الموضوع: مشــكلتي مـع اهلي يوم شكــوا إني اكلم بنــت (( أحداث و فضايح ووقائع دمويه ))

مشــكلتي, مـع, اهلي, اكمل, بنــت, يوم, فضايح, ووقائع

[align=center]
لعنبو إبليسك أنا أعطيك رقمي وأقولك شبكني مع بنات

آخر الليل تجيني رسالة ومكتوب فيها (( إذا تبي تطلع معي أرسلي شحن سوا ))

وأنا اللي أنط وعلى طول بدون تردد أدق على الرقم ،،، وشوي ما اسمع

إلا صووت من خشوونته تحس انك فارش فرشك داخل شكمان قلاب

وبعد اخذ وعطى ،، طلع هذا .!! متطلم وعلى باله يقلد صوت بنت



المووهم

زبده موضوعي اليوم

انه أهلي قاعديلي ،،، متعلقين في رقبتي ،،، في كل صغيره وكبيره

يدخلون فيها طاري بنت ،،، أقولهم باطلع يقولون منهي اللي بتطلع معها

اقوولهم باكلم تلفون يقولون منهي هذي ؟!! ،،، أقولهم بارووح أنام ،،،

يقولون نام والمبه مفتوحة عشان لا تحلم ببنت

<<< هذي حالته

وأنا باعطيكم الحاقايق من أول وقولولي هل أنا مظلوم أو هم معم حق


~~~~ أيام المبزره ~~~~

لما كنت في الثانوي ،،، كنت شاب يافع ينشد به الظهر ،،، لدرجه انه كل

يوم ارجع للبيت وأنا منضرب ،، وتطالعني أمي بنظره أسى وحزن

وأنا أقولها ،، ترى أعجبك ما بكيت ولا نزلت دمعه

كنت نحيل الجسم ،،، قصير القامة <<< قول قزم وفكنا

كنت أقوم قبل الدوام بساعة ،،، أرز وجهي عند المرايه والعب في الشنب

اللي مستانس انه طلعلي ،،، وكانت أمي كل صبحيه تقولي

يادفين لعنبو ابليسك لو شنبك تكلم كان اشتكى ،،، اعتقه لوجه الله

وأنا اللي ما اهتم وأسالها ،،، يماااااه ،،، الشنب يكون متوارث



قالت ليه السؤال يا وليدي ؟!!

رديت وقلت ،،، لأنه أخاف يطلعلي شنب مثل حق أخوي ،،، تقولين من

كثافته كأنه غابه الأمازون ماله حدود <<< يذب على ابووه

شوي ما القى الا طبعه في المرايه عباره عن طبعه خشمي الطويل

زائد(ن) براطمي << ابد أمه ما صكت رأسه بالمرايه



كان كل همي وأنا في الحصة انه كيف اخوي الصغير يهزمني في

البلاي ستيشن ،،، وليه اللي جنبي يلعب في خشمه

وإذا طلع منه شئ يقعد يطالع فيه على باله بيحتفظ بيه

مرت السنوات ،،، و الحل ما تغيرت ،،، إلى أن جاء يوم وقالوا أهلي

خويلد ،،، أخوالك أزعجونا يبونك تروح جده ،،، ها وش تقول ؟!!

وأنا اللي تطلعلي سحابه فوق راسي وأول شئ فكرت فيه

واااااو ،، جنقل لاند ،، ونااااسه <<< شفت البراءه كيف

وأنا اللي أشيل عفشي والى جده

طبعا كان أحسن مافيني انه من صغرتي وأنا أحب اكشخ ،،، فكنت

الاحظ على خالي هناك انه ياخذني معه في كل مكان ،،، مع العلم

انه أول كنت إذا قلت له بأجي معك ألبقاله اللي جنبنا يقول انقلع لاتوطاك

وما اشوفه الا تقزز في الخليقه ،، بس لا لا لا مو الخليقه،،الا البنات بالذات

وكان اذا مر من جنب بنت يهز يدي وما يدري انه هزته كانه

واحد رافعني من راسي ويرجف فيني رجف ،،، المهم يهز يدي

ويقولي ابتسم ،،، وانا اللي افتح خشتي كذا ،،، ومن زود ماني فاتحها

وصله اللحمه اللي لها شهر متعلقه في ضرسي بانت



وكانت نهايه مبزرتي اني عرفت شئ جديد علي وهو

(( التعرف على البنات والبصبصه ))


~~~~ ايام الجامعه ~~~~

اللي اختلف فيها عن ايام المبزره ،،، اني صرت طوووويل <<< لاحظوا المده

وانه العنقز اللي كان في وجهي راح ،،، واني رحت درست في الرياض

كنت ما اعرف شئ اسمه المملكة ولا الفيصلية ،، كانوا اذا قالوا بنروح الفيصلية ،،، اطالع

فيهم بنظره استخفاف وفي نفسي اقول ،،، انا وش طيحني بين بزران

يبون يلعبون في الملاهي

وبعد مده عرفت الفيصلية ،،، وعرفت حل نص تساؤلاتي ايام المبزره

ومنها

ليه دائما الزباله في المجمعات مليانه من قصاصات الورق



وعرفت ليه اذا انا شفت ورقه على كاونتر اخذها وارميها في الزباله

يجي صاحب الورقه ويتوطى في بطني

<<< قايلكم انسان برئ وحبيب



وبعد كم سنه ،،، وصلت لمرحله اني عرفت

(( كل شئ عن حركات الشباب مع البنات ))



~~~~ بعض الاحداث ~~~~

مع قناعتي انه مافي بنت بتملى عيني ،،، ومافي بنت ممكن تاخذ محل

بريتني سبيرز في قلبي ،،، الا انه لازم نواكب التقوودم

ومن هذا التقوودم ،،، ليه ما اكلم بنات

انا وش يفرق عني وعن بو شنب هذاك اللي كل وجهه تجاعيد وقبل

ما يطلع اشك انه يحط المكوى على خده ،،، ايه وش يفرق عني

وهو بس 24 ساعه يكلم بنات <<< ايه خبرك ياكثرالنصب

ومن هنا بدات معاناتي ،،، مالقيت بنت تعطيني وجه ،،، حتى اني

حاولت اتلزق في اللي تبيع طراطيع على كرنيش جدة ،،، ما دريت الا 5

تكارنه فوق راسي ومعلقيني في المراجيح

ومرت الايام ،،، والشهور ،،، الى ان فقدت الامل نهائيا

وكنت كل ما اشووف بنت قدامي ،،، تجي في بالي صوره بنت عمي

اللي اهلي ملزقيني فيها ،،، واتذكر همسها معي وغمزاتها

وطبعا بنت عمي اذا وصلت لاقصى مراحل رومانسيتها ،،، تجي تمسكني

من اذني وتشدني الى ان توصلني للدرج ،،، وتقولي اذلف لالعن خامسينك



<<< يا عالم ليه الكل يتقوى علي



وفي مره من المرات رحت الفراش بدري ،،، لانه بنت عمي طلقت

انه ما اكل معها في سفره وحده لانه تجيها حاله ضرب هستيريه

وماهي الا دقائق ويرن الجوال


انا : الووو

المتصل : خالد موجوود

طبعا في هذي اللحظه ساد الصمت من ناحيتي ،،، يا لهوتي ،، كاني

اسمع صوت بنت ،،، وانا اللي ارجع واقول .


الووووو

ايووه ،، خالد موجود

لا والله خالد مو موجود ،، من اقله عشان اخليه يتصل عليكي

(( طبع لاني فطين فانا ناوي اكلمها على اني خالد بعدين ))



<<< يالدلخ يعني كانها ما عرفت صووتك

المووهم نكمل

قالت

اوكي من معي

وانا اللي اتذكر كلام اخوي لما يقولي ،،، لا يلعبون عليك اولاد الحاره ،،

ولا تاخذ حلاو من احد ،،، واسم امك لا تعلمه ،،، فقلت مدام اسم امي

ما اقوله ،، نسنتج انه اسمي بعد ما اقوله


فصرفت لها اي اسم

قلت

معك بدر

اها ،،، اوكي معك بدور

اوكي اسمي احمد

انا بعد اسمي حمده

اوكي انا خالد اللي تبينه

يا حظي ،، انا بعد اسمي خلوود

الا البنت تشبكني



وانا اللي اتذكر مقوله واحد من الشباب ،،، تبي تشبك البنت ،، خلها تفطس

ضحك ،،، وعلى طوول قلت لها


انا عبسي



طبعا كاتم الضحكه واستناها تقولي ،،(( انا عبسيه ))

شوي ما اسمع الا صووت

طوووط طووووط طووووط

وانا اللي تقفل معي ،، وارووح ركض للحمام ،،، وافرش اسناني

قلت يمكن ريحه فمي ما اعجبتها



وتمر الايام

ويجيني رقم غريب مثل الاول

وانا الي ارد ،، وما اسمع غير هذاك الصووت اللي يرد الرووح

ويخلي القلب بس يقول طربق طربق

امسك نفسك لا تهز يكفي اخر مرره كبيت الشاهي




المهم

وانا اللي اتذكر المره الاولى لما استخفيت دمي وقفلت في وجهي

وقلت مالها الا ثقل


الوو

هلا ،، ممكن نتعرف

ليه نتعرف ،، وش شايفتني واحد من الشارع<<< اخس يالقوي

لا بس ناخذ ونعطي في الكلام

اقوول اسمعي ،،، انا ماني راعي هالحركات ،،، تحسبين ما وراي ظهر

قسم لاجيب اختي عليكي وربي لتنفت حواجبك

طبعا البنت فاطسه ضحك

وانا اقوول

عسى بعد هالضحكه القبر انشاءالله

وردت

وي ليه انت كذا

وي تويوي في بطنك قولي اميين



والبنت بس تشهق من الضحك

بصراحه

لما شفت البنت تضحك وانا اللي استانس

وارووح ركض لبنت اخوي الصغيره واقولها

بسررعه عطيني سبه

وهي اللي تطالع في وجهي وتقول

(( بنك بانثر ))

وانا اللي استانس ولما جيت باسب البنت ،، طالعت في اختي وقلت

لعنبو ابليسك هذي عيارتي

وكالعاده عقابها اعلقها في النجفه



المووهم

البنت قالت

اقوول

قلت

يا عيون اقوول

قالت

يا ملغك

وطووط طوووط



ومن هاللحظه عرفت انه مالي حظ مع البنات ،،، وانه مردي

لبنت عمي

<<< قاعد يتخيل شكله وهو لابس لبس المطبخ ويغسل الصحوون



على طوول بعدها رحت ركض للمطبخ ،، ادور لحضن امي ،،، ابي

احس بالحنان ،،، طبعا انمي على نياتها ،، كل ما تشوفني زعلان ،،، تروح

تسويلي مرقة




مدخل الشباب


البيت بيتكم حياكم الله
مدخل البنات



اقمزوا من فوق هذي للبنات عشان تدخلون

======================
======================




<<< ماهوو نذل ابد وعنصري


~~~~ سخريه القدر علي ~~~~

بعد مرور كم سنه ،،، تغير خالد ،،، صار عريض المنكبين ،،،

ذو عضلات وجسم مقسم ،،، وذو عينان خضراوتان <<< يسمع بالقواعد



<<< يقول في نفسه الحين العالم بتصدق اني حق عضلات



المووهم

تغير في اشياء كثيره ،، والغربه زادته تغير على تغير

وكان من ابرز التغيرات انه صار

<<< لعنبو ابليسكم ماحنا في شات الحين

صار ،،، قايلها يعني قايلها ،،، خالد صار



<<< الله من النصبه شفروها



خالد صار

و ~~~~~~~ س ~~~~~~ ي ~~~~~~~ م



اهم شئ فهمتوها ،، يعني صرت



راجع الجمله اعلاااه



ومن هنا ،،، بدت مشاكلي مع البنات ،،، وبدات شكوك اهلي

وهذي بعض الاحداث اللي صارت


مرره كنت باطلع بسيارتي ،، توني مغسلها وكنت كاشخ

<<< رايح المجمع اعترف



وكان جارنا متزوج امريكيه




جارنا كان مسافر ،،، فطبعا زوجته جابت اصحابها والا هم امريكان

وكان عندهم بنت ،،، ااااه يا قلبي قلبااااه

انا طلعت بسيارتي ،،، ورافع صوت الاغاني

<<< ما يسمع الا غربي

شويه انه البنت الحلوه توجه لي كلمه كانت في الصميم وهي :


ٍSTUPID IDOT

معناها

انا احبك

طبعا تحسبني ما اتكلم انجليزي فرديت عليها


GO TO HELL

معناها

امووت فيكي انا




<<< شكله بينشات من المنتدى

<<< يحلف انه نص اللي بيقرون الموضوع ماراح يعرفون معناها



وبعدها انا قمت انواع التبصبص ،،، وتعرفون البنت اذا استحت

تقفل الباب الا شوي ،،، بعدين تلمحك لمحه ،، وتقفل الباب ،،، وتلمحك

لمحه ،، وتقفله ،، وهاتك من الابتسامات



كملت طريقي ورحت مشواري

لما رجعت البيت

اول ما لقيت في وجهي الوالده

وقالتلي ،،، انت يالهيس الاربد ،،، ليه تلعب في بنات الجيران

<<< لا تنسون يد على خدها ويد على خصرها



قلت ،، انا ،،، قسم ما سويت شئ ،،، ليه وش صار

قالت ،،، الامريكيه اللي قدامنا ،،، دقت الجرس ،،، وتقول

(( ممكن خالد يطلع ))









8
8
8

حالتي وانا اول ما سمعت الخبر

فقلت للوالده ،،، وانتي وش قلتي ،،، قالت ،،، لا موموجود

قلت لها ،، مالك داعي وربي

نسيت انه اللي قدامي امي ،،، واشووف نظراتها علي

قلت لها ،،، مافي مرقة

وانا اشووف النظرات تزداد

قلت اوكي باطس انام


وبعدها بكم يووم

دق جرس البيت ،،، وانا اللي اطلع ويطلع معياخوي الكبير
لقفه اخوي

المهم كانوا بنتين ما اعرفهم ،،، في المتوسطه على ما اظن ،،، قلت نعم

واشووف كل وحده تدف الثانيه ،،، شوي صاحت وحده وقالت

(( ترى هذي تقول تحبـــــك ))



طبع اخوي جنبي ،، لا شعوريا قفلت الباب في وجههم

فسالني ولد اخوي ،، وش يبغون ذولا ،،، قلت لا ابد

يبغون مرقوق ماجي <<< يسمع بالتصريف



وليومك هذا ولد اخوي يلوي يدي بالحادثه



طبعا مرت الايام ،، وهدأ الوضع ورااح شك اهلي عني

وفي يوم من الايام القاحله ،، وانا طالع مع صاحبي وقاعد الحس في

الايسكريم قبل ما يسيح وينكب علي ،،، اتصل اخوي الكبيرعلي وقالي قابلني

في المجمع الفلاني ابي اخذ سيارتك

طبعاخوي معه مبزرته وامي ،، ويبي يعطيني سياره العائله وياخذ سيارتي

والله اني شااك انه اخوي يغازل ،،، مرره راح معي المستشفى ،،،

قعد يسولف مع الطبيبه السوريه ،،، حتى راتبها عرف كم



المهم

رايح باقابل اخوي ،،، وانا نازل من السياره المح هذيك البنت ،،، يا ربي رباااه

طول عرض وجسم ،،، وكرشه ومخصر

كنت مستعجل فطنشتها ،،، والا قلبي معها وهي على بالها ثقل

<<< ما يعرف الثقل لو ايش

اعطيت سيارتي اخوي ،، وكل واحد راح في طريقه

لما اخر الليل رجعت ،، والقى اخوي في وجهي ،،، ومعصب

قلت هلا ،، وش في ،، ترى جبتلك معي ماكدونالدز <<< يحسبه مثل عيال اخوانه



قال ،،، انا لما جيت اركب سيارتك لقيت هالورقه معلقه فيها

ويعطيني الورقه ومكتوب فيها


(( صراحه انا شفتك واعجبت فيك ،،، ما ادري بس حسيتك شبيشل

هذا رقمي ودق علي في الليل ))

قلت لخوي ،، حركات وتشبك من ورانا

ما لقيت الا زنووبته ماخذ حيز من جبهتي

قال هذي وحده حطتها لك

وانا اللي اتشقق ،، وارووح وطي ،، واسرح مع احلامي الورديه

وماهي الا ثواني ،،، وزنوبه ثانيه تاخذ جزء من العين زائد البرطم




ومن بعدها ،،، اهلي بس يطالعون فيني ،، اذا طالع متكشخ يقولون وين رايح

حتى انه واحد من خوياي مرني بسيارته وهو مغسلها وتوها جديده ،،

قالي ااخوي مافي طلعه روحه بسيارتك

<< يحسب انه بنغازل ما درى انه انا حظي زي وجهي


وزاد شك اهلي لما جت فاتوره تلفوني

طبعا مو كثير ،، بس 11546 الف ريال بس

للي ما يعرف اهتمامات الشاب السعوودي

باسدحها هنا عشان لا يلومني

اهتمامنا ،،، يا بنات ،،، يا كوره ،،، يا رسايل جوال

طبعا انا بالنسبه لي مشطووب البنات

فباقي الرسايل ،،، تجيني الفاتوره دفتر كله رسايل




وكانت اخر حادثه ،، وكانت الطامه الكبرى ،،، مما جعل اهلي

يحبسوني في البيت ،،، ويفكرون يزوجوني

وهي انه مره قعدت في البيت ولا طلعت ،،، قالوا غريبه ما طلعت

قلت لا ابد مشتاقلكم وابي اقعد معكم ،،، شوي الا نفتح التليفزيون وخوي يقلب في القنوات ويحط قناة
الواحة فالك المليون قصدي شاعر المليون

انا داخل جوو مع البرنامج <<< الا مع المضيعه افكر كم سطل بوية حطته في وجهها
وخوي يغير القناة بعد ماراحة امي ويحط على برنامج ما يطلبه المشاهدين



شوي الا تتصل وحده

وقالت

ابي اهدي اغنيه (( يا ناسينا )) الى

خالد بن . بن ال .

قالت اسمي الرباعي

وانا اللي كنت اكل في الفصفص ولا شعوريا تفلتله في وجه اخوي



وما لقيت الا انظار اهلي علي ،،، ومتفاجئين ومولعين

الا بعدها بثواني تتصل وحده وتقول

اهدي اغنيه (( بعدك حبيبي ))



خالد بن. ال

قالت اسمي الثلاثي

وما لقيت الا اخوي الكبير يحجرلي في الزاويه
كيف دخل متى اين مدري

و يصارخ على امي يقول لها جيبيلي شئ ادب فيه هالداشر

وامي تركض للمطبخ وتجيله فرجار <<< يلعن ام العربجه



طبعا اهلي شكوا اني قاعد في البيت هذاك اليوم لانه متفق مع وحده انها

تهديني

<<< وانا اقوول حوونكتي طالعه لمين


وبسبب هالاحداث

اهلي بدوا بالشك ،، والريبه ،، حتى انه اخوي يتصل يبي يشوف رقمي مشغول ولا انتظار مايدري ان فيه تحويل مكالمات لووول

وفي الاخير يقولي ،،، انتبه لا تقرب من البنات




والمشكله اهلي ما يدرون انه انا ابي اشبك خدامتنا ولا قدرت

حتى من زود ما ابي اجذبها دهنت شعري بزيت بس ماااش ما عطتني وجه



ومن القهر

كنت مع اخوي جالسين نطالع في قناتي المفضله ((



واخوي معطيني اشكل واشوفه بالجوال بس يرسل ،،، المشكله ماله

الا يومين مطلعله رقم سوا ،،، لما سالته وش سالفتك ازعجتنا

قال

يا اخي هذي بنت ناشبتلي ،، ترسلي وتتصل وتقول ياهوو افهم



وانا اللي اطق اللطمه

وارووح ركض لحضن امي واقولها

سويلي مرقة ضبان




وحاليا

اعيش قصه حب فريده من نوعها

حيث انني قاعد اسحب بخشه واحد على الماسنجر مفكر اني بنت



وش السواه ،، ما لقيت اللي تعطيني وجه ،،، قلت مالها الا تماسيحنا




ملاحظه

كل الاحداث فيه حقيقة وفيها من نسج الخيال ،، ،،




مع تحياتي[/align]

---

laJJ;gjd lJu higd d,l a;JJ,h Ykd h;gl fkJJj (( Hp]he , tqhdp ,,rhzu ]l,di ))