسوق أريد وحده تحسسني برجولتي واحسسها بأنوثتها


ويصدق أخونا (( عمر)) أنه رجل وينتظر محبوبته تدق عليه ويفز مع كل أتصال :)

ويقول لما تدق ماراح أرد عليها بسرعة بثقل عليها شوي علشان تعرف أني مو أي واحد

بوريها أني أنسان مشغول وانسان رجل أعمال وافهمها أني لما رقمتها كان بمحض الصدفه وان لفت نظري عيونها اللي تقال عيون سميرة توفيق
جنون أنثى


[/align]

ويوم رجعت البيت فاتن بنت الرجاجيل

تدخل الغرفه الي مليانه وغدان =ورعان = للغير السعوديين (أطفال) وتقفلها وتنزل برقعها وعباتها

وتجلس على السرير عفوا قصدي تجلس على الفراش الارضي وتحط المنديل بصندوقها ابوقفل

وتطلع تشيك على البيت وتجس نبض امها تعرفون الخايف دايما يحس الناس تعرف شفيه

الزبده ويوم شافت ان مامتها للحين ماشبعت كراث وشاهي عند جاراتها رجعت مثل الغزال الشارد

وطردت الوغدان من الغرفة

وطلعت المنديل المتعفط

وقعدت تفتحه شوي شوي

تعرفون المنديل يابس ويبي له رواقه

المهم مالكم بالطويله

اول ما انفك المنديل

تراقص قلب فاتن فرح وصارت تنطط

شافت رقمه الي كنه لوحة سعوديه قبل التعديل

وشافت ذاك الاسم منور بوسطه

((((تركي)))) >> عسى ماهو تركي بن حميد الي يناطح الرجال

جلست فاتن تتنفس الصعداء اجتمعت عليه

بين التنطيط على الفراش وبين قلبه الي يطربق من شافت اسمه

وقعدت تتخيل الشاب الوسيم ابو شوشه تركي

وتتخيله ابن عجلان ينتشل وضحاء من اعماق الحب الطاهر

مادرت ان تركي التسذوب انه عمر وانه يبيه فريسه سهله له:sad:




انتظرونا مع المشهد القادم ومزيد من الاحداث المثيرة
مع تحيات جنون انثى &نجولة

اجل قصه حب.وناسه

[align=center]
لحظه نشوف كيف تمرالساعات والدقايق على الداشر عمر وهو ينتظر فريسته السهله المنال

عمر يعد ويرتب للمكالمة التلفونيه .

يجهزعمر السطح ويفرش فراشه وبعد طق أخوه الصغير يرسله يجيب مسجل وشريط مزعل الفرحان من عند الجيران

الحوار اللي دار بين عمر واخوه دحيم

عمر : شف يادحيم الحيين تطير مثل الغزال لبيت خوي حنتوش وتجيب من عنده المسجل وقول له أخوي عمر يبيه ضروري . وان لقيته نايمه مو تجيني يد قدام ويد ورى خذ المسجل من عنده وبعدين قله اني قلت لك وأنك قلت خذ اللي تبي .

دحيم : ماأقدر أروح عندي واجبات وأختبار رياضيات وابوي محرص علي اليوم ماأطلع من البيت

عمر : تروح وانت ماتشوف دربك ماعرفت أن عندك واجبات الا لما جييت برسلك ترى بحلق لك هالشوشه واخلي عيال الحار يشوفون الفقش اللي براسك رووح يوميين تكبر وتسير مثلي وتحس بمعاناتي

دحيم : الله لا يقول أسير مثلك لا شغل ولا مشغله خلاص أنا برووح وأمري لله بس لجاء أبوي ماحصلني بالبييت أنت اللي بتاخذ عني العلقة

عمر: امش مشت بطنك مابقى الا بزر يهددني .

عمر يزبط وضعه ويقول المسجل ضروري يغطي على صوت أبوي لجاء يصارخ وصوت هديل الحمام والغنم اللي جنبي

وفي لحظه تفكير مع نفسه ياربي انا وش كتبت أسمي بالمنديل تركي ولا فيصل اَه يالقهر

اذا أتصلت أكيد بتقول الو واقول لها أهليين وتقول تركي ولا فيصل الأسم اللي كاتبه بالمنديل

اكيد وقتها بعرف وش أسمي .

يارب تدق علي قبل لا يجي أبوي

دق ياجوالي أرحم قلبي المتيم

خلينا نشبكها الليله واطيحها بغرامي بأول قصيده لي مسروقه

ياالله دقي يامن فتنتيني بعينيك الوساع وسحبتيني على وجهي وخليتيني أخرج كل اللي بجيبي من مناديل وكنتي أنت الصيده اللي صدتها فهالليله يلا ياليلى مدري وش أسمك أتصلي بليز
جنون أنثى :(


[/align]

[align=center]
فاصــــل ونواصــل








جنون أنثى :)


[/align]